Mareferensiya ya Xibukwana xa Mintlhanganu ya Mahanyelo ni Ntirho

Mareferensiya ya Xibukwana xa Mintlhanganu ya Mahanyelo ni Ntirho

4 KUYA KA 10 KA MAIO

XUMA XINGA KA RITO LA XIKWEMBU | GENESA 36-37

“Vamakwavu va Yosefa va Va ni wukwele”

w14 1/8 mapaj. 12-13

“Ni Kombela Mutwa Leswi Ningaswi Lorha”

Bibele li li: “Loko vamakwavu va Yosefa va vona leswaku papayi wa vona a arhandza Yosefa kutlula vona, vasungula kumunyenya, naswona avangaswikoti kuvulavula na yena hi kurhula.” (Genesa 37:4) Swingaha twala kuva vamakwenu va Yosefa va va ni wukwele, kambe avanga fanelenga va pfumelela moya lowo wuva manda. (Swivuriso 14:30; 27:4) U tshame uva ni wukwele hi leswi munhu wa kukarhi anga kuma swilo swa kuhlawuleka leswi wena awuswi lava? Pimisa hi leswinga humelela vamakwenu va Yosefa. Leswi ava ni wukwele va yendle swilo leswi vanga gama va tilaya swinene hi swona hi kufamba ka nkama. Xikombiso xa vona xihi khumbukisa leswaku i swinene ‘kutsaka ni lava tsakaka’. — Varhoma 12:15.

Yosefa a game aswi tsumbula swaku vamakwenu va yena avamu nyenya. Kunga va leswaku avata fihla nkhancu wakwe loko ali kusuhi ni kufika lana ava li kona? Swinga yendleka aswi pimisile kuswi yendla leswo. Kambe papayi wa yena Yakobe a alava leswaku Yosefa a yambala nkhancu lowuyana kukombisa leswaku wamu rhandza. Leswi a aswi lava kutsakisa papayi wa yena awu yambalile nkhancu lowuyana. Lexi i xikombiso xa lisima ka hina. Hambileswi Yehovha a rhandzaka vanhu hinkwavu, minkama yin’wana a nyika malandza ya yena ya kutshembeka malunghelo ya kukarhi, handle ka leswo, Yehovha a lava leswaku hi hambana ni vanhu lavanga ni mahanyelo ya kubiha. Kufana ni nkhancu wa kuhlawuleka wa Yosefa, mahanyelo ya hina ma fanele ma basa. Kambe minkama yin’wana mahanyelo lawa mahi yendla hi nyenyiwa. (1 Petro 4:4) Kufana ni leswi Yosefa a kalaka angawu fihlanga nkhancu wa yena na hina ahi fanelenga hi tifihla leswaku hi Timboni ta Yehovha. — Luka 11:33.

w14 1/8 paj. 13 mapar. 2-4

“Ni Kombela Mutwa Leswi Ningaswi Lorha”

Milorho leyi Yosefa a veke na yona a yi li wuprofeta naswona ayi ta hi ka Yehovha, hi mhaka leyo Yehovha a alava leswaku ayi tlhamusela vanhu van’wana. Phela Yosefa a afanele a yendla leswi vaprofeta hinkwavu vangaswi yendla loko va hundzisela marungula ya xona ya wuyavanyisi ni man’wana ka vanhu va xona lava avanga yingisi.

Yosefa a byele vamakwavu vakwe a ku: “Nikombela mitwa lorho lowu ningawulorha”. Vamakwavu va yena vaswi twisisile leswi angaswi lorha kambe aswiva tsakisanga. Va hlamule va ku: “Hakunene utatiyendla hosi henhla ka hina, uhifuma?”. Bibele yi tlhela yi ku: “Vakuma xivangelo xin’wana xa kumunyenya, hi mhaka ya milorho ya yena ni leswi angaswivula”. Loko Yosefa a tlhamusele papayi wa yena ni vamakwenu va yena leswi angaswi lorha ka wumbirhi swi ye swi bihisa xiyimu. Bibebe li li: “Papayi wa yena amukawuka aku ka yena: ‘Kulorha loko ka wena kuvula yini? Impela swivula leswaku mina, ni mamani wa wena, ni vamakwenu, hitaku khizamela?’” Hambi leswo, Yakobe a tame a pimisa hi mhaka leyi. Kambe kungava leswaku Yehovha a avulavula ni mupfana lweyi? — Genesa 37:6, 8, 10, 11.

