Buk Song
Tok i go long dairekta. Devit, wokman bilong Jehova, i singim dispela song long Jehova bihain long Jehova i kisim em bek long han bilong ol birua bilong em na long han bilong Sol. Em i tok:+
18 Jehova, mi laikim yu tumas. Yu save strongim mi.+
2 Jehova i olsem bikpela ston na strongpela banis bilong mi na em i Man bilong kisim bek mi.+
God bilong mi em i bikpela ston+ bilong mi, mi save go long em na hait,
Em i olsem hap plang bilong pait na olsem kom* bilong kisim bek mi.* Em i strongpela ples hait bilong mi.+
3 Mi singaut long Jehova, em man yumi mas litimapim nem bilong em,
Na em i kisim bek mi long han bilong ol birua bilong mi.+
4 Dai i olsem rop i laik pasim mi strong;+
Ol man nogut i olsem wara i tait na i mekim mi pret nogut tru.+
6 Mi pilim nogut tru na mi singaut long Jehova,
Mi krai long God bilong mi bai em i ken helpim mi.
Em i stap long tempel bilong em na em i harim singaut bilong mi,+
Na mi krai long em i helpim mi na em i putim yau.+
7 Na graun i guria na i seksek moa yet;+
Na ol maunten i guria
Na i seksek moa yet, long wanem, em i kros.+
8 Smok i kamap long nus bilong em,
Na paia i kamaut long maus bilong em na kukim ol samting;+
Na em i sutim ol hap paia i go nabaut.
10 Em i sindaun antap long wanpela serap* na flai i kam.+
Em i stap long wing bilong wanpela ensel*+ na spit i kam daun.
I olsem haus sel i raunim em.
12 Na skai i lait long ai bilong em,
Na ren ais na ol hap paia i sut i kam ausait long ol klaut.
13 Na Jehova i stap long heven na i mekim tanda i pairap;+
Na olgeta manmeri i harim nek bilong God Antap Tru.+
Na ren ais wantaim ol hap paia i sut i kam daun.
14 Em i sutim ol spia bilong em i go long ol birua bilong em, na ol i ranawe nabaut;+
Na em i mekim lait bilong laitning i sut i go na i mekim ol i paul nabaut.+
15 As bilong ol wara i kamap ples klia;+
Jehova, ol samting bilong strongim graun i kamap ples klia taim yu krosim ol,
Long strongpela win i kamaut long nus bilong yu.+
16 Em i stap antap na i putim han i kam daun;
Na em i pulim mi i kam antap lusim wara i dip tumas.+
17 Em i kisim bek mi long han bilong ol strongpela birua bilong mi,+
Na em i kisim bek mi long han bilong ol man i no laikim mi, em ol i gat strong moa winim mi.+
18 Taim nogut i painim mi, na ol birua i kam pait long mi,+
Tasol Jehova i helpim mi.
19 Em i bin kisim mi i go long wanpela ples we mi inap i stap gut;
Em i laikim mi tumas olsem na em i kisim bek mi.+
20 Mi bihainim stretpela pasin olsem na Jehova i givim gutpela pe long mi;+
Mi no mekim wanpela rong olsem na em i bekim gutpela pasin long mi.+
21 Mi bihainim gut tok bilong Jehova,
Na mi no bin givim baksait long God bilong mi, long wanem, dispela em i pasin nogut.
22 Mi save tingim ol tok bilong em oltaim;
Mi no inap luk daun long ol lo bilong em.
23 Mi no inap mekim wanpela samting i mekim na mi gat asua long ai bilong em,+
Na mi bai was gut long wokabaut bilong mi, nogut mi mekim wanpela rong.+
24 Jehova i tingim stretpela pasin bilong mi, na em i bekim gutpela pasin long mi.+
Na han bilong mi i no gat asua long ai bilong em.+
25 Man i save stap gut long narapela, yu save stap gut long em;+
Man i no gat asua, yu save mekim stretpela pasin long em;+
26 Man i save bihainim klinpela pasin, yu save soim klinpela pasin bilong yu,+
Tasol man i save mekim pasin giaman, em i no inap giamanim yu.+
27 Ol man i no gat nem,* yu save kisim bek ol,+
Tasol ol man i gat pasin antap, yu no save laikim ol.+
28 Jehova, yu tasol yu save laitim lam bilong mi,
God bilong mi em man i save givim lait long mi taim mi stap long tudak.+
29 Yu helpim mi, na mi inap daunim ol man bilong pait na stilim ol samting;+
God i givim strong long mi, na mi inap kalapim banis.+
Em i stap olsem hap plang bilong pait we ol man i go long em bilong hait.+
31 I no gat wanpela God i olsem Jehova.+
God bilong yumi i olsem bikpela ston na i no gat wanpela i olsem em.+
33 Em i mekim lek bilong mi i spit tru olsem lek bilong dia;
Na em i mekim mi i sanap gut antap long ol sap maunten.+
34 Em i skulim han bilong mi long pait;
Olsem na mi inap taitim banara ol i wokim long kopa.
35 Yu givim mi hap plang bilong yu long pait bilong kisim bek mi,+
Yu sapotim* mi long rait han bilong yu,
Pasin bilong yu long daunim yu yet i mekim mi i gat biknem.+
36 Yu stretim gut rot bilong mi long wokabaut;
Olsem na mi wokabaut na lek bilong mi i no wel.+
37 Mi bai ranim ol birua bilong mi na daunim ol;
Mi bai mekim save long ol inap mi pinisim ol olgeta.
38 Na mi bai memeim ol bai ol i no ken kirap;+
Mi bai krungutim ol long lek bilong mi.
39 Yu givim mi strong bilong pait;
Na yu bai mekim ol birua bilong mi i pundaun long ai bilong mi.+
41 Ol i singaut long wanpela i helpim ol, tasol i no gat wanpela man i stap bilong helpim ol;
Na ol i krai long Jehova, tasol em i no harim krai bilong ol.
42 Mi bai bagarapim ol tru na ol bai i kamap olsem das i stap long win;
Na mi bai tromoi ol i go olsem graun malumalum long rot.
43 Ol manmeri i birua long mi na yu helpim mi na mi no kisim bagarap.+
Yu bai makim mi i stap bosman bilong ol arapela lain manmeri.+
Ol manmeri mi no save long ol, ol i stap aninit long mi.+
44 Ol stori ol i harim long mi bai mekim ol i aninit long mi;
Ol man bilong narapela ples bai surik na kam brukim skru long mi.+
45 Ol man bilong narapela ples bai pret;
Na ol bai lusim ol strongpela ples hait bilong ol na ol bai guria guria wantaim na i kam.
46 Jehova i stap laip! Preisim Bikpela Ston bilong mi!+
Givim biknem long God, em man bilong kisim bek yumi.+
47 God tru i bin bekim pasin nogut bilong ol man i birua long mi;+
Na em i putim ol manmeri i stap aninit long mi.
48 Em i kisim bek mi long han bilong ol birua bilong mi em ol i belhat;
Yu apim mi na kisim mi i go longwe long ol man i pait long mi;+
Yu kisim bek mi long man bilong pait na bagarapim man.
49 Olsem na Jehova, mi bai givim biknem long yu namel long ol manmeri bilong ol arapela lain,+