DJONDZO 04
Xikwembu I Mani?
Ku sukela khale vanhu va gandzela swikwembu swa swinyingi. Kambe Bibele li vulavula hi Xikwembu lexi nga “xikulu ku tlula swikwembu swin’wani.” (2 Tikronika 2:5) Se i mani Xikwembu xolexo? Naswona hi mhaka muni Bibele li vula swaku xona i xikulu ku tlula swikwembu swin’wani? Phela Xikwembu lexi xi lava swaku u djondza hi xona. Ka djondzo leyi hi ta vona swaku i mpsini leswi xi lavaka swaku u swi tiva hi xona.
1. I mani vito la Xikwembu naswona i mpsini leswi kombisaka swaku xi lava hi tiva vito la xona?
Xikwembu xi hi byela vito la xona ka Bibele, xi li: “Hi mina Yehovha, lelo i vito la mina.” (Lerha Esaya 42:5, 8.) “Yehovha” i vito leli nga hundzuluxeliwa la Xiheberu naswona li vula swaku “A Yendla Leswaku Swi Koteka”. Yehovha a lava swaku hi tiva vito la yena. (Eksoda 3:15) Hi swi tivisa ku yini leswo? Hi swi tiva hikusa a yendle swaku vito la yena li tsaliwa ka Bibele ka 7.000.a Ko va “Xikwembu xa ntiyiso lexi nga matilweni ni lani misaveni” lexi faneliwaka hi vito leli nge Yehovha. — Deteronoma 4:39.
2. Bibele li hi byela yini hi Yehovha?
Vanhu va vanyingi va gandzela swikwembu swa swinyingi, kambe Bibele li li Yehovha i Xikwembu xin’we xa ntiyiso. Hi mhaka muni Bibele li vula leswo? Ku ni swivangelo swa swinyingi. A ku na munhu lweyi a nga ni matimba ya ku fuma ku fana na Yehovha hikusa ‘hi yena ntsena Lweyi A Nga Tlakuka amisaveni hinkwayu.’ (Lerha Tipisalema 83:18.) Yena i wa “Matimba Hinkwawu” hikusa a ni matimba ya ku yendla xin’wani ni xin’wani lexi a xi lavaka. A yendle “swilo hinkwaswu” amatilweni ni hinkwaswu leswi nga lani misaveni. (Nhlawutelo 4:8, 11) Ko va Yehovha ntsena lweyi a kalaka a nga vanga ni masungulu naswona a nga ta va ni magamu. — Tipisalema 90:2.
DJONDZA SWIN’WANI
Vona ku hambana loku nga kona ka tindlela leti tirhisiwaka swaku ku vitaniwa Xikwembu ni vito la xona hikakunene. Tlhela u vona swaku Xikwembu xi yendle yini swaku hi tiva vito la xona ni swaku hi mhaka muni xi yendle leswo.
3. Xikwembu xi ni mavitanelo ya manyingi kambe xi ni vito lin’we
Ku ni ku hambana ka ndlela leyi munhu a vitaniwaka hi yona ni vito la yena ke? Swaku u vona nhlamulu, Sixtirani VHIDIYO, mi gama mi bula hi xivutiso lexi landzelaka.
Hi kwini ku hambana ka vito ni mavitanelo ya ku fana ni ku “Hosi”?
Bibele li vula swaku vanhu va gandzela swikwembu swa swinyingi ni tihosi ta tinyingi. Lerhani Tipisalema 136:1-3, mi gama mi bula hi xivutiso lexi landzelaka:
I mani “Xikwembu xa swikwembu” ni “Hosi ya tihosi”?
4. Yehovha a lava swaku u tiva vito la yena u tlhela u li tirhisa
I mpsini leswi kombisaka swaku Yehovha a lava u tiva vito la yena? Sixtirani VHIDIYO, mi gama mi bula hi xivutiso lexi landzelaka.
U vona swaku Yehovha a lava swaku vanhu va tiva vito la yena? Hi mhaka muni?
Yehovha a lava swaku vanhu va tirhisa vito la yena. Lerhani Varoma 10:13, mi gama mi bula hi swivutiso leswi landzelaka:
Hi mhaka muni swi li swa lisima ku tirhisa vito la Xikwembu leli nge Yehovha?
U titwisa ku yini loko munhu a khumbuka vito la wena?
U vona swaku Yehovha a titwisa ku yini loko u tirhisa vito la yena?
5. Yehovha a lava swaku u tshinela ka yena
Wansati mun’wani wa Camboja lweyi a vitaniwaka Soten a vule swaku ku tiva vito la Xikwembu ni ku djondza hi ntlhamuselo wa lona, hi swona swi nga mu tsakisa hintamu ka wutomi la yena. Sixtirani VHIDIYO, mi gama mi bula hi xivutiso lexi landzelaka.
Wutomi la Soten li txintxise ku yini nkama lowu a nga djondza hi vito la Xikwembu?
A swi nge koteki ku va munghanu wa munhu lweyi hi kalaka hi nga li tivi vito la yena. Lerhani Yakobe 4:8a, mi gama mi bula hi swivutiso leswi landzelaka:
Yehovha a ku rhamba swaku u yendla yini?
Ku tiva vito la Xikwembu u tlhela u li tirhisa swi nga ku pfunisa ku yini swaku u tshinela ka xona?
VAN’WANI VA LI: “Ko va ni Xikwembu xin’we ntsena, se a ku na mhaka swaku hi xi vitanisa ku yini.”
Wa kholwa swaku vito la Xikwembu i Yehovha?
U nga mu tlhamuselisa ku yini munhu swaku Xikwembu xi lava hi tirhisa vito la xona?
LESWI HI NGA SWI DJONDZA
Yehovha i vito la Xikwembu xin’we xa ntiyiso. A lava swaku hi tshinela ka yena, hi mhaka leyo i swa lisima kuva hi tiva vito la yena hi tlhela hi li tirhisa.
Ku kambela leswi hi nga swi djondza
Hi mhaka muni Yehovha a hambanile ni swikwembu leswin’wani hinkwaswu?
Hi mhaka muni swi li swa lisima ku tirhisa vito la Xikwembu?
I mpsini leswi kombisaka swaku Yehovha a lava u tshinela ka yena?
LOKO U LAVA KU TIVA SWIN’WANI
Vona 5 wa swilo leswi kombisaka swaku Xikwembu xi kona.
“Xikwembu Xi Kona?” (Nhlokomhaka leyi nga ka site la jw.org)
Vona swaku hi mhaka muni swi twisiseka swaku Xikwembu a xi vanga ni masungulu.
“Hi Mani A Nga Yentxa Xikwembu?” (Murindzi wa 1 ka Agosto wa 2014)
A hi swi tivi swaku vito la Xikwembu a li vitanisiwa ku yini khale, hambileswo i swa lisima ku tirhisa vito la xona. Vona swaku hi mhaka muni.
Hi mhaka muni swi li swa lisima ku vitana Xikwembu hi vito la xona, naswona hi mhaka muni hi nga vulaka swaku Xikwembu xi ni vito lin’we ntsena?
“Xikwembu Xi Ni Mavito Mangaki?” (Nhlokomhaka leyi nga ka site la jw.org)
a Leswaku u tiva swin’wani hi ntlhamuselo wa vito la Xikwembu ni swaku hi mhaka muni vahundzuluxeli van’wani va li susile ka Bibele, vona Xiyengetelo A4 ka Wuhundzuluxeli La Misava Ya Nyuwani La Matsalwa Ya Ku Kwetsima.