Yosefa a angali munhu wa kusungula kumbe wa wugamu kuva ni wuprofeta leli vanhu avanga li rhandzi ni kuyendla swaku a nyenyiwa. Hambi Yesu lweyi a ali muprofeta lwenkulu kutlula hinkwavu a byele vadjondzisiwa va yena a ku: “Loko vanixanisile, na n’wina vatamixanisa”. (Yohane 15:20) Vakreste hinkwavu vanga djondza xa kukarhi ka lipfumelo ni xivindzi xa Yosefa.

Lavetela Xuma ka Rito la Xikwembu

it-1 paj. 752

Edomu

(Edomu) [Kupshuka], vaEdomu.

Edomu i vito lin’wana la Esawu hahla la Yakobe. (Gn 36:1) Li tirhe ka yena loko a xavise mfanelo ya kuva mativula hi paratu la swakudla swa kupsuka. (Gn 25:30-34) Vhela na yena Esawu swi kotlane na kuva a ali wa kupshuka. (Gn 25:25) Naswona yena ni vatukulu va yena, hinkwaku lomu vanga ya tshama kona kuve ni vanhu va kupshuka.

it-1 mapaj. 628-629

Wutihlamuleli la Kuhlayisa

Loko mulusi a vula swaku ata hlayisa ntlhambi a akombisa swaku ata hlamula hi xin’wana ni xin’wana lexingata humelela hi ntlhambi. Hi ndlela leyo, a atiyisekisa n’winyi wa swona swaku swiharhi leswi aswita hlayiseka naswona loko kohumelela swilo swa kukarhi aata hlamula. Hambileswo, wutihlamuleli la yena ali pimiwile hikusa nawu awu vula swaku loko xifuwu xo tshuka xi dliwa hi xiharhi xa khwati mulusi a anga na nandzu. Kambe leswaku a voniwa angana nanzu a afanele aya kombisa ka n’winyi wa xifuwu swaku hikakunene xi dliwe hi xiharhi xa khwati hi kufamba ni nhloko ya xona. Leswo aswita yendla anga voniwi nandzu hi n’winyi wa swifuwu.

A nawu lowu wa tirha ka mun’wana ni mun’wana lweyi anga ni wutihlamuleli, hambi hi ndjangwini, hi xikombiso makwenu wa mukulu a fanele a hlayisa ni kusirhelela vamakwavu vavatsongo. Hi mhaka leyo, swa twala kuva Rubeni a karhatekile hi wutomi la makwavu Yosefa, hilaha swi kombisiwaka hi kona ka Genesa 37:18-30, loko vamakwavu va vulavule hi kudlaya Yosefa. “A te: ‘Hingamu dlayeni’ . . . ‘Minga halateni ngati. . . . Mingamu yendleni swobiha’. Xikongomelo xa yena axili kumuhuluxa amandleni ya vona leswaku amutlhelisela ka papayi wa yena.” Naswona loko Rubeni a twisise swaku hikakunene Yosefa angaha li kona kukarhateka ka yena kuye kukula lakakuva “ahandzula mpahla ya yena” a ku: “N’wana angahalikona! Nitakuyini mina?” Phela aaswi tiva swaku hi yena angata hlamula hi kulahleka ka Yosefa. Leswaku anga hlamuli, va makwavu va bohe kuya byela papayi wa vona va ku a dliwe hi xiharhi xa khwati hi kufamba ni nkhancu wa Yosefa lowu awu avawu chele ngati ya xiharhi. Loko va fika va komba papayi wa vona nkhancu wa Yosefa lowu awu ni ngati ayo vhela a kholwa leswaku Yosefa a dliwe hi xiharhi. Leswo swi yendle leswaku angahamu voni nandzu Rubeni. — Gn 37:31-33.

