Pedru Wa Ku Sungula
1 Mina Pedru, mupostolo+ wa Yesu Kreste, ni tsalela n’wina lava nga vatshami va nkamanyana lani misaveni, lava nga Ponto, Galatiya, Kapadokiya,+ Aziya ni le Bitiniya, lava nga langiwa khale 2 hi Xikwembu Papayi+ hi ku tirhisa wutlharhi la xona; xi mi nyike moya wa xona wa ku kwetsima swaku mi ta kwetsima.+ Xi yendle leswo leswaku mi ta xi yingisa ni ku mi basisa hi ngati ya Yesu Kreste:+
Ni khongela swaku a timpsalu tatikulu ni ku rhula swi va na n’wina.
3 A ku dzunisiwe Xikwembu, Papayi wa Hosi ya hina Yesu Kreste hi mhaka ya leswi xi nga hi komba timpsalu leti nga yendla leswaku hi tlhela hi psaliwa+ swaku hi va ni ntshembo lowu hanyaka.+ Hi ni ntshembo lowu hi mhaka ya leswi Yesu Kreste a nga pfuxiwa ka lava nga fa,+ 4 leswaku hi kuma tshomba la ku kala li nga wonheki,+ la ku kala li nga chakisiwanga kumbe ku vuna. Mi vekeliwe lona atilweni+ 5 n’wina lava hlayisiwaka hi matimba ya Xikwembu hi mhaka ya lipfumelo, leswaku mi ta kuma ku ponisiwa loku ku nga ta kombisiwa ka nkama wa wugamu. 6 Ma tsaka swinene hi mhaka ya leswo, hambileswi mi nga ha kumanaka ni mahlomulu ya ku hambanahambana+ swa nkamanyana, 7 leswaku lipfumelo la n’wina+ leli nga ringiwa, leli nga la lisima swinene ku tlula woru leli wonhekaka hambiloko se li hundzisiwile hi ka ndzilu, li yendla leswaku mi dzunisiwa, mi tlakusiwa ni ku hloniphiwa hi nkama lowu Yesu Kreste a nga ta humelela hi wona.+ 8 Hambileswi mi kalaka mi nga se tshama mi mu vona, ma mu rhandza. Hambileswi mi kalaka mi nga mu voni swoswi, ma pfumela ka yena naswona ma tsaka swinene hi ntsaku wawukulu wa ku kala wu nga tlhamuseleki, 9 hikusa mi ta kuma hakelo ya lipfumelo la n’wina, ku nga ku ponisiwa.+
10 Vaprofeta lava nga profeta hi ta timpsalu tatikulu leti mi nga ta kombiwa tona, va vutisisile va tlhela va kambisisa kahle hi ta ku ponisiwa loku.+ 11 Va tame va zama ku twisisa swaku a ku ta yendleka yini ka Kreste+ ni swaku a swi ta yendleka siku muni. Kambe Xikwembu xi tirhise moya wa xona wa ku kwetsima kuva xi va byela swaku Kreste+ a a ta xanisiwa a tlhela a tlakusiwa na swi nge se yendleka. 12 Va kombiwe swaku a va nga titirheli, kambe a va tirhela n’wina naswona leswi a va vulavula hi swona hi leswi mi nga byeliwa swona hi lava nga mi chumayela mahungu ya ku tsakisa, hi ku tirhisa matimba ya moya wa ku kwetsima lowu taka hi le tilweni.+ Tintsumi ti swi navela swinene ku twisisa swilo leswi.
13 Kutani lunghekelani ku tirha;+ hlayisani mimpimiso ya n’wina;+ vekani tshembo wa n’wina ka timpsalu tatikulu leti mi nga ta kombiwa tona hi nkama lowu Yesu Kreste a nga ta humelela. 14 Leswi mi nga vana lava yingisaka, tshikani ku hanya hi ku navela loku a mi li na kona na mi nge se tiva nchumu, 15 kambe ku fana ni Xikwembu xa Ku Kwetsima lexi nga mi vitana, na n’wina kwetsimani ka mahanyelo ya n’wina hinkwawu,+ 16 hikusa ku tsaliwile: “Mi fanele mi kwetsima, hikusa mina na kwetsima.”+
17 Leswi mi nga vatshami va nkamanyana lani misaveni, kombisani xihlonipho+ loko mi khongela ka Papayi, lweyi a kalaka a nga na xikheto loko a yavanyisa,+ kambe a yavanyisaka hi ku ya hi ntirho wa mun’wani ni mun’wani. 18 Hikusa ma swi tiva swaku a mi chunsiwanga*+ hi swilo leswi bolaka, hi prata kumbe hi woru ka swihena swa n’wina swa ku kala swi nga pfuni nchumu leswi mi nga swi kuma ka vavhovho va n’wina. 19 Kambe mi chunsiwe hi ngati ya lisima,+ ngati ya Kreste,+ leyi fanaka ni ya xinyempfani xa ku kala xi nga soleki ni lexi kalaka xi nga na xivati.+ 20 I ntiyiso swaku a langiwe khale na misava yi nge se va kona,+ kambe a kombisiwile ka masiku ya wugamu hi mhaka ya n’wina.+ 21 Hi mhaka ya yena mi pfumela ka Xikwembu,+ lexi nga mu pfuxa ka lava nga fa+ xi gama xi mu tlakusa,+ leswaku mi ta tshemba ni ku va ni lipfumelo ka xona.
22 Leswi se mi nga tibasisa hi ku yingisa ntiyiso, hi lirhandzu la ntiyiso,+ kutani rhandzanani hi mbilu hinkwayu.+ 23 Hikusa mi tlhele mi psaliwa+ hi rito la Xikwembu lexi hanyaka,+ lexi nga ta va kona hi masiku ni masiku, a mi psaliwanga hi mbewu leyi bolaka kambe hi mbewu leyi kalaka yi nga boli.*+ 24 Hikusa “vanhu hinkwavu va fana ni byanyi naswona va sasekile ku fana ni swiluva swa nhova; byanyi la vuna, swiluva swa wa, 25 kambe rito la Yehovha* li tshama hi masiku ni masiku.”+ “Rito” leli i mahungu ya ku tsakisa lawa hi nga byeliwa wona.+