Забур

1 Ёвузларнинг маслаҳати бўйича йўл тутмайдиган,

Гуноҳкорлар йўлидан юрмайдиган+,

Мазахчилар+ билан ўтирмайдиган инсон бахтлидир.

 2 У Яҳованинг қонунидан завқ олиб+,

Қонуни устида туну кун фикр юритади*+.

 3 Бундай киши оқар сувлар бўйига экилган,

Мевасини ўз мавсумида берадиган,

Барглари сўлмайдиган дарахт кабидир.

 4 Ёвузлар эса бундай эмас,

Улар шамол учириб кетадиган сомон кабидир.

 5 Шунинг учун ҳукм қилинганда, ёвузлар оқланмайди+.

Адолатли инсонлар орасида гуноҳкорлар қолиб кетмайди+.

 6 Яҳова адолатли кишиларнинг йўлларини билади+.

Бироқ ёвузларнинг тутган йўли ҳалокатга етаклайди+.