11 KUYA KA 17 KA MAIO

XUMA XINGA KA RITO LA XIKWEMBU | GENESA 38-39

“Yehovha Angamu Tshikanga Yosefa”

w14 1/11 paj. 12 mapar. 4-5

“Ningaswikotisa Kuyini Kuyendla Wubihi Leli Lalikulu?”

“Yosefa ayisiwa aGibita, kutani mugibita mun’wanyana lweyi aavitaniwa PotiFaro, mutirhi wa ndlwini ya wuhosi ya Faro ni ndhuna ya varindzi, amuxava ka Vayiximayele, lava avamuyise aGibita.” (Genesa 39:1) Marito lawa ya Bibele mahi pfuna kuvona ndlela leyi Yosefa a danisiweke hi yona loko a tlhela a xavisiwa. Phela ka vona a angali wa lisima. Pimisa hi Yosefa na aku kho a landzelela PotiFaro ka tindlela leti atiyo tala hi vanhu, na aya kaya ka yena ka nyuwani.

Munti lowu se a atshama ka wona awu hambanile hi kuhelela ni lowu a awu tolovelile. A wundliwe ka ndjangu lowu awu tshamela kurhurha, naswona awu tshama ka matenda ni kulusa swufuwu. Kaya ka yena ka nyuwani se a kudura swinene. Phela vaGibita va kufana na Potifaro ava tshama ka tiyindlo ta kudura ti tlhela ti pendiwa hi tikori ta kusaseka swinene. Vakambisisi va swilo swa khale va vula swaku vaEgipta ava rhandza majaradi ya kusaseka lawa ama dezenyariwile ka maparedi, nama kombisa minsinya ya kuxonga ni swiluva swa kusaseka leswi aswi li hansi ka mati. Tiyindlo tin’wana ati li xikarhi ka majaradi naswona ati ni majanela ya makulu ni mavharanda leswaku va beliwa hi moya. Phela akuni makwartu ya manyingi, kupatsa ni makwartu ya vatirhi ni sala lalikulu la kudlela ka lona.

w14 1/11 mapaj. 14-15

“Ningaswikotisa Kuyini Kuyendla Wubihi Leli Lalikulu?”

Ahiswi tivi kahle swaku madjele ya le Egipta ama tshamise kuyini. Vakambisisi va kume marhumbi ya tindhawu ta kukarhi, lawa ama ni makhumbi lama tiyeke ni madjele ya kuphuma. Yosefa a tlhamusele ndhawu yoleyo hi marito ya matsongo lama vulaka swaku “xikhele” kunga ndhawu yaku aku voni kahle naswona ayi yendla munhu anga na ntshembo loko ali ka yona. (Genesa 40:15) Ka buku la Tipisalema hi djondza swaku Yosefa a hluphiwe hintamu. Yi li: ‘A bohiwe minenge hi machini, a tlhela a bohiwa nkolo hi tinsimbi’. (Tipisalema 105:17, 18) Minkama yin’wana vaGibita ava boha swib’ochwa hi tinghomondho na mavoko ma li ndzhaku kasi van’wana ava bohiwa minkolo hi machini. Swinga yendleka na yena Yosefa a hluphiwe hi ndlela leyi na anga wonhanga nchumu.

Lexi vavisaka, Yosefa a hlwelile a djele. Bibele li li: “Kutani atama ava kolumuya djele”. Phela Yosefa a angaswi tivi swaku ata huma siku muni ka djele leli la kuchavisa. Leswi Yosefa anga hlwela kuhuma djele, i yini lexingamu pfuna leswaku anga heleliwi hi ntshembo?

