Yeremiya

21 Rito+ leri fikeke eka Yeremiya ri huma eka Yehovha, loko Hosi Sedekiyasi+ a rhume Paxahuru+ n’wana wa Malikiya a ya eka yena na Sofaniya+ n’wana wa Maseya, lowa muprista, a ku: 2 “Hi kombela u hi vutisela Yehovha,+ hikuva Nebukadretsara hosi ya Babilona u lwa na hina.+ Kumbexana Yehovha u ta hi endlela hi ku ya hi mintirho yakwe hinkwayo yo hlamarisa, leswaku a suka eka hina.”+

3 Yeremiya a ya emahlweni a va byela a ku: “Mi ta byela Sedekiyasi mi ku, 4 ‘Yehovha Xikwembu xa Israyele u te: “Maswivo, ndzi ma tlherisela endzhaku matlhari ya nyimpi lama nga emavokweni ya n’wina, lawa mi lwaka ni hosi ya Babilona+ ha wona, ni Vakalidiya+ lava va mi rhendzelaka ehandle ka rirhangu, ndzi ta va hlengeleta exikarhi ka muti lowu.+ 5 Mina ndzi ta lwa na n’wina+ hi voko leri tshambulutiweke ni hi voko ro tiya ni hi ku hlundzuka ni hi vukarhi swin’we ni ku hlundzuka lokukulu.+ 6 Kutani ndzi ta ba vaaki va muti lowu, vanhu swin’we ni swivandzana. Va ta fa hi ntungu lowukulu.”’+

7 “‘“Endzhaku ka sweswo,” ku vula Yehovha, “Sedekiyasi hosi ya Yuda ni malandza yakwe ni vanhu ni lava siyiweke emutini hi ntungu, hi banga ni hi ndlala, ndzi ta va nyikela evokweni ra Nebukadretsara hosi ya Babilona, ni le vokweni ra valala va vona ni le vokweni ra lava va lavaka moya-xiviri wa vona, kunene u ta va ba hi banga.+ A nge vi na nsovo eka vona, hambi ku ri ku va tsetselela kumbe ku va ni tintswalo.”’+

8 “U ta byela vanhu lava u ku, ‘Yehovha u te: “Ndzi veka emahlweni ka n’wina ndlela ya vutomi ni ndlela ya rifu.+ 9 Loyi a tshamisekaka emutini lowu u ta dlayiwa hi banga ni hi ndlala ni hi ntungu;+ kambe loyi a humaka kutani a wela eka Vakalidiya lava va mi rhendzeleke u ta hanya, kunene moya-xiviri wakwe wu ta va wa yena ku fana ni nchumu lowu phangiweke.”’+

10 “‘“Hikuva xikandza xa mina xi lwa ni muti lowu leswaku ndzi tisa khombo, ku nga ri vunene,”+ ku vula Yehovha. “Wu ta nyiketiwa evokweni ra hosi ya Babilona,+ kunene yona yi ta wu hisa hi ndzilo.”+

11 “‘Malunghana ni ndyangu wa hosi ya Yuda, N’wina twanani rito ra Yehovha.+ 12 Oho yindlu ya Davhida,+ Yehovha u te: “Mixo wun’wana ni wun’wana+ endlani xigwevo hi ku landza vululami,+ mi kutsula loyi a kanganyisiwaka evokweni ra mudyeleri,+ leswaku vukarhi bya mina byi nga humi kukota ndzilo,+ byi hisa kutani a nga vi kona munhu wa ku byi timela hikwalaho ka vubihi bya swiendlo swa n’wina.”’+

13 “‘Waswivo, ndzi lwa na wena, Wena muaki wa xisati wa rivala ra le hansi,+ Wena ribye ra tiko leri nga rivala,’ ku vula Yehovha. ‘Loko ku ri n’wina lava va nge: “I mani la nga ta rhelela a lwa na hina? I mani loyi a nga ta ta lomu hi tshamaka kona?”+ 14 Ndzi ta tlhela ndzi endla leswaku mi tihlamulela+ hi ku ya hi mihandzu ya swiendlo swa n’wina,’+ ku vula Yehovha. ‘Naswona ndzi ta lumeka ndzilo ekhwatini ra yena,+ kunene wu ta lovisa swilo hinkwaswo leswi swi n’wi rhendzeleke.’”+