Li Nyiki Lisima Wutomi

Ku ni swilo swa swinyingi leswi hi nga tikhorisaka hi swona ka wutomi la hina. Hambi hi kumana ni swikarhatu, yi kona minchumu yin’wana ya ku tsakisa leyi hi nga tikhorisaka hi yona. Hi nga swi kombisa ku yini swaku ha mu khensa Yehovha hileswi a nga hi nyika wutomi? Naswona hi mhaka muni hi mu khensa?

1. Hi mhaka muni hi fanele hi li nyika lisima wutomi?

Hi li nyika lisima wutomi hikusa i nyiko leyi taka hi ka Papayi wa hina Yehovha wa ku hi rhandza. ‘Wutomi li ta hi ka yena,’ hi yena a nga yentxa minchumu hinkwayu leyi hanyaka. (Tipisalema 36:9) “Hi xona xi nyikaka vanhu hinkwavu wutomi, moya lowu va wu hefemulaka ni swilo hinkwaswu.” (Mintirho 17:25, 28) Yehovha a hi nyika leswi hi swi lavaka swaku hi tama hi hanya. Naswona a tlhela a yentxa swi koteka swaku hi hanya wutomi la ku tsakisa. — Lerha Mintirho 14:17.

2. Hi nga mu kombisa ku yini Yehovha swaku hi li nyika lisima wutomi?

Yehovha a ku hlayisile ku sukela nkama na wa ha li ka khwirhi la mamana wa wena. Mun’wana wa vagandzeli va Xikwembu ku nga Davhida, a khongele a ku: “Matihlo ya wena ma ni vonile loko na ha li ndzeni.” (Tipisalema 139:16) Wutomi la wena i la lisima hintamu ka Yehovha. (Lerha Matewu 10:29-31.) Yehovha a vaviseka hintamu loko munhu a tidlaya kumbe a dlaya munhu mun’wana.a (Eksoda 20:13) Nakambe Yehovha a vaviseka hintamu loko hi veka wutomi la hina ni la van’wana nghozini na swi nga bohi. Loko hi tihlayisa hi tlhela hi hlonipha wutomi la van’wana, hi komba Yehovha munyiki wa wutomi swaku ha yi khensa nyiko leyi ya lisima.

DJONDZA SWIN’WANA

3. Tivhikeli ka mavabyi

Vakreste lava va nga tinyiketela, va tirhisa wutomi la vona swaku va tirhela Yehovha. Leswi Vakreste va faneleke va “nyikela miri wa [vona] wu va gandzelo la ku kwetsima” ka Xikwembu, va fanele va wu hlayisa kahle. Lerhani Varoma 12:1, 2, mi gama mi bula hi swivutiso leswi landzelaka:

• I mpsini leswi swi faneleke swi ku yentxa u lava ku tivhikela ka mavabyi?

• Hi tini tindlela tin’wana ta ku yentxa leswo?

4. Tivoneli swaku u nga vangi tinghozi

Bibele li hi byela swaku hi fanele hi fambela kule ni swiyimu leswi nga ni nghozi ka hina ni ka van’wana. Sixtirani VHIDIYO swaku u vona leswi u nga swi yentxaka kuva u tivhikela.

VHIDIYO: Vana Ni Lipfalu La Ku Basa (8:34)

Lerhani Swivuriso 22:3, mi gama mi bula hi leswi wena ni vanhu van’wana mi nga swi yentxaka swaku mi tivhikela . . .

• akaya.

• antirhweni.

• loko mi tlanga.

• loko u fambisa movha kumbe u li ka movha lowu fambisiwaka hi munhu mun’wana.

5. Li nyiki lisima wutomi la n’wana lweyi a kalaka a nge se psaliwa

Davhida a vule swaku Yehovha a ni mhaka ni wutomi la n’wana lweyi a kalaka a nge se psaliwa ni hinkwaswu leswi swi mu yentxekelaka. Lerhani Tipisalema 139:13-17, mi gama mi bula hi xivutiso lexi landzelaka:

• Ka Yehovha wutomi la munhu li sungula loko a psaliwa kumbe loko mamana wa yena a kuma nyimba?

Minawu leyi Yehovha a a yi nyike Vayisrayele va khale a yi vhikela vamamana ni vana lava va kalaka va nge se psaliwa. Lerhani Eksoda 21:22, 23, mi gama mi bula hi swivutiso leswi landzelaka:

• Yehovha a a mu vonisa ku yini munhu lweyi hi ku phazama a a dlaya n’wana lweyi a kalaka a nge se psaliwa?

• U pimisa swaku Yehovha a titwisa ku yini hi munhu lweyi a dlayaka n’wana lweyi a kalaka a nge se psaliwa hi maxivomu?b

• U titwisa ku yini hi mavonelo ya Yehovha?

Sixtirani VHIDIYO.

VHIDIYO: Wutomi i la Lisima ka Yehovha (5:00)

Hambi hi wansati lweyi a li nyikaka lisima wutomi a nga tshuka a titwa a boheka ku xixa nyimba. Lerhani Esaya 41:10, mi gama mi bula hi swivutiso leswi landzelaka:

• Loko wansati a sindzisiwa ku xixa nyimba, a fanele a kombela ku pfuniwa hi mani? Hi mhaka muni?

LESWI HI NGA SWI DJONDZA

Bibele li hi djondzisa ku rhandza, ku hlonipha ni ku hlayisa wutomi leli Yehovha a nga hi nyika. Ku nga li la hina ntsena kambe ni la vanhu van’wana.

Ku kambela leswi hi nga swi djondza

• Hi mhaka muni wutomi la vanhu li li la lisima ka Yehovha?

• Yehovha a titwisa ku yini loko munhu a tisunga kumbe a dlaya vanhu van’wana?

• Wa yi tsakela nyiko ya wutomi? Hi mhaka muni?

LOKO U LAVA KU TIVA SWIN’WANA

Hi nga yentxa yini swaku hi khensa Yehovha hileswi a nga hi nyika wutomi?

Cântico 141 — O milagre da vida (2:41)

Kuma nhlamulu ya xivutiso lexi nge: Xikwembu xi nga mu rivalela wansati lweyi a nga xixa nyimba?

“Bibele Yi Ri Yini Hi Ku Susa Khwiri?” (Nhlokomhaka leyi nga ka site la jw.org hi Xitsonga)

Vona swaku mavonelo ya Xikwembu hi wutomi ma nga ku pfunisa ku yini loko u langa minchumu leyi u tlangaka hi yona.

“Desportos radicais — Vale a pena correr o risco?” (Khindlimuka! wa 8 ka Outubro wa 2000 hi Xiputukezi)

Vona leswi Bibele li nga mu pfunisaka xiswona munhu loko a ni mimpimiso ya ku tisunga.

“Ndzi Lava Ku Tidlaya—Xana Bibele Yi Nga Ndzi Pfuna Loko Ndzi Ehleketa Hi Ku Tisunga?” (Nhlokomhaka leyi nga ka site la jw.org hi Xitsonga)