Bibele li tlhela lihi nyika nhlamulu loko li ku: “Yehovha aatama ava na Yosefa, amukombisa lirhandzu lokala lingaheli”. (Genesa 39:21) Akuna djele kumbe tinghomondho leswinga yendlaka leswaku Yehovha angama kombi malandza ya yena swaku wama rhandza. (Varhoma 8:38, 39) Pimisa hi Yosefa loko a chulula kukarhateka ka yena hinkwaku ka Yehovha hi xikhongelo, kutani a kuma kurhula ka “Xikwembu lexi kuchavelela hinkwaku kuhumaka ka xona”. (2 Vakorinto 1:3, 4; Vafilipiya 4:6, 7) Kungava leswaku Yehovha amu pfunile Yosefa hi ndlela yin’wana? Ina, amu pfunile hikusa a yendle swaku “atsakeliwa hi muvoneleli lwenkulu wa djele”.

w14 1/11 paj. 15 par. 2

“Ningaswikotisa Kuyini Kuyendla Wubihi Leli Lalikulu?”

Lavetela Xuma ka Rito la Xikwembu

it-3 mapaj. 133-134

Onani

(Onani) [leswi vulaka swaku “matimba ya kupsala”]

Onani aku li mun’wana wa vana va Yuda, a ali n’wana wa wumbirhi ka vana lava Yuda angava psala na Xuwa wa mukanana. (Gn 38:2-4; 1Tk 2:3) Ere a ali nuna wa Tamari, Yehovha amu dlayile hi kukala anga yingisanga, kambe a angaseva ni vana naswona a ali makwavu wa mukulu wa Onani. Yuda a byele Onani swaku a teka Tamari ava nsati wa yena hi kulandza lunghiselelo la kuteka nsati wa makwavu. Loko Onani a ayo nyimbisa Tamari, n’wana wa mativula lweyi aatamu psala aangata kulisa xib’ongo xa yena naswona hi yena n’wana lweyi aata dla tshomba la Ere. Se, hi kulava kusala ni tshomba la Ere, Onani loko a famba masangu na Tamari a yendle hinkwaswu leswaku angamu nyimbisi. Phela Onani aango titsakisa hi kutlangisa swirho swa yena swa masangu kumbe masturbação hikusa Bibele li li: “Kuteloko a tivana ni nsati wa makwavo” a halata hansi leswi yendlaka wansati a kuma nyimba swaku angamu nyimbisi. Hi mhaka ya kukala angamu yingisanga papayi wa yena ni kunga hloniphi lunghiselelo la Yehovha la muchadu ni kunavela kusala ni tshomba la Ere a dlayiwile hi Yehovha. — Gn 38:6-10; 46:12; Tin 26:19.

w04 15/1 paj. 30 mapar. 4-5

Swivutiso swa Valerhi

Yuda a djohile hi leswi anga yala kuteka Tamari amu nyika n’wana wa yena Xela hilaha anha tshembisa hi kona. Naswona a tlhele a djoha hi leswi anga famba masangu ni wansati lweyi a apimisa swaku i nghwavani ya le tempeleni. Leswo aswi lwisana ni nawu wa Yehovha wa leswaku munhu a fanele a famba masangu ntsena ni wansati lweyi anga chada na yena. (Genesa 2:24) Kuvula ntiyiso, Tamari a angali nghwavani. Kambe Yuda a pfalete Xela hi kufamba masangu na Tamari, hikusa Xela hi yena a ani mfanelo ya kuteka nsati wamakwavu. Hi mhaka leyo, Yuda a ve ni vana na Tamari, lavanga nawini.

Phela leswi Tamari angaswi yendla aswinga bihanga. Hikusa vana lava angava psala va mahahla ava vuliwanga vana va wugelegele. Hi xikombiso, a nkama lowu Bowasi anga teka Ruti ava nsati wa yena, madoda ya le Betlehema ma vulavule kahle hi Tamari n’wana wa Faresi, ma byele Bowasi ma ku: “Onge yindlu ya wena yi nga fana ni yindlu ya Faresi, loyi Tamari a n’wi tswaleleke Yuda, hi vana lava Yehovha a nga ta ku nyika vona hi nhwanyana loyi.” (Rhuti 4:12) Nakambe Faresi ave mun’wana ka va vovo va Yesu. — Matewu 1:1-3; Luka 3:23-33.

