زبور

 2 لیکن میرے پاؤں بھٹکنے ہی والے تھے؛‏

میرے قدم پھسلنے ہی والے تھے

 3 کیونکہ جب مَیں بُرے لوگوں کو سکون سے رہتے دیکھتا تھا

تو مجھے اُن مغروروں*‏ سے جلن ہونے لگتی تھی۔‏

 4 اُن کے جسم تندرست ہیں*‏

اور اُنہیں تکلیف‌دہ موت نہیں آتی۔‏

 5 اُنہیں دوسرے اِنسانوں کی طرح پریشانیوں کا سامنا نہیں ہوتا

اور نہ ہی وہ دوسروں کی طرح تکلیف اُٹھاتے ہیں۔‏

 6 اِس لیے غرور اُن کے گلے کا ہار ہے

اور ظلم اُن کا لباس۔‏

 7 اُن کی خوش‌حالی*‏ کی وجہ سے اُن کی آنکھیں اُبھری ہوئی ہیں؛‏

اُنہیں اُن کی سوچ سے بھی زیادہ کامیابی ملی ہے۔‏

 9 وہ ایسے باتیں کرتے ہیں جیسے وہ آسمان جتنے بلند ہوں

اور اُن کی زبان زمین پر شیخی مارتی پھرتی ہے۔‏

10 اِس لیے خدا کے بندے اُن کے ساتھ مل جاتے ہیں

اور اُن کے بہت سے پانی میں سے پیتے ہیں۔‏

13 مَیں نے بِلاوجہ ہی اپنا دل پاک رکھا

اور بے‌گُناہی کے پانی میں اپنے ہاتھ دھوئے۔‏

14 مَیں دن بھر پریشان رہتا تھا؛‏

ہر صبح مجھے سزا ملتی تھی۔‏

15 لیکن اگر مَیں دوسروں کو یہ باتیں بتاتا

تو مَیں تیرے بندوں*‏ سے غداری کرتا۔‏

16 جب مَیں نے اِن باتوں کو سمجھنے کی کوشش کی

تو مَیں پریشان ہو گیا۔‏

17 پھر مَیں خدا کے عالی‌شان مُقدس مقام میں گیا

اور سمجھ گیا کہ بُرے لوگوں کا انجام کیا ہوگا۔‏

20 جس طرح ایک شخص جاگنے کے بعد اپنا خواب بھول جاتا ہے

اُسی طرح اَے یہوواہ!‏ تُو جاگنے کے بعد اُنہیں بُھلا دے گا۔‏*‏

21 میرا دل تلخ ہو گیا تھا

اور میرے اندر*‏ درد کی ٹیسیں اُٹھ رہی تھیں۔‏

22 مَیں بے‌وقوف اور ناسمجھ تھا؛‏

مَیں تیرے حضور ایک بے‌عقل جانور کی طرح تھا۔‏

23 لیکن اب مَیں ہمیشہ تیرے ساتھ رہوں گا؛‏

تُو نے میرا دایاں ہاتھ تھام لیا ہے۔‏

24 تُو مجھے نصیحت کر کے میری رہنمائی کرتا ہے

اور بعد میں تُو مجھے عزت بخشے گا۔‏

26 چاہے میرا جسم اور دل کمزور پڑ جائے

مگر خدا میری چٹان ہے جو میرے دل کو مضبوط کرتا ہے اور وہ ہمیشہ کے لیے میرا حصہ ہے۔‏

مَیں نے حاکمِ‌اعلیٰ یہوواہ کو اپنی پناہ‌گاہ بنا لیا ہے

تاکہ اُس کے سب کاموں کا اِعلان کروں۔‏