زبور

آسمان سے یہوواہ کی بڑائی کرو؛‏

بلندیوں میں اُس کی بڑائی کرو۔‏

 4 بلندترین آسمان*‏ اور فضا کے اُوپر کے پانیو!‏

اُس کی بڑائی کرو۔‏

 5 یہ سب یہوواہ کے نام کی تعریف کریں

کیونکہ اُس نے حکم دیا اور یہ بن گئے۔‏

 6 وہ اِنہیں ہمیشہ ہمیشہ کے لیے قائم رکھتا ہے؛‏

اُس نے ایک قانون جاری کِیا ہے جو کبھی نہیں مٹے گا۔‏

 7 زمین سے یہوواہ کی بڑائی کرو؛‏

گہرے پانیو اور بڑے سمندری جانورو!‏

 8 بجلی اور اَولو!‏ برف اور گھنے بادلو!‏

اُس کا حکم بجا لانے والی طوفانی ہواؤ!‏

 9 پہاڑو اور سب پہاڑیو!‏

پھل‌دار درختو اور سب دیودارو!‏

10 جنگلی جانورو اور سب مویشیو!‏

رینگنے والے جانورو اور پرندو!‏

11 زمین کے بادشاہو اور سب قومو!‏

حاکمو اور زمین کے سب منصفو!‏

12 جوان مردو اور جوان عورتو!‏*‏

بوڑھو اور جوانو!‏ سب مل کر اُس کی بڑائی کرو۔‏

13 یہ سب یہوواہ کے نام کی تعریف کریں

کیونکہ اُسی کا نام سب سے اعلیٰ ہے۔‏

14 وہ اپنے بندوں کی طاقت بڑھائے گا*‏

تاکہ اُس کے وفادار بندوں،‏

ہاں، اِسرائیل کے بیٹوں کی تعریف ہو جو اُس کے قریب ہیں۔‏