18 KUYA KA 24 KA MAIO

XUMA XINGA KA RITO LA XIKWEMBU | GENESA 40-41

“Yehovha A Humesa Yosefa Djele”

w15 1/2 paj. 14 mapar. 4-5

‘Tinhlamuselo a Tihumi ka Xikwembu?’

Hambi leswi mucheli wa vhinyu angamu khohlwa Yosefa, Yehovha anga zanga amu khohlwile. Siku lin’wana ni wusiku Yehovha a lorhise Faro milorho yimbirhi yaku a angata pfuka ayi khohlwile. Ka wa kusungula a vone 7 wa tihomu ta kukuluka na tilandziwa hi 7 wa tihomu ta kuwondza na tihuma ka Nambu wa Nayile. Se le ta kuwondza ti minta hinkwato le ta kukuluka. Kasi ka wa wumbirhi a vone 7 wa swichocho swa kunona swi tlhela swi psala kahle ni 7 wa swichocho swa kuwoma, kambe leswa kuwoma aswi minta leswa kunona. Loko Faro a pfuka nimixo a akarhateke hintamu, kutani a vitana tintlharhi ni Vaprista hinkwavu va swa wugoma leswaku vatamu tlhamusela kambe avaswi kotanga. (Genesa 41:1-8) Swinga yendleka va karhatekile naswona va nyikele tinhlamulu ta kuhambana. Kambe leswi hiswi tivaka, Faro awaha karhatekile hi kulava kutiva ntlhamuselo wa milorho ya yena.

Hi wugamu mucheli wa vhinyu a game amu khumbuka Yosefa. Leswi a atitwa nandzu a byele Faro swaku loko ali djele akuni djaha lin’wana lelinga tshama limu tlhamusela milorho ya yena kahle. Phela Faro angaha nyima nyimanga, ayo vhela a kombela swaku vaya vita Yosefa. — Genesa 41:9-13.

w15 1/2 mapaj. 14-15

‘Tinhlamuselo a Tihumi ka Xikwembu?’

Yehovha wava rhandza vanhu va kutshembeka ni va kutiveka hansi, hi yona mhaka leyo anga pfuna Yosefa kutwisisa norho lowunga tsandza tintlharhi ni vaprista va Faro. Yosefa a tlhamusele Faro swaku milorho leyi ayi vula nchumu wun’we. Kuva ayi phindhile aswi kombisa swaku Yehovha a ayi tiyisekisile naswona ayita hetiseka. A tihomu ta kukuluka ni swichocho swa kunona aswi nyimela 7 wa malembe lawa akutava ni sakudla swa kutala aEgipta. Kasi a tihomu ta kuwondza ni swichocho swa kuwoma aswi nyimela 7 wa malembe ya ndlala lawa amata landzela, naswona ndlala leyi ayita ba misava hinkwayu. — Genesa 41:25-32.

w15 1/2 paj. 15 par. 3

‘Tinhlamuselo a Tihumi ka Xikwembu?’

Faro amu nyikile hinkwaswu leswi angamu tshembisa, hikusa hi kuhantlisa a nyike Yosefa nguvu ya kusaseka swinene a tlhela amu nyika cordão ya woru ni aneli leyi ayi kombisa leswaku a tlakusiwile. (Genesa 41:42-44) Ahi kuhlamalisa ka swona, ni kochona lingase chona Yosefa se a atshama ka yindlo ya kudura swinene, naswona se a ali hosi ya wumbirhi aGibita. Lexi axi li xikombiso xaku lipfumelo la Yosefa alingali la hava. Yehovha ali vonile wubihi hinkwalu leli Yosefa anga yendliwa lona malembe ya kutala swinene naswona a lunghise mhaka leyi hi nkama lowu faneleke ni hi ndlela leyi faneleke. Yehovha angoyo pfuna Yosefa ka wubihi leli a ali ka lona ntsena, kambe a ata tlhela a vhikela tiko la Israyele ka nkama lowu taka. Hita vona swaku leswo swi yendlekise kuyini ka nhlokomhaka leyi taka.

Lavetela Xuma ka Rito la Xikwembu

w15 1/11 paj. 9 mapar. 1-3

Awuswi Tiva?

