Vakreste Va Fanele Va Li Vonisa Ku Yini Byala?

Amisaveni hinkwayu vanhu va ni mavonelo ya ku hambana hi byala. Vanhu van’wana va rhandza ku phuza ni vanghanu va vona, van’wana va langa ku kala va nga phuzi, nakambe van’wana va phuza anze va dakwa. Bibele li vula yini hi byala?

1. Swi bihile ku phuza byala?

Bibele a li vuli swaku ku phuza swi bihile. Ku hambana ni leswo, loko li vulavula hi minchumu ya yinyingi ya ku tsakisa leyi Xikwembu xi nga hi nyika, li tlhela li vulavula hi ‘vhinyu leli li tsakisaka mbilu ya munhu.’ (Tipisalema 104:14, 15) Vavanuna ni vavasati van’wana va ku tshembeka lava ku khulumiwaka hi vona ka Bibele na vona a va phuza byala. — 1 Timotiyu 5:23.

2. I mpsini leswi Bibele li swi vulaka ka lava va langaka ku phuza byala?

Yehovha a vula swaku swi bihile ku phuza hintamu ni ku dakwa. (Vagalatiya 5:21) Rito la yena li li: “U nga vi xikarhi ka lava va nwaka ngopfu vhinyu.” (Swivuriso 23:20) Hi mhaka leyo, hambiloko hi langa ku phuza na hi li hoxe a hi fanelanga hi phuza lakakuva hi nga ha pimisi kahle, hi nga ha swi koti ku tikhoma ka leswi hi swi yentxaka ni leswi hi swi vulaka, kumbe ku tivangela mavabyi. Hi mhaka leyo, loko hi nga swi koti ku pimela ka ndlela leyi hi phuzaka hi yona swi nga yampsa hi swi tshika hi ku helela.

3. Hi nga swi hloniphisa ku yini swiboho swa van’wana leswi swi fambisanaka ni byala?

Munhu mun’wana ni mun’wana a fanele a tiyentxela xiboho xa ku phuza kumbe ku kala a nga phuzi byala. A hi fanelanga hi sola munhu loko a langa ku phuza byala na a pimela, naswona a hi fanelanga hi sindzisa munhu swaku a phuza byala na a nga swi lavi. (Varoma 14:10) Hi nga langa ku kala hi nga phuzi byala loko swoleswo swi vangela van’wana swikarhatu. (Lerha Varoma 14:21.) Hina a hi lavi ‘leswi nga ta pfuna hina ntsena, kambe hi lava leswi nga ta pfuna van’wana.’ — Lerha 1 Vakorinto 10:23, 24.

DJONDZA SWIN’WANA

4. Langa swaku u ta phuza kumbe a wu nga ta phuza

Yesu a a swi vonisa ku yini ku phuza byala? Swaku u kuma nhlamulu vona singita la ku sungula leli Yesu a nga li yentxa. Lerhani Yohani 2:1-11, mi gama mi bula hi swivutiso leswi landzelaka:

• Ka singita leli Yesu a nga li yentxa, hi nga djondza yini hi leswi a a li vonisa xiswona byala ni lava va li phuzaka?

• Leswi Yesu a kalaka a nga vulanga swaku swi bihile ku phuza byala, Vakreste va fanele va va vonisa ku yini lava va langaka ku li phuza?

Hambileswi Mukreste a nga ha langaka ku phuza byala, a hi minkama hinkwayu swi fanelaka swaku a phuza byala. Lerhani Swivuriso 22:3, mi gama mi bula hi tipontu leti landzelaka leti nga ku pfunaka loko u fanele u yentxa xiboho xa ku phuza kumbe ku kala u nga phuzi:

• U ta fambisa movha kumbe ku tirhisa muchini.

• U ni nyimba.

• Dotori a ku byele swaku a wu fanelanga u phuza byala.

• Swa ku karhatela ku pimela byala leli u li phuzaka.

• A nawu a wu ku pfumeleli swaku u phuza byala.

• U ni munhu lweyi a nga yentxa xiboho xa ku kala a nga ha phuzi hi leswi khale a nga tshama a va ni swikarhatu hi mhaka ya ku phuza.

U fanele u nyika vanhu byala ka fexta la muchadu kumbe ka mafexta man’wana? Kuva u vona leswi nga ku pfunaka ku yentxa xiboho, sixtirani VHIDIYO.

