Mareferensiya ya Xibukwana xa Mintlhanganu ya Mahanyelo ni Ntirho
1 KUYA KA 7 KA JUNHO
XUMA XINGA KA RITO LA XIKWEMBU | GENESA 44-45
“Yosefa A Rivalela Vamakwavu va Yena”
w15 1/5 mapaj. 14-15
“Nile ka Ndhawu ya Xikwembu?”
Hiloko Yosefa a sungula kungu la yena. A rhumela leswaku kulandziwa vamakwavu va yena, ava lumbeta swaku va yive kopo, leyinga kumiwa ka saka la Benjamini. Se va tekiwa hinkwavu va yisiwa ka Yosefa, swoleswo swi yendle Yosefa a tiva swaku vamakwavu va yena va tshamise kuyini. Yuda ava vulavulelile hinkwavu. Ava kombelele rivalelo hinkwavu a tlhela a vula swaku hinkwavu 11 vanga va swikarawa aGibita. Kambe Yosefa anga pfumelanga a lave swaku kusala Benjamini ntsena. — Genesa 44:2-17.
Yuda a hlamule hi ndlela leyi ayi kombisa swaku aswimu vava, loko a ku: “A sale yexe ka mamani wa yena, naswona rhandziwa ngopfu hi papayi wa yena.” Marito lawa mamu khumbe hintamu Yosefa hikusa aku li yena n’wana wakusungula wa Rahele, lweyi anga fa na psala Benjamini. Kufana ni papayi wa yena, Yosefa aamu khumbuka mamani wa yena. Leswi vanga psaliwa hi mamani mun’we, swinga yendleka aku li swona swingamu yendla amu rhandza hintamu Benjamini. — Genesa 35:18-20; 44:20.
Yuda a tame a kombela Yosefa swaku anga yendli Benjamini a va xikarawa. Aze a tinyiketa swaku a pfaleta Benjamini. A game a ku: “Nita mukisa kuyini ka papayi na ninga na yena mupfana lweyi? Aningata gwenta kuvona papayi a hlupheka!” (Genesa 44:18-34) Se aswi tikomba swaku Yuda a atxintxile a tlhela a va munhu wa ntwelawusiwana.
Hikukala angahaswi koti kuti khoma, Yosefa a byela vatirhi va yena hinkwavu swaku va huma, se a rila swi twala ka yindlu hinkwayu ya Faro. Se a tivula swaku hi yena mani a ku: “Hi mina Yosefa, makwenu”. Hiloko a barasara vamakwavu va yena hi lirhandzu lava ava karhatekile, a tlhela ava komba swaku a ava rivalelile. (Genesa 45:1-15) Yosefa a kombise swaku a atekelela Yehovha lweyi a rivalelaka hi lirhandzu. (Tipisalema 86:5) Indje hina hava rivalela van’wana?
Lavetela Xuma ka Rito la Xikwembu
it-3 paj. 381
Kudavula Mpahla
Loko Vayuda ni vanhu van’wana va matikweni ya kusuhi na vona va feliwa, ava kombisa swaku va vavisekile hi kuhandzula timpanhla ta vona. Hi xitalu ava davula mpahla ya vona hi laha ka xifuva kungali hinkwayu.
A munhu wa kusungula aBibeleni lweyi anga handzula timpahla ta yena, kuve Rubeni n’wana wa Yakobe wa matevula, loko a vuya a kuma swaku Yosefa a angahali kona ka xihlovo lexi avamu pete ka xona, a handzule mpahla wa yena a ku: “Mupfana lweyi angahali kona! Nitaku yini mina?” Leswi a ali matevula aku li yena a ata hlamula hi mhaka ya makwavu wa mutsongo. Na yena Yakobe papayi wa vona, loko vamu byela swaku Yosefa a file a davule timpahla ta yena a tlhela a yambala masaka. (Gn 37:29, 30, 34) Ni loko va li Gibita vamakwavu va Yosefa va kombise swaku va karhatekile hi kudavula timpahla ta vona, loko makwavu wa vona Benjamini a lumbetiwa swaku a yivile. — Gn 44:13.