Hi Mhaka Muni Yosefa A Tsemete Malepfu ni Misisi hinkwayu na Angaseya ka Faro?

Hikuya hi rungula la Bibele, Faro a rhumele vanhu leswaku vaya vitana Yosefa, leswaku atamu tlhamusela leswi angaswi lorha. Hi nkama wolowo Yosefa se a ani malembe yamanyingi na ali djele. Hambileswi aswi li swa xihantla, Yosefa a rhange hi kutsemeta malepfu na angase ya ka Faro. (Genesa 39:20-23; 41:1, 14) Kuva mutsali wa Bibele ayi tsalile mhaka leyi hambileswi yinga yitsongo swi kombisa swaku aawu tiva ndhavuku wa vaEgipta.

Vanhu va khale avaswi randza ngopfu kutshika malepfu ma kula, kupatsa ni Vaheberu. Buku Leli Tlhamuselaka Bibele ni Wukhongheli (hi Xinghiza) la McClintock na Strong, li li: “Vanhu va khale va le Gibita akuli vona ntsena lava ava tsema malepfu.”

Kungava leswaku avo tsemeta malepfu ntsena? A revhixta leli vulavulaka hi minkama ya bibele, li vula swaku ka ndhavuku wa vaEgipta, loko munhu angase ya aya vona Faro a afanele a tsemeta malepfu a basa kufana ni loko a lava kunghena ka tempele ya kukarhi. Hi mhaka leyo, na yena Yosefa a afanele a tsemeta misisi hinkwayu a mirini wa yena.

w09 15/11 paj. 28 par. 14

“Kuhanyisana Kahle ni Van’wani Tanihi Vatirheli va Xikwembu”

¹⁴ Ka minkama ya Bibele, vapsali lava hloniphaka Xikwembu ava fanele va djondzisa van ava vona kuva ni xichavu na vahali kaya. Vona ndlela leyi Abrahama ni n’wana wa yena Isaka vanga vulavulisana hi yona hi xihlonipho ka Genesa 22:7. Na yena Yosefa aswi kombisile swaku vapsali va yena avamu djondzisile kuva ni xihlonipho. Loko ali djele a ava hlonipha ni kuva khoma kahle lava a apfaleliwe na vona djele. (Gen. 40:8, 14) Ndlela leyi anga vulavulisana hi yona na Faro ayiswi kombisa kahle swaku a adjondzisiwile kuva ni xihlonipho loko a vulavula ni tihosi. — Gen. 41:16, 33, 34.

25 KUYA KA 31 KA MAIO

XUMA XINGA KA RITO LA XIKWEMBU | GENESA 42-43

“Yosefa Aswi Kotile Kutikhoma”

w15 1/5 paj. 13 par. 5

“Nile ka Ndhawu ya Xikwembu?”

Yosefa a tekele kuva tiva vamakwenu va yena. Handle ka leswo, loko va fike vamu khizamela, a tekele kukhumbuka khale ka yena na wahali mupfana. Bibele li vula swaku Yosefa a tekele kukhumbuka leswi Yehovha angamu lorhisa swona na wahali mutsongo, leswaku vamakwavu va yena avatamu khizamela. Vhela vaswi yendlile leswo. (Genesa 37:2, 5-9; 42:7, 9) Se Yosefa a ata yendla yini? A ata tsutsuma ayava barasara hi ntsaku? Kumbe a atava hakelisa hi leswi vangamu yendla swona na wahali mutsongo?

w15 1/5 paj. 14 par. 1

“Nile ka Ndhawu ya Xikwembu?”

Swinga yendleka leswinga humelela Yosefa ungase kumana na swona. Hambileswo, kukala kutwanana ni kudjohelana andjangwini i swilo leswinga toloveleka namuntlha. Loko hi kumana ni swiyimu swa kufana ni leswi hinga yendla swilo hi ndlela leyi hi titwaka hi yona hi kulandza kukala kuhetiseka ka hina. Kambe hitava hi tlharihile loko hi tekelela xikombiso xa Yosefa naswona hi zama kupimisa hi ndlela leyi Yehovha a lavaka hi tikhoma hi yona. (Swivuriso 14:12) I swinene kuva ni kurhula a ndjangwini, kambe xa lisima hintamu i kuva ni kurhula na Yehovha na Yesu. — Matewu 10:37.

w15 1/5 paj. 14 par. 2

“Nile ka Ndhawu ya Xikwembu?”

