Buk Song
BUK TRI
(Buk Song 73-89)
Asap+ i raitim dispela song.
73 God i save mekim gutpela pasin long ol Israel, na em i save mekim gutpela pasin long ol man em bel bilong ol i stap klin.+
2 Tasol klostu mi lusim stretpela rot.
Na klostu mi pundaun.+
3 Taim mi lukim ol man i gat pasin antap*
Na taim mi lukim ol man nogut i gat gutpela sindaun, mi mangal long dispela.+
5 Ol i no gat hevi olsem ol arapela manmeri,+
Na ol i no save karim kain kain pen na hevi olsem ol arapela man.+
6 Olsem na pasin antap bilong ol i olsem nekles bilong ol;+
Pasin bilong ol long pait na bagarapim narapela i stap olsem klos ol i werim.
7 Gutpela sindaun bilong ol i mekim na ai bilong ol i op bikpela;
Ol i gat planti samting stret na ol i no inap bilip olsem ol i gat ol dispela samting.
8 Ol i save tok bilas na tok long mekim pasin nogut long ol arapela.+
Na ol i save hambak na toktok long daunim ol arapela.+
9 Taim ol i toktok, ol i apim nem bilong ol yet i go antap tru long heven,
Na ol i wokabaut raun long graun na wanem tok ol i laik mekim, ol i save mekim tasol.
10 Olsem na ol manmeri bilong em i baut i go long ol,
Na ol i dring long wara bilong ol i pulap tru.
11 Ol i save tok: “God i no save long samting mipela i mekim.+
Tru tru God Antap Tru i save long ol dispela samting?”
12 Yes, ol man nogut i olsem, laip bilong ol i no gat hatwok long en.+
Na ol i wok yet long kisim planti mani kago.+
13 Mi bin lukaut gut na bel bilong mi i stap klin
Na mi tokaut olsem mi no gat asua,*+ ating dispela em i lus nating, a?
16 Mi tingting planti long dispela samting,
Na mi traim long kliagut long as bilong en, tasol i hatwok long mi
17 Mi traim i go i go inap long mi go insait long haus holi bilong God,
Na nau mi luksave long ol samting bai painim ol long bihain.
18 Yu mekim ol i wokabaut long graun i wel.+
Na yu mekim ol i pundaun na bagarap olgeta.+
Na pinis bilong ol em i nogut tru!
20 O Jehova, ol i olsem man i driman na i kirap na i lus tingting long en,
Taim yu kirap, yu bai i no laik tingim* ol moa.
22 Mi no skelim gut ol samting na mi no kliagut long ol samting;
Mi kamap olsem wanpela wel animal i no gat tingting long ai bilong yu.
25 Husat arapela i stap long heven inap helpim mi?
I no gat wanpela samting long graun mi laikim, mi laikim yu wanpela tasol.+
26 Tru bodi na tingting bilong mi i no gat strong moa,
Tasol God i save strongim bel bilong mi. Em i olsem bikpela ston bilong mi. Em i hap skel bilong mi inap oltaim oltaim.+
27 Tru tumas, ol manmeri i stap longwe long yu, ol bai pinis olgeta.
Ol man i no stap gut long yu* na i lusim yu, bai yu pinisim* ol.+
28 Tasol mi bai go klostu long God, long wanem, dispela i gutpela long mi.+
Nambawan Bikpela Jehova, yu ples hait bilong mi,
Na mi bai tokaut long olgeta wok yu bin mekim.+