w04 15/8 paj. 15 par. 15
Loko hi Nyenyiwa na Hinga Wonhanga Nchumu
I ntxini lexingahi pfunaka swaku hingava vekeli xiviti lava vahi nyenyaka na hingava wonhelanga nchumu? Khumbuka swaku hi lwa na Sathana ni madimoni ya yena. (Vaefesa 6:12) Vanhu van’wana vahi hlupha hi maxivomu, kasi vanyingi lava va lwaka na hina ava yendli hi maxivomu minkama yin’wana vo xengeteliwa. (Daniyele 6:4-16; 1 Timotiya 1:12, 13) Yehovha a lava swaku “vanhu hinkwavu” “va ponisiwa ni kukuma wutivi la ntiyiso.” (1 Timotiya 2:4) Van’wana lava avahi hlupha se i Timboni kufana na hina, hi kuvona mahanyelo ya hina yamanene. (1 Petro 2:12) Hinga djondza xanchumu ka leswi swinga humelela Yosefa n’wana wa Yakobe. Hambileswi ava hlupheka ngopfu hi mhaka ya makwavu va yena, angava khomelanga xiviti, hi mhaka muni? Hi mhaka aaswi vona swaku Yehovha a anghenelela ka timhaka leti swaku kuhetiseka xikongomelo xa yena. (Genesa 45:4-8) Leswinga humelelaka Yosefa swinga humelela ni le ka hina, Yehovha anga tirhisa kuhlupheka ka hina swaku kundzunisiwa vito la yena. — 1 Petro 4:16.
8 KUYA KA 14 KA JUNHO
XUMA XINGA KA RITO LA XIKWEMBU | GENESA 46-47
“Kulamuleliwa ka Ndlala”
w87 1/5 paj. 15 par. 2
Kuponisiwa hi Nkama wa Ndlala
Loko se kuhundze 7 wa malembe ya swakudla, kuve ni ndlala aGibita hi laha Yehovha a vuleke ha kona. Ndlala leyi ayinga li Gibita ntsena kambe misava hinkwayu. Loko vanhu va sungula kurilela Faro hi mhaka ya ndlala, a te: “Fambani ka Yosefa, mi yendla hikwaswu leswi angatami byela.” Yosefa a xavisele Vagibita swakudla, male ya vona yi za yi hela. Va txintxisa hi tihomu, na tona ti hela. Hi wugamu va ye ka Yosefa va fika va ku: “Hi xave hi swakudla, hina ni tiko la hina. Hita va swikarawa swa Faro.” Kutani Yosefa a xavela Faro tiku hinkwalu la Gibita. — Genesa 41:53-57; 47:13-20.
kr mapaj. 234-235 mapar. 11-12
Mfumu wa Xikwembu wu Yendla Kurhandza ka Xona Misaveni
Leswi swihi pfuna swaku hiva ni wuxaka ni Xikwembu. Vanhu vanyingi ava na wuxaka ni Xikwembu hikusa ava djondzisiwi ntiyiso. Bibele lihi byele khale li ku: “‘Maswivo! Masiku ma ta,’ kuvula Yehovha Hosi leyi Fumaka ‘lani ningata rhumela ndlala ni torha tikweni, kungali ndlala ya swakudla ni mati, kambe i ndlala ya kutwa marito ya Yehovha’”. (Amosi 8:11) Kunga va leswaku ni vanhu lava fumiwaka hi Mfumu wa Xikwembu avangata djondzisiwa ntiyiso? Yehovha a vule swaku vanhu va yena avangata fana ni vanhu lava yalaka kumu tirhela loko a ku: “Maswivo! Malandza ya mina mata dla, kambe n’wina mita fa hi ndlala. Maswivo! Malandza ya mina mata nwa, kambe n’wina mita fa hi torha. Maswivo! Malandza ya mina mata tsaka, kambe n’wina mita daniseka.” (Esa. 65:13) Wa kuvona kuyendleka ka marito lawa?
Namuntlha, kuni swilo swaswinyingi leswihi pfunaka kudjondza hi Yehovha, swaku fana ni mabuku, mavhidiyo, mintlhanganu, masembleya, hambileswi swinga ka site la hina. Swilo leswi hinkwaswu swihi pfuna kuva ni wuxaka ni Xikwembu ka misava leyi va kalaka vangaxi tivi. (Ezek. 47:1-12; Yuw. 3:18) Aswiku tsakise kuvona kuyendleka ka switshembiso swa Xikwembu awuton’wini la wena? Kunga va leswaku wa tikhorisa hi swilo leswi hinkaswu?
