Nnwom

 2 Me de, ɛkaa ketewaa bi anka mereman;

Ɛkaa kakraa bi anka merehwe ase.+

 3 Efisɛ m’ani beree ahantanfo,*

Esiane sɛ, bere biara mihu sɛ nnebɔneyɛfo wɔ asomdwoe.+

 4 Wɔmmrɛ ansa na wɔawu;

Wɔwɔ apɔwmuden.*+

 5 Ɔhaw a nkurɔfo fa mu no, ebi nka wɔn,+

Na amanehunu a ɛto nnipa nyinaa no, ebi nto wɔn.+

 6 Ɛno nti wɔde ahantan ayɛ kɔnmuade;+

Wɔafura awudisɛm sɛ ntama.

 7 Wɔn ahonyade* ama wɔn aniwa ayeyɛ akɛse;

Wɔanya aboro nea wɔn koma pɛ.

 9 Wɔhoahoa wɔn ho kodu soro,

Na wɔmoma wɔn ho so wɔ asaase so de wɔn tɛkrɛma keka nea wɔpɛ.

10 Enti Onyankopɔn nkurɔfo de wɔn adwene kɔ wɔn so,

Na wɔnom wɔn nsu bebrebe no bi.

13 Ampa, me komam a matew,

Ne me nsa a mahohoro de akyerɛ sɛ me ho nni asɛm no nyinaa yɛ ɔkwa.+

14 Mefaa ɔhaw mu daa nyinaa;+

Minyaa animka anɔpa biara.+

15 Nanso sɛ mekaa nsɛm a ɛte saa a,

Anka ɛbɛkyerɛ sɛ mayi wo nkurɔfo* ama.

16 Mebɔɔ mmɔden sɛ mɛte ase,

Nanso na ɛyɛ den ma me,

17 Kosii sɛ mekɔɔ Onyankopɔn tenabea kronkron kɛse no mu;

Ɛnna mihuu sɛnea daakye ebewie wɔn.

20 O Yehowa, sɛnea obi so dae a onyan ma ɛtetew n’ani so no,

Saa ara na sɛ wokeka wo ho a, wobɛma wɔn anuonyam abɔ wɔn.*

21 Me de, me koma dii awerɛhow,+

Na midii yaw kɛse wɔ me mu.*

22 Ná mente nneɛma ase na na me nimdeɛ sua;

Meyɛe sɛ aboa a onni adwene wɔ w’ani so.

23 Nanso afei de, mɛtena wo nkyɛn daa;

Wukura me nsa nifa.+

24 W’afotu na wode kyerɛ me kwan,+

Na akyiri yi, wobɛhyɛ me anuonyam.+

26 Sɛ me nipadua ne me koma gye ne ho mpo a,

Onyankopɔn yɛ me koma botan ne me kyɛfa daa.+

Awurade Tumfo Yehowa na mede no ayɛ me guankɔbea

Sɛ mɛka ne nnwuma nyinaa ho asɛm.+