Pedru Wa Ku Sungula
5 Hi mhaka leyo, leswi ni nga vona ku xaniseka ka Kreste naswona ni nga ta kuma ku phatima loku hi nga ta kombiwa kona,+ ni khongotela madoda ya bandla lama nga xikarhi ka n’wina ku fana ni leswi na mina ni nga mun’wani wa vona, ni ku: 2 Risani ntlhambi wa Xikwembu+ lowu mi wu hlayisaka, mi wu vonelela; mi nga yendli leswo hi ku sindzisiwa kambe hileswi mi rhandzaka ku yendla ku rhandza ka Xikwembu,+ naswona mi nga yendli leswo hi ku lava ku kuma xanchumu+ kambe hi ku swi rhandza; 3 mi nga va tikiseli lava nga tshomba la Xikwembu,+ kambe mi va swikombiso ka ntlhambi.+ 4 Loko murisi wamukulu+ a humelela, mi ta yamukela harhi* ya ku kwetsima leyi kalaka yi nga wonheki.+
5 Hi ku fana, n’wina madjaha tivekeni hansi ka vanhu vavakulu.+ Kambe hinkwenu tivekeni hansi ka van’wani, hikusa Xikwembu xi nyenya lava tibyelaka kambe lava tivekaka hansi xi va komba timpsalu tatikulu.+
6 Tivekeni hansi ka voko la matimba la Xikwembu leswaku xi ta mi tlakusa hi nkama wa kona,+ 7 na mi txukumetela ku vilela* ka n’wina hinkwaku ka xona,+ hikusa xi ni mhaka na n’wina.+ 8 Pfulani matihlo mi tlhariha.+ Phela nala wa n’wina Davulosi wa fambafamba ku fana ni nghonyama leyi bongaka na yi lava wa ku mu hahlulela.+ 9 Kambe lwanani na yena,+ mi va ni lipfumelo la ku tiya, na mi tiva leswaku vamakwerhu amisaveni hinkwayu va kumana ni mahlomulu ya ku fana ni ya n’wina.+ 10 Kambe loko se mi xaniseke swa nkamanyana, Xikwembu xa timpsalu hinkwatu tatikulu, lexi nga mi vitana ka ku phatima ka xona ka ku kala ku nga heli+ hi ku tirhisa Kreste xi ta hetisa ku trenariwa ka n’wina. Xi ta mi tiyisa,+ xi ta mi nyika matimba,+ xi ta mi yendla swaku mi nga tsekatseki. 11 Matimba a ma ve ya xona hi masiku ni masiku. Amen.
12 Ni mi tsalele marito lawa ya ku koma hi ku tirhisa makwerhu wa ku tshembeka Silvhano,*+ leswaku ni mi tiyisa ni ku mi tiyisekisa swaku leti hi tona timpsalu tatikulu ta ntiyiso wa Xikwembu. Khomelelani swi tiya ka tona. 13 Wansati lweyi a nga Babilona, lweyi na yena a nga langiwa ku fana na n’wina wa mi rungula, na Marka+ lweyi a fanaka ni n’wana ka mina, na yena wa mi rungula. 14 Xowetanani hi lirhandzu.*
Ni navela swaku n’wina hinkwenu mi nga vadjondzisiwa va Kreste mi va ni ku rhula.