Yosefa a ringe vamakwenu va yena kuva a tsumbula swaku se ava cincile hikakunene. Yosefa a sungule kuvulavula na vona na a kwatile swinene, hi kutirhisa muhundzuluxeli a vula swaku ava ya kambela tiko la Gibita. Leswaku vamakwenu va Yosefa va tivhikela vamu byele hi ta ndjangu wa vona, va tlhela va vula mhaka yin’wana ya lisima ya leswaku ava siye makwenu wa vona wa mutsongo a kaya. Yosefa a zame kukala anga kombisi swaku a tsakile hi mhaka ya leswi anga vona vamakwenu va yena. A ativutisa swaku makwavu wa yena wa mutsongo waha hanya ke? Swoswi se a aswi tiva leswi a afanele aswi vula. A te: “Hikwalaho ka leswi mi ta ringiwa”, a gama ava byela swaku a alava kuvona makwavu wa mutsongo lweyi a asale kaya. Kutani ava byela swaku ava fanele vamu landza, kambe a kufanele kusala mun’we a pfaleliwe djele. — Genesa 42:9-20.

it-2 paj. 598 par. 4

Yosefa

Hi kuvona leswi aswi humelela, vamakwavu va Yosefa, va sungule kupimisa swaku leswi ava hlupheka akuli hi mhaka ya leswi vanga xavisa makwavu wa vona. Va sungule kuvulavula hi nandzu wa vona phambeni ka Yosefa makwenu wa vona na vangaswi tivi swaku hi yena. Hi kutwa marito lawa avama vula, lawa ama kombisa swaku va tisola. Yosefa swimu khumbe ngopfu lakakuva a suka lana avali kona a ya rila. Loko a tlhela ka vona, a vule swaku Simiyoni a petiwa djele anze lavan’wana va vuya ni makwavu wa vona lweyi wamutsongo. — Gn 42:21-24.

Lavetela Xuma ka Rito la Xikwembu

it-3 paj. 466

Rubeni

A wumunhu lin’wana la kahle la Rubeni li tikombile loko a kombela leswaku vamakwavu va yena vangamu dlayi Yosefa, kambe vamu peta ka xihlovo, hi xikongomelo xa leswaku ata gama a djuma ayamu tsavula. (Gn 37:18-30) Loko se kuhundze 20 wa malembe, vamakwavu va lumbetiwile aEgipta leswaku i vakambeli va tiko, kutani va sungule kutitwa nandzu va vona ingi i vuyelo la kubiha hi leswi vanga xavisa Yosefa. Kambe Rubeni ava basiselile kahle swaku yena a angana nandzu, hi vona avani nandzu. (Gn 42:9-14, 21, 22) Naswona loko Yakobo a yale leswaku Bejamini a famba na vona ka lipfhumba la wumbirhi la kuya Egipta i Rubeni lweyi anga nyikela hi vana va yena a ku: “Loko ningavuyi na yena, dlaya vana va mina va vambirhi.” — Gn 42:37.

w04 15/1 paj. 29 par. 1

Tipontunkulu ta Buku la Genesa — Xiyenge xa Wumbirhi

43:32 — Hi Mhaka muni vaEgipta ava Nyenya kudla ni vaHeberu? Swinga yendleka swi yendliwe hi kunyenyana ka wukhongeli kumbe kuti vona va yampsa kutlula van’wana. Naswona vaEgipta a va va nyenya valusi. (Genesa 46:34) Hi mhaka muni? Kahlekhale swinga yendleka ava voniwa vanga pfuni nchumu, naswona leswi vaEgipta ava ni tindhawu ta titsongo ta kurima a va va nyenya vanhu lava ava lava ndhawu ya kudlisa swifuwu.