Tihosi Ta Wumbirhi

17 Hi lembe la wu 12 la ku fuma ka Akazi hosi ya Yuda, Oxeya+ n’wana wa Elayi a ve hosi ya Israyele aSamariya naswona a fume 9 wa malembe. 2 A tame a yendlela Yehovha swa ku biha. Kambe swidjoho leswi yena a nga swi yendla a swi nga fiki ka swa tihosi letin’wani ta Israyele leti nga fuma na yena a nge se fuma. 3 Xalmanezeri hosi ya Asiriya a lwe na yena a gama a mu hlula,+ se Oxeya a ve mutirhi wa yena a tlhela a sungula ku mu hakela rhesa.*+ 4 Kambe hosi ya Asiriya yi tsumbula swaku Oxeya a yi djikelile, hikusa a a rhume vanhu va ya ka Hosi So wa le Gibita+ naswona a a nga ha hakeli rhesa ka hosi ya Asiriya ku nga leswi a a swi yendla ka malembe lama nga hundza. Hi leswo swi nga yendla swaku hosi ya Asiriya yi mu khoma yi mu pfalela djele.

5 A hosi ya Asiriya yi dumele tiko hinkwalu naswona yi game yi ya Samariya yi fika yi rhendzela doropa lolelo anze ku hela malembe manharhu. 6 Hi lembe la wu 9 la ku fuma ka Oxeya, hosi ya Asiriya yi teka Samariya.+ Kutani yi yisa vanhu va Israyele awukaraweni+ aAsiriya, yi fika yi va veka aAla ni ka nambu wa Gozani+ lowu nga Abori ni le ka madoropa ya Vameda.+

7 Leswi swi yendleke hi mhaka ya leswi Vayisrayele va nga djohela Yehovha Xikwembu xa vona, lweyi a nga va humesa ka tiko la Gibita, nkama na va fumiwa hi Faru hosi ya Gibita.+ Va gandzele swikwembu swin’wani,+ 8 va yendle minchumu leyi a yi yendliwa hi matiko lawa Yehovha a nga ma hlongola ka tiko leli a va tshama ka lona va tlhela va yendla ni minchumu leyi nga sunguliwa hi tihosi ta Israyele.

9 Vayisrayele a va yendla swa ku biha leswi a swi nga mu tsakisi Yehovha Xikwembu xa vona. A va tshamela ku yaka tindhawu ta ku tlakuka ta ku gandzela ka tona ka madoropa ya vona hinkwawu,+ ku sukela ka tiyindlo leti lava a va vonelela doropa a va li ka tona anze ka madoropa lawa ma nga ni mimuru ya ku tiya. 10 A va tshamela ku tiyendlela mapilari ni timhandzi ta Axera*+ leswi a va swi gandzela ka maganga ni hansi ka minsinya hinkwayu yayikulu.+ 11 A va yendla magandzelo ka tindhawu hinkwatu ta ku tlakuka ku fana ni leswi a swi yendliwa hi matiko lawa Yehovha a nga ma hlongola ka tiko leli a va tshama ka lona.+ A va tshamela ku kwatisa Yehovha hi ku yendla swilo swa ku biha.

12 A va tama va tirhela swifaniso swa ku nyenyentsa*+ leswi Yehovha a nga va byela a ku: “Mi nga tshuki mi swi gandzela!”+ 13 Yehovha a tama a basopisa vanhu va Israyele ni vanhu va Yuda hi ku tirhisa vaprofeta va yena hinkwavu ni vanhu lava va kotaka ku vona minchumu ya ku hlamalisa hi ndlela ya singita*+ a ku: “Tshikani mahanyelo ya n’wina ya ku biha!+ Yingisani leswi ni mi byelaka swona ni minawu ya mina hi ku yendla hinkwaswu leswi ni nga mi byela ni leswi ni nga byela vavhovho va n’wina hi ku tirhisa vanhu va mina ku nga vaprofeta.” 14 Kambe a va yingisanga, a va ni nkanu ku fana ni vavhovho va vona lava a va nga na lipfumelo ka Yehovha Xikwembu xa vona.+ 15 Va tame va tshika minawu ni ntwananu+ wa xona lowu xi nga wu yendla ni vavhovho va vona ni hinkwaswu leswi xi nga va byela swaku xi va basopisa;+ va tame va gandzela swifaniso swa ku kala swi nga pfuni nchumu+ se na vona va fana na swona;+ va tlhele va yendla leswi a swi yendliwa hi matiko lawa a ma li kusuhi na vona, lawa Yehovha a nga va byela swaku va nga ma tekeleli.+

16 A va tshamela ku tshika minawu hinkwayu ya Yehovha Xikwembu xa vona va tlhela va tiyendlela swifaniso swa swihon’wani swimbirhi swa nsimbi,+ va yendla ni mhandzi ya Axera,*+ a va gandzela dlambu, n’weti ni tinyeleti+ va tlhela va gandzela na Bali.+ 17 Va hise vana va vona hi ndzilu+ va yendla magandzelo hi vona, va hlahluva+ va tlhela va tshamela ku yendlela Yehovha swa ku biha swaku va mu kwatisa.

18 Se Yehovha a va kwatela hintamu Vayisrayele, a gama a va yisa kule na yena.+ Ni wa mun’we a nga mu siyanga, a yo siya lixaka la Yuda ntsena.

