Bibele I Rito La Xikwembu

Yehovha a hi nyike prezenti la lisima hintamu ku nga Bibele. Phela Bibele li ni 66 wa mabuku yamatsongo, kambe hi nga ha tivutisa leswi: ‘Kasi Bibele li ta hi kwini? Leswi swi nga ka Bibele i swa mani?’ Leswaku hi hlamula swivutiso leswi, a hi voneni swaku swi yendlekise ku yini swaku hi va ni Bibele namuntlha.

1. Leswi ku nga vanhu va nga tsala Bibele, hi mhaka muni hi vula swaku i Rito la Xikwembu?

Bibele li tsaliwe hi 40 wa vavanuna naswona li hete kolomuyani ka 1.600 wa malembe na li tsaliwa. Li sungule ku tsaliwa hi lembe la 1513 A.E.C., li ya gama hi lembe la 98 E.C. Leswi van’wani lava va nga tsala Bibele a va li valusi, vaphasi va tihlampfi ni tihosi, swi kombisa swaku a va li vanhu va ku hambana, hambileswo Bibele hinkwalu la twanana. Hi mhaka muni li twanana? Hikusa Bibele li ta hi ka Xikwembu. (Lerha 1 Vatesalonika 2:13.) Vavanuna lava va nga tsala Bibele a va nga tsali mimpimiso ya vona. Ku hambana ni leswo, “a va vulavula leswi taka hi ka Xikwembu na va kongomisiwa hi moya wa ku kwetsima.”a (2 Pedru 1:21) Phela hi ku tirhisa moya wa xona wa ku kwetsima, Xikwembu xi yendle swaku vavanuna lava va tsala mimpimiso ya xona ka Bibele.  — 2 Timotiya 3:16.

2. Xikwembu xi li yendlele vamani Bibele?

Xikwembu xi yendle Bibele leswaku xi pfuna vanhu va “matiko hinkwawu, tinxaka hinkwatu, tirimi hinkwatu ni vanhu hinkwavu.” (Lerha Nhlawutelo 14:6.) Hi mhaka leyo, Xikwembu xi yendle swaku Bibele li kumeka hi tirimi ta tinyingi ku tlula mabuku hinkwawu lawa ma nga tshama ma va kona. Ka matiko ya manyingi amisaveni hinkwayu, swa koteka kuva vanhu va lerha Bibele, ku nga na mhaka swaku va tshama kwini kumbe va vulavula lirimi muni.

3. Yehovha a li vhikelise ku yini Bibele?

Ku ve ni swilo swa swinyingi leswi a swi ta va swi yendle swaku Bibele li nga ha vi kona. Kambe a ku na nchumu lexi nga sivelaka Yehovha kuva a hi byela marito ya yena. Hi xikombiso, Bibele a li tsaliwe ka minchumu ya ku kala yi nga tiyanga. Se swi kotekise ku yini kuva la ha li kona ninamuntlha? Vavanuna lava a va rhandza Rito la Xikwembu va yendle hinkwaswu leswi va nga swi kota swaku va li kopiyara kahle hi ku phindhaphindha. Xikarhatu xin’wani hi leswaku vanhu lava a va fuma va zamile ku helisa Bibele, kambe vanhu van’wani va veke wutomi la vona nghozini swaku va li vhikela. Hilani Bibele li vulaka hi kona: “Rito la Xikwembu xa hina li tshama hi masiku.” — Esaya 40:8.

DJONDZA SWIN’WANI

4. Bibele la hi byela swaku i la mani

Sixtirani VHIDIYO. Mi tlhela mi lerha 2 Timotiya 3:16, mi gama mi bula hi swivutiso leswi landzelaka.

VHIDIYO: I Mani A Nga Tsala Bibele? — Xiyenge (2:48)

• Leswi Bibele li nga tsaliwa hi vanhu, hi mhaka muni ku vuliwa swaku i Rito la Xikwembu?

• Indjhe swa twala ku vula swaku Xikwembu xi swi kotile ku byela vanhu lani misaveni leswi xi swi pimisaka?

5. Bibele li ponile hambileswi va nga zama ku li helisa

VHIDIYO: Ava Teka Bibele li li La Lisima — Xiphemu (William Tyndale) (6:17)

• Leswi se u tivaka hinkwaswu leswi vanhu va nga swi yendla swaku va vhikela Bibele, wa swi navela ku li lerha? Hi mhaka muni?

Lerhani Tipisalema 119:97, mi gama mi bula hi xivutiso lexi landzelaka:

• Hi mhaka muni vanhu va vanyingi va veke wutomi la vona nghozini leswaku va hundzuluxela Bibele va tlhela va yendla swaku vanhu va li kuma?

6. I buku la vanhu hinkwavu

A ku na buku leli nga hundzuluxeliwa hintamu li tlhela li nyikiwa vanhu ku fana ni Bibele. Lerhani Mintirho 10:34, 35, mi gama mi bula hi swivutiso leswi landzelaka:

• Hi mhaka muni Xikwembu xi lava swaku Bibele li hundzuluxeliwa hi tirimi ta tinyingi?

• I mpsini leswi ku tsakisaka ka Bibele?

LESWI HI NGA SWI DJONDZA

Bibele i Rito la Xikwembu naswona xi yendle swaku vanhu hinkwavu va kota ku va na lona.

Ku kambela leswi hi nga swi djondza

• Xikwembu xi va tirhisise ku yini vanhu swaku va tsala Bibele?

• I mpsini swi ku hlamalisaka hintamu ka leswi Bibele li nga hundzuluxelisiwa xiswona li tlhela li kumiwa hi vanhu va vanyingi? Hi mhaka muni swi hlamalisa leswi Bibele li nga pona nkama vanhu a va lava ku li helisa?

• U titwisa ku yini hi leswi Xikwembu xi nga yendla hinkwaswu leswaku Rito la xona li fika ka wena?

LOKO U LAVA KU TIVA SWIN’WANI

Lerha leswi nga yendleka hi Bibele ku sukela ka mabuku ya khale anze ka Mabibele lawa hi nga na wona swoswi.

“Bibele Li Fikise Ku Yini Ka Hina” (Khindlimuka! wa Novembro wa 2007)

Vona swilo swinharhu leswi Bibele li nga pona ka swona.

“Ndlela Leyi Bibele Yi Poneke Ha Yona” (Murindzi wa N.° 4 wa 2016 hi Xitsonga)

Vona swikarhatu leswi vanhu va nga kumana na swona hi mhaka ya ku hundzuluxela Bibele.

A va Teka Bibele li li La Lisima (14:26)

Bibele li kopiyariwile li tlhela li hundzuluxeliwa ka kunyingi, se i mpsini leswi nga ku kholwisaka swaku leswi nga ka lona a swi txintxanga?

“Bibele Li Txintxiwile?” (Nhlokomhaka leyi nga ka site la jw.org)