Nhlawutelo ya Yohani
13 Se dragona yi nyima yi ku dzi, ka misava ya lwandle yi nga suki.
Kutani ni vona xiharhi xa ku chavisa hintamu*+ na xi huma hi lwandle;+ a xi ni 10 wa timhondzo ni 7 wa tinhloko naswona a xi ni 10 wa tiharhi* ka timhondzo ta xona, naswona a xi ni mavito ya swipoyilo ka tinhloko ta xona. 2 Xiharhi lexi ni nga xi vona a xi fana ni liyopardu,* kambe minenge ya xona a yi fana ni ya ursu,* kasi nomo wa xona a wu fana ni wa nghonyama. Kutani dragona+ yi nyika xiharhi lexi xa ku chavisa hintamu a xitshamu xa wuhosi, ntamu ni matimba yamakulu.+
3 Se ni vona nhloko yin’wani ya xona na yi vavisiwile hintamu, kambe xilondza xa kona xa ku chavisa xi holile,+ kutani vanhu amisaveni hinkwayu va landzelela xiharhi lexi na va xi hlamala. 4 A va gandzela dragona hikusa yi nyike xiharhi xa ku chavisa hintamu matimba, va tlhela va gandzela ni xiharhi xa ku chavisa hintamu hi marito lama nge: “I mani a fanaka ni xiharhi lexi xa ku chavisa hintamu naswona i mani lweyi a nga lwaka na xona?” 5 Xiharhi lexi xi nyikiwe matimba ya ku tibyela ni ku vulavula swilo swa ku biha hi Xikwembu, xi tlhele xi nyikiwa ni matimba ya ku yendla leswi xi swi lavaka ku ringana 42 wa tiwheti.+ 6 Kutani xiharhi xa ku chavisa hintamu xi pfula nomo xi poyilela+ Xikwembu, vito la xona, lomu xi tshamaka kona xi tlhela xi poyilela ni lava tshamaka tilweni.+ 7 Se xiharhi lexi xi pfumeleliwa ku lwa ni vakwetsimi xi tlhela xi va hlula,+ naswona xi nyikiwa matimba ya ku fuma tinxaka hinkwatu, vanhu hinkwavu, tirimi hinkwatu ni matiko hinkwawu. 8 Hinkwavu lava tshamaka misaveni, ku nga hinkwavu lava ku sukela misava yi va kona, mavito ya vona ma kalaka ma nga tsaliwanga ka buku la wutomi+ la Xinyempfani lexi nga dlayiwa,+ va ta xi gandzela.
9 Lweyi a nga ni tindleve a a yingisi.+ 10 Lweyi a faneliwaka hi ku khomiwa a ta khomiwa. Lweyi a nga ta dlaya hi xipada,* a fanele a dlayiwa hi xipada.+ Hi yona mhaka leyi vakwetsimi+ va faneleke va tiyisela+ ni ku va ni lipfumelo.+
11 Se ni vona xiharhi xin’wani xa ku chavisa hintamu na xi huma misaveni; a xi ni timhondzo timbirhi ta ku fana ni ta xinyempfani kambe xi sungule ku vulavula ku fana ni dragona.*+ 12 Xi tirhisa matimba ya ku fuma ya xiharhi xa ku sungula xa ku chavisa hintamu+ na xi li phambheni ka xona. Se xi yendla swaku misava ni lava tshamaka ka yona va gandzela xiharhi lexi xa ku sungula xa ku chavisa hintamu lexi nga holisiwa xilondza xa ku chavisa.+ 13 Kutani xi yendla masingita yamakulu phambheni ka vanhu xi za xi yendla ni ndzilu wu xika hi le tilweni wu ta misaveni.
14 A xi kanganyisa lava tshamaka misaveni hi ku tirhisa masingita lawa xi nga pfumeleliwa ku ma yendla phambheni ka xiharhi xa ku chavisa hintamu,* na xi byela lava tshamaka misaveni swaku va yendla xifaniso+ xa xiharhi xa ku chavisa hintamu, lexi a xi ni xilondza xa ku tsemiwa hi xipada kambe xi nga gama xi hola.+ 15 Kutani xiharhi lexi xa ku chavisa hintamu xi pfumeleliwa ku yendla swaku xifaniso xa xiharhi xa ku sungula xa ku chavisa hintamu xi hanya, leswaku xifaniso xa xiharhi lexi xi ta vulavula xi tlhela xi yendla swaku hinkwavu lava yalaka ku xi gandzela va dlayiwa.
16 Se xi sindzisa vanhu hinkwavu, vavatsongo ni vavakulu, va ku ganya ni swisiwana, va ku chunseka ni swikarawa swaku va markariwa ka voko la xinene kumbe ka swimombo,+ 17 leswaku ku nga vi na munhu lweyi a kotaka ku xava kumbe ku xavisa na a nga li na wona marka, vito+ la xiharhi xa ku chavisa hintamu kumbe numeru ya vito la xona.+ 18 Mhaka leyi yi lava wutlharhi: Lweyi a twisisaka a a konti numeru ya xiharhi xa ku chavisa hintamu, hikusa i numeru ya munhu, naswona numeru ya kona i 666.+