Lavetela Xuma ka Rito la Xikwembu
it-1 paj. 272 par. 4
Swihena
Xihena xa kupfala matihlo ya lweyi anga fa. Marito lawa Yehovha angama byela Yakobe a ku: “Yosefa hi yena angataku pfala matilhlo”, ma kombisa swaku Yosefa ata pfala matihlo ya Yakobe loko a fa, kunga leswi aswi fanele swi yendliwa hi n’wana wa matevula. (Gn 46:4) Swi tikomba ingi Yehovha a akomba Yakobe swaku a mfanelo ya kuva matevula ayi fanele yi nyikiwa Yosefa. — 1Tk 5:2.
nwtsty manota ya kudjondza hi wona ya Min 7:14
Ankama lowu Stefano anga vula swaku vanhu hinkwavu va djangu wa Yakobe lavanga ya Gibita a avali 75, anga phati ndzimana ya Xiheberu. A numeru leyi ya 75, ayi kumeki ka ka matsalwa ya xiHeberu lamanga kopiyariwa hi va mazureti. Genesa 46:26 yi li: “Hinkwavu lavanga huma ka Yakobe vanga nghena na yena aGibita ava li 66, na kunga kontiwi a vavasati va vana va Yokobe.” Ndzimana 27 hi tlela hi ku: “Mimoya-xiviri hinkwayo ya yindlu ya Yakobe leyi teke aEgipta a yi ri 70.” Lani vanhu lava va kontiwa hi tidlela timbirhi ya kusungula kukontiwa ntsena lavanga psaliwa hi Yakobe kasi ka wumbirhi kukontiwa na se kupatsiwa hinkwavu lavanga ya Gibita. A numeri ya vana va Yakobe yi phatiwa ka Eksoda 1:5 ni ka Deteronoma 10:22, leswaku ava li “70”. Swinga yendleka a numeru leyinga nyikeliwa hi Stefano ahi patsa ni ya van’wana lava av li kona ka djangu wa Yakobe kunga vatukulu va Yosefa lava kuvulavuliwa hi vona ka wu hundzuluxeli la Septuaginta ka Genesa 46:20. Van’wana va vula swaku a numeri leyi hi patsa ni vavasati va vana va Yakobe lava va kalaka vanga phatiwe ka Genesa 46:26. Se a numeri ya 75 hi ya vanhu hinkwavu lavanga nghena Gibita. A numeri leyi ya 75 swinga yendleka hi seketeliwe ka matsalwa ya xiheberu aminkameni ya vapostolo. Se kuni malembe ya manyigi na vadjondzeki va vula swaku a numeri leyi ya 75 hi yona leyi ayi kumeka ka Genesa 46:27 ni ka Eksoda 1:15 ka hundzuluxeli la Septuaginta. Kuyengesela kolanu, hi va 1900 kutsumbuliwe matsalwa ka lwandle lelinga fa ya Eksoda 1:5 lani kutlhelaka kukumeka numeri ya 75. Swinga yendleka Stefano a tirhise numeru leyi angayi kuma ka matsalwa lawa ya khale. Aswi na mhaka swaku mavonelo lawa i ntiyiso kumbe i mavunhwa, Stefano a konte numeru ya vana va Yakobe hi ndlela ya kukala yinga fani niya van’wana.
15 KUYA KA 21 KA JUNHO
XUMA XINGA KA RITO LA XIKWEMBU | GENESA 48-50
“Lavanga Guga Vangahi Djondzisa swa Kutala”
it-2 paj. 468 par. 5
Yakobe
Loko Yakobe angese fa, a katekise vatukulu va yena, vana va Yosefa. Kambe a teke lweyi wamuntsongo Efraimi amu veka phambheni ka Manase, lweyi wamukulu amu veka ndzhaku, a yendle leswo hi kukongomisiwa hi moya wa Yehovha. A game a byela Yosefa swaku a ata kuma tshomba lalinyingi kutlula vamakwavu hi leswi ani mfanelo ya kuva matevula, a te: “Nitaku nyika ndhawu atikweni kutlula vamakwenu, kunga ndhawu ninga tekela va Amori hi xipada xa mina ni ligubu.” (Gn 48:1-22; 1Tk 5:1) Leswi Yakobe a axave terenu ka tiku la Vahamori, kusuhi ni Xikema, marito lawa ama kombisa kutiyiseka ka yena swaku vatukulu va yena avata teka tiku la Vakanana hinkwalu hi nyimpi, (Gn 33:19, 20) hi leli linga yaveliwa Efraimi na Manase. — Vona VAAMORI.