VHIDIYO: Ni Fanele Ni Va Nyika Byala Lava Va Taka Muchadwini? (2:41)

Lerhani Varoma 13:13 na 1 Vakorinto 10:31, 32. Loko se mi lerhile tindzimana leti, bulani hi xivutiso lexi landzelaka:

• Ku tirhisa leswi tindzimana leti ti swi vulaka swi nga ku pfunisa ku yini ku yentxa xiboho lexi nga ta tsakisa Yehovha?

5. Langa mpimu lowu u nga ta phuzaka wona

Loko u langa ku phuza byala khumbuka leswi: Yehovha wa hi pfumelela ku phuza byala kambe a nga lavi swaku hi phuza ku tlula mpimu. Hi mhaka muni? Lerhani Hosiya 4:11, 18, mi gama mi bula hi xivutiso lexi landzelaka:

• Ku nga yentxeka yini loko munhu a phuza ku tlula mpimu?

I mpsini leswi nga hi pfunaka ku kala hi nga phuzi ku tlula mpimu? Hi fanele hi pimela loko hi phuza. Lerhani Swivuriso 11:2, mi gama mi bula hi xivutiso lexi landzelaka:

• Hi mhaka muni swi li swinene ku tivekela mpimu lowu u faneleke u phuza wona?

6. Leswi nga pfunaka lweyi a phuzaka ku tlula mpimu

VHIDIYO: ‘A Ni Lava Ku Txintxa Wutomi La Mina’ (6:32)

• Ka vhidiyo, Dmitry a a yentxa yini loko a dakwile?

• Ka ku sungula a nga zama ku tshika ku phuza a swi kotile?

• Hi wugamu a swi kotise ku yini ku tshika ku phuza byala ku tlula mpimu?

Lerhani 1 Vakorinto 6:10, 11, mi gama mi bula hi swivutiso leswi landzelaka:

• I mpsini leswi Bibele li swi vulaka hi ku dakwa?

• I mpsini leswi kombisaka swaku munhu lweyi a phuzaka ku tlula mpimu a nga txintxa?

Lerhani Matewu 5:30, mi gama mi bula hi xivutiso lexi landzelaka:

• Nkama Yesu a nga tirhisa xikombiso xa ku titsema voko a a lava ku vula swaku hi fanele hi tikarhata swaku hi tsakisa Yehovha. U nga yentxa yini loko ku li swaku swa ku karhatela ku tshika ku phuza ku tlula mpimu?a

Lerhani 1 Vakorinto 15:33, mi gama mi bula hi xivutiso lexi landzelaka:

• Ku nga yentxeka yini loko u ni vanghanu lava rhandzaka ku phuza ku tlula mpimu?

LESWI HI NGA SWI DJONDZA

Yehovha a hi nyike byala swaku hi tsaka, kambe a nga swi lavi swaku hi phuza ku tlula mpimu kumbe hi dakwa.

Ku kambela leswi hi nga swi djondza

• Bibele li vula yini hi ku phuza byala?

• Hi yini nghozi leyi nga vaka kona loko hi phuza ku tlula mpimu?

• Hi nga swi hloniphisa ku yini swiboho swa van’wana leswi swi fambisanaka ni ku phuza?

LOKO U LAVA KU TIVA SWIN’WANA

Majovhem ma nga swi kotisa ku yini ku yentxa swiboho swa swinene hi byala?

Rhanga Hi Ku Pimisa Na U Nge Se Phuza (2:31)

Vona leswi u nga swi yentxaka loko u ni xikarhatu lexi fambisanaka ni byala.

“Ku Va Ni Langutelo Lerinene Hi Byala” (Murindzi wa 1 ka Janeiro wa 2010 hi Xitsonga)

Ku nga va swaku Vakreste va fanele va tlakusa tikopo ahenhla va gama va ti bananisa?

“Swivutiso Swa Vahlayi” (Murindzi wa 15 ka Fevereiro wa 2007 hi Xitsonga)

Lerha xiperiyensiya lexi nge: “Eu era um ‘barril sem fundo’” kuva u vona swaku wanuna mun’wana a swi kotise ku yini ku tshika ku phuza byala ku tlula mpimu.

“A Bíblia Muda Vidas” (Murindzi wa 1 ka Maio wa 2012 hi Xiputukezi)