19 Hambi va lixaka la Yuda a va yingisanga minawu ya Yehovha Xikwembu xa vona;+ va yendle leswi a swi yendliwa hi Vayisrayele.+ 20 Yehovha a tshike vatukulu hinkwavu va Israyele, a va danisa a tlhela a va nyikela ka lava a va teketela minchumu ya vanhu, anze a va susa phambheni ka yena. 21 A suse Vayisrayele ka ndjangu wa Davhida va gama va langa Yerobuwamu n’wana wa Nebati swaku a va hosi.+ Kambe Yerobuwamu a yendle swaku Vayisrayele va tshika ku gandzela Yehovha, a yendla swaku va djoha hintamu. 22 Vayisrayele va tame va yendla swidjoho hinkwaswu leswi nga yendliwa hi Yerobuwamu.+ A va swi tshikanga 23 anze Yehovha a susa Vayisrayele a va yisa kule na yena, hi ku ya hi leswi a nga swi hlaya hi ku tirhisa vanhu va yena hinkwawu ku nga vaprofeta.+ Se Vayisrayele va susiwile ka tiko la vona va yisiwa awukaraweni aAsiriya,+ lani va nga fika va tshama kona anze namuntlha.

24 Hosi ya Asiriya yi gama yi tisa vanhu va Babilona, Kuti, Avha, Amati ni Sefaravhayimi+ yi va nyika madoropa lama nga Samariya lani Vayisrayele a va tshama kona; va teke Samariya va tlhela va tshama ka madoropa lawa a ma li ka yena. 25 Nkama va nga sungula ku tshama aSamariya, a va nga mu hloniphi* Yehovha. Kutani Yehovha a rhumela tinghonyama+ ti dlaya van’wani va vona. 26 Hosi ya Asiriya yi byeliwe leswi: “Vanhu va matiko man’wani lava u nga va khoma u va veka ka madoropa ya Samariya, a va swi tivi ku gandzela Xikwembu xa tiko leli. Se xi tshamela ku rhumela tinghonyama leti va dlayaka hikusa a nga kona lweyi a tivaka ku gandzela Xikwembu xa tiko leli.”

27 Hosi ya Asiriya yi va byela yi ku: “Tekani mun’we wa vaprista lava mi nga va khoma swaku a ya tshama Samariya a ta va djondzisa ku gandzela Xikwembu xa tiko lolelo.” 28 Se mun’we wa vaprista lweyi a va mu susile Samariya a vuya a fika a tshama Betele+ a gama a sungula ku va djondzisa leswi a va fanele va mu gandzelisa swona Yehovha.+

29 Kambe lixaka lin’wani ni lin’wani li tiyendlele xikwembu* xa lona, li gama li ya xi veka ka titempele leti a ti li ka tindhawu ta ku tlakuka leti a ku gandzeliwa ka tona leti Vasamariya va nga ti yendla; lixaka lin’wani ni lin’wani li yendle leswo ka doropa leli a li tshama ka lona. 30 Se vavanuna va Babilona va yendle xifaniso xa Sukoti-Benoti, vavanuna va le Kuti va yendle xifaniso xa Nergali, vavanuna va le Amati+ va yendle xifaniso xa Axima, 31 vanhu va le Avha va yendle xifaniso xa Nibihazi na Taritaki. Vasefaravhayimi a va hisa vana va vona va yendla magandzelo hi vona ka Adrameleki na Anameleki swikwembu swa Sefaravhayimi.+ 32 Hambileswi a va hlonipha Yehovha, va lange vaprista ka vanhu va vona, lava a va ta yendla magandzelo ka titempele ta vona leti nga ka tindhawu ta ku tlakuka leti a ku gandzeliwa ka tona.+ 33 A va hlonipha Yehovha kambe a va gandzela swikwembu swa vona hi ku ya hi leswi a va gandzelisa swona swikwembu swa matiko lawa va taka hi ka wona.+

34 Ninamuntlha va ha yendla leswi a va swi yendla loko va gandzela swikwembu swa vona ku fana ni khale. A nga kona lweyi a gandzelaka Yehovha, lweyi a yingisaka minawu ya yena, swiboho swa yena swa ku yavanyisa, ni minawu leyi Yehovha a nga yi nyika vana va Yakobe, lweyi vito la yena a nga gama a li txintxa li va Israyele.+ 35 Nkama Yehovha a nga yendla ntwananu na vona+ a va byele a ku: “Mi nga tshuki mi gandzela swikwembu swin’wani naswona mi nga tshuki mi swi khizamela, mi swi tirhela kumbe mi swi yendlela magandzelo.+ 36 Kambe mi fanele mi hlonipha+ mina Yehovha mi ni khizamela mi tlhela mi ni yendlela magandzelo, hikusa hi mina ni nga mi humesa ka tiko la Gibita hi voko la mina la matimba+ ni hi ndlela ya ku hlamalisa. 37 Mi fanele mi yingisa kahle minawu ya mina, swiboho swa mina swa ku yavanyisa ni leswi ni nga mi tsalela swona*+ naswona mi nga tshuki mi gandzela swikwembu swin’wani. 38 Mi nga tshuki mi khohlwa ntwananu lowu ni nga wu yendla na n’wina+ naswona mi nga tshuki mi gandzela swikwembu swin’wani. 39 Kambe mi fanele mi chava Yehovha Xikwembu xa n’wina, hikusa hi mina ni nga ta mi ponisa ka valala va n’wina hinkwavu.”

40 Kambe a va yingisanga, va tame va yendla leswi a va swi yendla loko va gandzela swikwembu swa vona ku fana ni khale.+ 41 Matiko lawa a ma mu hlonipha Yehovha,+ kambe a ma tlhela ma gandzela ni swifaniso* swa wona. Se vana va vona ni vatukulu va vona, va tame va yendla leswo anze namuntlha.