it-3 paj. 750 par. 13
Masiku ya Magamu
Leswi Yakobe Angaswi Profeta na ali Kusuhi ni kufa. Yakobe a byela vana va yena swaku va hlengeletana akuva ata va byela leswi aswitava humelela ka masiku ya magamu. Loko a vulavula hi masiku ya magamu a vulavula hi nkama lowu marito ya yena amata hetiseka. (Gn 49:1) Na kaha chota 200 wa malembe, Yehovha a byele Abrahamu vhovho wa Yakobe swaku vatukulu va yena avatava swikarawa kuringana 400 wa malembe. (Gn 15:13) Hi mhaka leyo, masiku lawa Yakobe anga vulavula hi wona ya magamu amata sungula loko malembe ya 400 ya wukarawa ma hela. (Loko u lava kutiva swin’wana hi ndzima 49 ya Buku ya Genesa, vona timhaka leti vulavulaka hi vana va Yakobe ka buku la Estudo Perspiscaz.) Nakambe wuprofeta leli, linga tirha ka Vaisrayele va Xikwembu va kufanekisela. — Ga 6:16; Rhm 9:6.
w07 1/6 paj. 28 par. 10
Vamakwerhu Lavanga Guga I Nkateko ka Majovhem
Vamakwerhu lava se vanga guga, vangaha va pfuna swinene vamakwerhu abandleni. Loko Yosefa se a gugile akombise lipfumelo, lelinga pfuna vanhu va kutala lavanga hanya loko se a file. Se ani 110 wa malembe loko a nyikela nawu mayelana ni marhambu ya yena, wa leswaku a va fanele va teka marhambu ya yena va famba na wona loko se va chusiwa awukaraweni aGibita. (Vaheveru 11:22; Genesa 50:25) Nawu lowu wu tiyisekise Vayisrayele hinkwavu lavanga gama va va swikarawa aGibita leswaku hi wugamu avata humesiwa.
Lavetela Xuma ka Rito la Xikwembu
w04 1/6 paj. 15 mapar. 4-5
Na vangese nghena ka tiku leli tshembisiweke, Vaisrayele va lixaka la Gadi va kombele kuya tshama ka ndhawu leyi ayi ni byanyi lalinyingi la swifuwu awuxeni ka Yordani. (Tinhlayo 32:1-5) Kuya tshama kolanu aswi tava ni nghonzi leyikulu hikusa a tinyimba leti ati tshama wupeladlambu la nambu wa Yordani, ati vhikeliwa hi nambu leswaku masochwa ya valala manga ngheni. Kasi vona avo tova kangala, avanga ta vhikeliwa hi nchumu. (Yoxuwa 3:13-17) Hambi leswo mayelana ni tindhawu ta le wuxeni ka Yordani, buku leli vulavulaka hi tindhawu ta Israyele lelinga tsaliwa hi George Adam Smith li li: “Tindhawu litiyani ati pfulekile naswona ati le nghangheni akunga na nchumu lexi axi sivela munhu kunghena ka tona naswona ava li nghozini la kungheneliwa hi vanhu lava ava famba va lava swakudla, van’wana ava lava swakudla swa swifuwo swa vona.”
Lixaka leli la Gadi, ali taswi kotisa kuyini kutiyisela mindzingo leli hinkwayu? Na lixaka leli lingese nghena ka tiku la xitshembiso vhovho wa vona Yakobe a profetile a ku: “Loko a li Gade, ata dumeliwa hi vayivi kambe yena atava landza hi ndzhaku ava dumela.” (Genesa 49:19) Loko marito lawa maha sungula, mati komba ingi mo hetana ntamu, kambe loko se ma gama mahi pfuna kutwisisa swaku aku byeliwa vaGadi swaku va fanele vati lwela. Yakobe ava tiyisekise swaku loko vati lwela valalava va vona avata tlhela hi ndzhaku kufana ni tibyana leti kondlaka ntxila naswona avata va hlongolisa hinkwavu.
