Buk Song
BUK FOA
(Buk Song 90-106)
Beten bilong Moses, wokman bilong God tru.+
90 O Jehova, yu bin stap olsem haus bilong mipela*+ inap oltaim oltaim.
2 Taim ol maunten i no kamap yet
Na taim yu no bin wokim yet graun na olgeta samting i stap long en,+
Oltaim oltaim yu stap God.+
3 Yu save mekim ol manmeri i kamap graun gen;
Yu tok olsem: “Yupela ol manmeri, yupela go bek gen long graun.”+
4 Long ai bilong yu, 1,000 yia i olsem asde tasol, em i kam na i go pinis,+
Em i sotpela olsem sampela aua* tasol bilong nait.
5 Yu save rausim ol i go;+ ol i stap sotpela taim olsem driman tasol;
Ol i olsem gras i save kamap nupela long moningtaim.+
8 Yu putim ol sin bilong mipela i stap fran long yu;+
Lait bilong pes bilong yu i mekim ol samting mipela i mekim long pasin hait i stap ples klia.+
9 Belhat bilong yu i mekim na mipela i stap laip sotpela taim tasol;
Na taim bilong mipela long i stap laip i save pinis kwik olsem mipela i pulim win wanpela taim tasol.
10 Mipela i save stap inap 70 yia tasol,
Na sapos mipela i gat strong, mipela i ken stap inap 80 yia.+
Tasol long olgeta dispela yia mipela i stap laip, mipela i save karim planti pen na hevi;
Ol dispela yia i save pinis kwiktaim na mipela tu i go pinis.+
11 Husat i save gut long bikpela strong bilong kros bilong yu?
Na husat i save long strong bilong belhat bilong yu? Em i bikpela tru olsem pret em ol man i mas i gat long yu.+
12 Yu mas skulim mipela long mekim gutpela wok long ol de mipela i stap laip.+
Na bai mipela i kisim savetingting.
13 O Jehova, yu mas kam bek!+ Dispela samting i mas stap olsem i go inap long wanem taim?+
Yu mas sori long mipela ol wokman bilong yu.+
14 Yu mas mekim gutpela pasin laikim* long mipela+ long olgeta moning,
Na bai mipela i belgut na singim song bilong amamas+ long olgeta taim mipela i stap laip.
15 Pastaim yu bin givim hevi long mipela, tasol nau yu ken mekim mipela i amamas bilong inapim ol dispela taim mipela i bin karim hevi.+
Planti yia mipela i stap nogut, olsem na nau yu ken mekim mipela i amamas bilong inapim ol yia mipela i stap nogut.+
16 Ol wokman bilong yu i ken lukim ol wok bilong yu,
Na ol pikinini man bilong ol i ken lukim glori bilong yu.+
17 Jehova, God bilong mipela, yu bin mekim gut long mipela;
Yu ken mekim ol wok bilong mipela i kamap gut.
Yes, yu ken mekim ol wok bilong mipela i kamap gut.+