Vakorinto Wo Sungula

13 Loko ndzi vulavula hi tindzimi ta vanhu ni ta tintsumi kambe ndzi nga ri na rirhandzu, ndzi hundzuka xingelengele kumbe nsimbhi leyi baka pongo. 2 Niloko ndzi ri ni nyiko ya ku profeta naswona ndzi twisisa swihundla hinkwaswo swo kwetsima ni vutivi hinkwabyo,+ niloko ndzi ri ni ripfumelo lerikulu lerova ndzi nga susa* tintshava, kambe ndzi nga ri na rirhandzu, a ndzi nchumu.*+ 3 Niloko ndzi xavisa swilo swa mina hinkwaswo leswaku ndzi nyika van’wana,+ niloko ndzi nyikela miri wa mina leswaku ndzi ta tibuma, kambe ndzi nga ri na rirhandzu,+ a ndzi vuyeriwi nikatsongo.

4 Rirhandzu+ ri lehisa mbilu*+ naswona ri ni musa.+ Rirhandzu a ri na mavondzo.+ A ri tikurisi, a ri tikukumuxi,+ 5 a ri endli leswi khomisaka van’wana tingana,+ a ri lavi leswi vuyerisaka rona ntsena,+ a ri hlundzuki.+ A ri na xikhomela.+ 6 A ri tsaki hi leswi nga lulamangiki+ kambe ri tsakisiwa hi ntiyiso. 7 A ri heli matimba hambiloko ko endleka yini,+ ri kholwa swilo hinkwaswo,+ ri tshemba swilo hinkwaswo,+ ri tiyisela swilo hinkwaswo.+

8 Rirhandzu a ri heli. Kambe loko ku ri tinyiko ta ku profeta, ti ta hela; loko ku ri tindzimi,* ti ta hela; loko ku ri vutivi, byi ta hela. 9 Hikuva hi ni vutivi lebyi nga hetisekangiki+ naswona hi profeta hilaha ku nga hetisekangiki, 10 kambe loko leswi hetisekeke swi fika, leswi nga hetisekangiki swi ta hela. 11 Loko ndza ha ri n’wana, a ndzi vulavula ku fana ni n’wana, ndzi ehleketa ku fana ni n’wana, ndzi anakanya ku fana ni n’wana; kambe leswi sweswi ndzi nga wanuna, ndzi tshike mikhuva ya vuhlangi. 12 Hikuva sweswi a hi voni kahle onge hiloko hi langute exivonini lexi endliweke hi nsimbhi, kambe endzhaku ka sweswo hi ta vona kahle ku fana ni loko hi langutane ni un’wana ematihlweni. Sweswi vutivi bya mina byi pimiwile kambe enkarhini wolowo vutivi bya mina byi ta va byi hetisekile hilaha Xikwembu xi ndzi tivaka hakona. 13 Hambiswiritano, sweswi ku sala leswinharhu: ripfumelo, ntshembo ni rirhandzu; kambe lexikulu eka leswi hinkwaswo i rirhandzu.+