it-1 paj. 339 par. 6
Benjamini
Yakobe na angase fa a profete swaku vatukulu va Benjamini ava ta swikota kulwa nyimpi kahle loko a ku: “Benjamini ata tama a hahlulela kufana ni lobo. Nimixo ata kakatlula xiharhi lexiangaxi khoma, kasi nimadlambu ata yavela leswi angaswi teketela.” (Gn 49:27) A masochwa ya vaBenjamini a madume hi kusertara, ama djikidjela maribye hi voko la xibaba ni la xinene naswona avanga “phukwi hambi hi sisi.” (Vay 20:16; 1Tk 12:2) Muyavanyisi Ehudi lweyi aa tirhisa voko la xibaba, lweyi anga dlaya hosi Agloni, aali Benjamini. (Vay 3:15-21) Hinga swivona swaku nimixo kumbe a kusunguleni ka fumu wa israyele a lixaka la Benjamini hambi leswi a li li litsongo ngopfu ka lona, kuhume hosi ya kusungula kunga Sawulo lweyi anga tikomba ali mulwi wa mukulu wa tinyimpi. (1Sa 9:15-17, 21) Hi kufanana, ni “madlambu” kumbe akuheleni ka mfumu wa Israyele ka lixaka leli la Benjamini kuhume Hosi Ester na Primeiro Ministro Mordekayi, lavanga huluxa Vaisrayele ka kudlayiwa ka mfumo wa persiya. — Est 2:5-7.
22 KUYA KA 28 KA JUNHO
XUMA XINGA KA RITO LA XIKWEMBU | EKSODA 1-3
“Nita va Leswi Ningata Langa Kuva Swona”
w13 15/3 paj. 25 par. 4
Kundzunisiwa ka Vito la Xikwembu la Lisima
Lerha Eksoda 3:10-15. Ankama lowu Moxe aali ni 80 wa malembe, Xikwembu ximu rhume leswaku a ya humesa vaisrayele a Gibita, hi xihlonipho Moxe avutise Xikwembu xivutiso la lisima swinene a ku: ‘Vito la wena u mani?’ Leswi vito la xikwembu se ali tiviwa, hi mhaka mini Moxe a vutisile? A vutise hi mhaka a lava kutiva leswi Yehovha anga tshamisa xiswona ni leswi aswi ta kholwisa vaisrayele swaku aataswi kota kuva humesa aGibita. Se haswi twisisa swaku hi mhaka muini Moxe a vutisile, hikusa vaisrayele se akuli khale vali swikarawa aGibita. Swinga yendleka Vaisrayele se ava kanakana swaku Xikwembu xa va papayi va vona axita va ponisa, phela van’wana se ava sungule ni kugandzela swikwembu swa vaGibita! — Ezek. 20:7, 8.
Kr paj. 43, kwadru
NTHLAMUSELO YA VITO LA XIKWEMBU
A VITO lelinge: Yehovha li huma ka verbo la Xiheberu leli vulaka “kuva”. Xileswo vanyingi va twisisa leswaku a vito la Xikwembu li tlhamusela swaku “xi yendla swiva kona”. A tlhamuselo lowu u fambisana kahle ni tirho wa Xikwembu wa kutumbuluxa. Hi xikombiso Yehovha a yendle matilo ni misava, tintsumi ni vanhu naswona waha tama a yendla swaku kurhandza ka yena kuyendlaka.
Hi fanele hi twisisi kuyini hlamuselo ya Yehovha leyinga ka Eksoda 3:13, 14? Moxe vutise Yehovha a ku: “Ahinge na ya ka Vayisrayeli ni ku ‘Xikwembu xa vakokwani va n’wina, xini rhume ka n’wina’ se vona vani vutisa va ku: ‘ Hi mani vito la xona?’ Nita kuyini ka vona?” Se Yehovha amu hlamula a ku: “Nita va leswi ningata langa kuva swona”.
Vona swaku Moxe a kombele Yehovha swaku amu byela vito la yena. Kambe, hi mhaka muni a vutisile nakoo yena ni ni Vayisrayele se vali tiva vito la Xikwembu? Moxe a alava leswaku Yehovha a hlamusela nchumu lexi axita tiyisa lipfumelo, ni lexi axi fambisana ni tlhamuselo wa vito la yena. Hi hlamula a ku: “Ni tava leswi ningata langa kuva leswi ni lavaka kuva swona, Yehovha a alava kuvula leswaku ka xiyimu xin’wana ni xin’wana anga tiyendla xin’wana ni xin’wana lexi axi lavaka kuva a hetisisa xikongomela xa yena. Hi xikombiso, ka Moxe ni vayisrayele Yehovha ave muhuluxi, munyiki wa nawu, muhlayisi ni swin’wana. Phela Yehovha a langa kuyendla xin’wana ni xin’wana swaku a hetisisa xikongomelo xa yena. Kambe a tlhamuselo wa vito la Yehovha awu gameli kolanu, a tlhela a vula swaku anga tirhisa leswi anga tumbuluxa leswaku a yendla leswi aswi lavaka.
