Nnwom

86 O Yehowa, yɛ aso ma me,* na gye me so,

Efisɛ m’asɛm yɛ mmɔbɔ na ahia me.+

Gye w’akoa a mede me ho ato wo so,

Efisɛ wone me Nyankopɔn.+

 3 O Yehowa, hu me mmɔbɔ,+

Na misu frɛ wo daa nyinaa.+

 4 O Yehowa, ma w’akoa* nni ahurusi,

Efisɛ wo na mede me werɛ ahyɛ wo mu.*

 5 O Yehowa, wuye,+ na woayɛ krado sɛ wode bɔne bɛkyɛ;+

Wo dɔ a enni huammɔ no dɔɔso ma wɔn a wɔfrɛ wo nyinaa.+

 6 O Yehowa, tie me mpaebɔ;

Yɛ aso ma me sufrɛ.+

 7 Mɛfrɛ wo m’ahohia da,+

Na wubegye me so.+

 8 O Yehowa, onyame biara nte sɛ wo,+

Na obiara nnwuma ne wo de nsɛ.+

 9 O Yehowa, aman a woayɛ wɔn nyinaa

Bɛba abɛkotow w’anim,+

Na wɔbɛhyɛ wo din anuonyam.+

10 Efisɛ woyɛ kɛse, na woyɛ anwonwade;+

Wone Onyankopɔn, na obiara nka wo ho bio.+

12 O Yehowa me Nyankopɔn, mede me koma nyinaa beyi wo ayɛ,+

Na mɛhyɛ wo din anuonyam akosi daa,

13 Efisɛ ɔdɔ a enni huammɔ a woada no adi akyerɛ me no dɔɔso,

Na woagye me* afi Ɔdamoa* mu.+

14 O Onyankopɔn, ahantanfo asɔre atia me;+

Atirimɔdenfo dɔm rehwehwɛ me akum me,*

Na wɔmfa wo nyɛ hwee.*+

15 Nanso Yehowa, wo de, woyɛ Onyankopɔn a wowɔ mmɔborɔhunu ne ayamhyehye,*

Wo bo mfuw ntɛm, wo dɔ a enni huammɔ nni ano, na wo nokwaredi dɔɔso.+

Ma w’akoa ahoɔden,+

Na w’afenaa ba no, gye no nkwa.

17 Ma minhu wo papayɛ ho sɛnkyerɛnne,*

Na ama wɔn a wɔtan me no ahu na wɔn ani awu.