Аюб
39 Тоғ эчкиларининг туғадиган пайтини биласанми?+
Буғу болалаётганини ҳеч кузатганмисан?+
2 Уларнинг ой-куни қачон тўлишини ҳисоблай оласанми?
Болалайдиган пайтини биласанми?
3 Улар туғаётганда чўккалаб олади,
Сўнг тўлғоқ азоби ниҳоясига етади.
4 Болалари далада катта бўлиб, кучга тўлади.
Сўнг оналарини тарк этиб, қайтиб келмайди.
6 Мен даштларни унга уй,
Шўр ерларни макон қилиб берганман.
7 У шаҳардаги шовқин-сурон устидан кулади.
Мол ҳайдовчининг бақир-чақирини эшитмайди.
8 Яйлов излаб тепаликларда изғиб юради,
Ҳар қандай ўт-ўланни ахтаради.
9 Ёввойи буқа сенга бўйин эгадими?+
Тунни молхонангда ўтказадими?
10 Ёввойи буқани арқон билан омочга боғлай оласанми?
У ерингни ҳайдаб берадими*?
11 Сен унинг кучига ишониб,
Оғир ишингни унга қилдирасанми?
12 Ҳосилингни олиб келишни,
Хирмонингга йиғиб беришни унга топширасанми?
13 Туяқуш қанотларини шодон қоқади,
Лекин патларию қанотларини лайлакники билан солиштириб бўладими?+
14 У тухумларини ерга ташлаб кетади,
Уларни иссиқ қумда сақлайди.
15 Бирор киши тухумларимни босиб юборади,
Ёки ёввойи ҳайвон уларни топтаб ташлайди, деб ўйламайди.
16 Ўз болаларига худди бегоналардай шафқатсиз бўлади+.
Меҳнати зое кетишидан қўрқмайди.
17 Худо уни доноликдан маҳрум этган.
Унга зиғирча ҳам ақл-идрок ато этмаган.
18 Лекин қанот қоқиб югурадиган бўлса,
От билан чавандознинг устидан кулади.
19 Отга куч-қудратни ато этган сенмисан?+
Унинг бўйнини ҳилпирайдиган ёл билан қоплай оласанми?
20 Уни чигиртка каби сакрайдиган қила оласанми?
Унинг пишқириши даҳшатга солади+.
21 Водийда туёқлари билан ер тепиниб+,
Бор кучи билан жангга кириб боради+.
22 У қўрқувнинг устидан кулади, ҳеч нимадан қўрқмайди+.
Қилични кўриб орқага чекинмайди.
23 Чавандознинг ўқдони отга тегиб тарақлайди.
Найзалари ялтирайди.
24 Бурғу чалинганда жойида жим тура олмайди*,
Ҳовлиққанча олдинга отилади.
25 Бурғу чалинганда қаттиқ кишнайди.
Жанг ҳидини узоқдан сезади.
Қўмондонларнинг бақиришинию жанговар ҳайқириқни эшитади+.
26 Лочин сенинг ақл-идрокинг туфайли
Қанотларини ёйиб жанубга учадими?
27 Бургут сенинг буйруғинг билан юқорига учадими?+
Сенинг амринг билан ўз инини баланд жойга қурадими?+
28 У сенинг буйруғинг билан тунни қояда ўтказадими?
Қоятошда макон қурадими?
29 Ўша ердан туриб у емиш қидиради+.
Кўзларини олисга қаратади.
30 Палапонлари қон ичади.
Мурда қаерда бўлса, у ўша ерда бўлади»+.