Lavetela Xuma ka Rito la Xikwembu
g04 4/8 paj. 22 par. 2
Moxe a Tshame ava kona Kumbe i Xitoriya?
Mara swa twisiseka swaku n’wana wa hosi wa muGibita a lamulela xin’wanana xa muyisrayele? Ina, swa twisiseka hikusa vaGibita ava djondzisiwe swaku loko va yendla swaswinene vata nghena a matilweni. Loko swita mhakeni ya kuteka n’wana ava wa wena, xidjondzeki xin’wana lexi vuliwaka Joyce Tyldesley xi vula swaku: “A vavasati vale Gibita ava ni tinfanelo ta kufana nita vavanuna, hi mhaka leyo aswi koteka swaku wansati wa muGibita a teka nw’ana wa mun’wana ava wa yena hikuya hi nawu.” Buku lin’wana la khale li vulavula hi wansati wa muGibita lweyi anga teka swikarawa swa yena swiva vana va yena. Kasi ka mhaka ya kuhakeliwa ka mamani swaku a muyan’wisa, buku lelinge: The Anchor Bible Dictionary (dicionário la Bibele la achor) li li: Kuhakeliwa ka mamana wa Moxe leswaku amu yan’wisa swafana ni leswi aswi yendliwaka a Mezapotamia.
w04 15/3 paj. 24 par. 4
Tipontunkulu ta Buku la Eksoda
3:1 — Yetro a ali muprista wa kutshamisa kuyini? A minkameni ya vayisrayele mulumuzani aali muprista wa djangu wa yena. Swi tikomba ingi Yetro aali murangeli wa lixaka la Midiyani. Leswi va Midiyani a vali vatukulu va abrahamu swinga yendlaka a kuni leswi ava swi tiva hi wugadzeli la Yehovha. — Genesa 25:1, 2.
29 KA JUNHO KUYA KA 5 KA JULHO
XUMA XINGA KA RITO LA XIKWEMBU | EKSODA 4-5
“Nitaku Pfuna loko u Vulavula”
w10 15/10 mapaj. 13-14
Yehovha a Titwisa Kuyini Loko Munhu a Tinyimelela?
“A ningataswi kota”. Ungaha pimisa swaku a wungataswi kota kuchumayela. Vanhu vale minkameni ya Bibele va titwe na vanga faneleki kuyendla mintirho leyi Yehovha a alava vayi yendla. Hi xikombiso, loko Moxe a nyikiwe ntirho hi Yehovha a te: “Ni khomeli Yehovha, hi swaku aniswi koti kuvulavula, kusukela khale niloko se u vulavule na mina mutirhi wa wena, hikusa lirimi la mina la khoma non’wini aswini vevukeli kuvulavula.” Hambileswo, Yehovha a tshembise Moxe swaku aata mupfuna kambe yena a thele aku: “Ni khomeli Yehovha, rhuma mun’wanyani, nho kombela.” (Ekso. 4:10-13) Se Yehovha yendle yini?
w14 15/4 paj. 9 mapar. 5-6
“Wa Mu Vona Lweyi Wa Kukala Anga Voneki?”
Na Moxe angase tlhelela aGibita Yehovha amu djondzise mhaka ya lisima ngopfu leyi anga gama ahi tsala ka buku la Yobo a ku: “Kuhlonipha Yehovha, hi swona swinga wutlharhi.” (Yobo 28:28) Yehovha a pfune Moxe leswaku amu chava ni kuyendla swilo hi wutlhari hi kumu komba swaku vanhu va hambanile ni Xikwembu xa matimba hinkwawu. A mu vutise a ku: “Hi mani a yendlaka munhu angaswi koti kuvulavula kumbe kutwa, hi mani a yendlaka munhu aswi kota kuvona kumbe a fa matihlo, ahi mina Yehovha?” — Ekso. 4:11.
Hi djondza yini ka mhaka leyi? Moxe aanga fanelanga a chava, hikusa Yehovha lweyi aamu rhumile atamu nyika matimba ya kiuyendla leswi aamu rhume swona ka faro. Kutlula leswo, Faro a angali wa nchumu ka Yehovha. Phela akungali khambi la kusungula Yehovha apfuna malandza ya yena ka vaGibita. Swinga yendleka Moxe a pimise hi leswi Yehovha angamu vhikelisa swona Abrahamu, Yosefa hambi hi yena n’winyi ka tihosi tin’wana ta Gibita. (Gen. 12:17-19; 41:14, 39-41; Ekso. 1:22–2:10) Hi kutshemba Yehovha lweyi a kalaka anga voniwi, Moxe a fambe aya vulavula na Faro, amu byela swilo hinkwaswu leswi Yehovha aamu rhume swona.
w10 15/10 paj. 14
Yehovha a Titwisa Kuyini Loko Munhu a Tinyimelela?
Leswi Moxe aatshemba Yehovha anga zanga a chavile kuvulavula na faro timhaka hinkwatu leti aamu rhume tona, Yehovha angamu tshikanga Moxe a yendla ntirho lowo hinkwawu ali yexe, a byele Aroni leswku amu pfuna. (Ekso. 4:14-17) Hi kufamba ka nkama, Yehovha a seketele Moxe naswona amu nyike swilo hinkwaswu leswi aaswi lava leswaku akota kuhetisisa ntirho wakwe. Ni namuntlha, Yehovha ayendla vamakwerhu lavanga ni tokoto swaku va kupfuna kuyendla ntirho wa wena wa kuchumayela. Handle ka leswo, rito la Xikwembu la hi tiyisekisa swaku Yehovha atahi nyika matimba lawa hi ma lavaka swaku hi kota kuhetisisa ntirho lowu angahi rhuma kuva hiwu yendla. — 2 Kor. 3:5; vona ni kwadru lelinge: “Malembe Yo Tsakisa Swinene eVuton’wini Bya Mina.”
Lavetela Xuma ka Rito la Xikwembu
w04 15/3 paj. 28 par. 4
Swivutiso Swa Valerhi
Marito ya Zipora lamange: “U nuna wa mina wa ngati” a ma tolovelekanga. Mahi byela yini hi yena? Zipora akombise swaku a ni wuxaka na Yehovha hiku yingisa nawu wa kusoka kumbe kuhamba Circuncisão. Ka twananu wa nawu lowu Yehovha angawu yendla hi kufamba ka nkama wu kombise swaku anga voniwa ali wanuna se vaisrayele vava nsati wa yena, hi mhaka leyo, loko zipora a vula swaku Yehovha i nuna wa yena wa ngati, a akombisa leswaku a ativeka hansi ka minawu ya twananu. (Yeremiya 31:32) Aswi fana ni loko a pfumela kuva nsati wa Yehovha ka twananu wa kusoka kumbe kuhamaba Circuncisão. Kuva a yingisile nawu lowuyani wa kusoka kumbe kuhamba Circuncisão swi ponise wutomi la n’wana wa yena.
it-2 paj. 500 par. 5
Yehovha
Kutiva munhu aswi vuli kutiva vito la yena ntsena. Xiphuta lexi vitaniwaka Nabali axi li tiva vito la Davida kambe xivutise xiku: “I mani Davida?” (1Sa 25:9-11; fananisa ni 2Sa 8:13.) Na yena faro abyele Moxe a ku: “Hi mani Yehovha, swaku nimu yingisa ni tshika Israyele a famba? Animu tivi Yehovha, kutlula leswo anigata tshika Israyele a ya ndhawu.” (Eks 5:1, 2) Hi marito lawa, Faro a lava kukombisa leswaku Yehovha ahi wa nchumu naswona aangemu mandi futsi ange pfuki aswi kotile kuyendla leswi anga byela Moxe. Kambe swoswi Faro ni vaGibita ni vaisrayele se avata mutiva kahle Yehovha. Hilaha Yehovha anga komba Moxe hakona, leswi akutava kuhetiseka ka xikongomelo xa Yehovha hi kuhumesa vayisrayele a wukaraweni aGibita ava hisa atikweni leli tshembisiweke a hetisisa leswi angaswi tshembisa va vovo va vona, hi laha anga vula ha kona a ku: “Kunene mi ta tiva leswaku hi mina Yehovha Xikwembu xa n’wina.” — Eks 6:4-8; vona MATIMBA HINKWAWU.