Ҳикматлар

17 Дастурхони тўкин-сочин, аммо жанжалли уйдан,

Бир бурда қотган нони бор тинч хонадон яхшироқ+.

 2 Ақлли хизматкор ориятсиз ўғил устидан бошқаради,

Унинг биродарлари билан бирга меросга эга бўлади.

 3 Кумуш — қозонда, олтин — ўчоқда тозаланади+,

Аммо инсонларнинг юрагини Яҳова текширади+.

 4 Ёвуз киши диққатини ёмон сўзларга қаратади,

Ёлғончи эса бузуқнинг гапларини эшитади+.

 5 Камбағални мазах қилган Яратувчини таҳқирлайди+,

Бировнинг бахтсизлигига севинган жазосиз қолмайди+.

 6 Кексаларнинг тожи — неваралари,

Фарзандларнинг шарафи оталаридир*.

 8 Ҳадя ўз эгаси учун қимматбаҳо тошдайдир+,

У нимаики қилмасин, муваффақият қозонади+.

 9 Гуноҳни кечирган севгини намоён этади+,

Бу ҳақда гапирган эса яқин дўстларни айиради+.

10 Фаросатли кишига биргина ўгит кифоя+,

Нодонга эса юз қамчи ҳам кор қилмас+.

11 Ёмон одам исён кўтариш учун пайт пойлайди,

Аммо уни жазолашга шафқатсиз элчи юборилади+.

12 Нодоннинг аҳмоқлигига йўлиққандан кўра,

Болаларидан айрилган она айиққа дуч келиш яхшироқдир+.

13 Кимдир яхшиликка ёмонлик билан жавоб қайтарса,

Унинг хонадонидан бало аримайди+.

14 Уришнинг бошланиши тўсиқни бузган тошқиндайдир,

Жанжал чиқмасидан аввал у ерни тарк эт+.

15 Ёвузни оқлаган ҳам, одилни ҳукм қилган ҳам+,

Яҳова учун жирканчдир.

16 Аҳмоқнинг доноликка эришиш имконияти бўлса-ю,

Аммо ақли бўлмаса, бундан унга не фойда?!+

17 Чин дўст ҳамма вақт севади+,

Оғир дамда биродарига таянч бўлади+.

18 Фаросатсиз одам қўл сиқишиб битим тузади,

Биров учун яқинининг олдида кафиллик қилади+.

20 Қалби эгри яхшилик топмайди+,

Ёлғон сўзлаган ҳалок бўлади.

21 Нодон фарзанд отасини қайғуга ботиради,

Ақлсизнинг отаси қувонч нималигини билмайди+.

22 Шод юрак шифобахш малҳамдайдир+,

Эзилган руҳ эса суякларни қуритади+.

23 Ёвуз адолатни поймол қилиш учун

Қўйнидан пора чиқаради+.

24 Донолик ақл-идроклининг кўз олдида,

Нодоннинг хаёли эса паришондир+.

25 Аҳмоқ ўғил отасига қайғу келтиради,

Онасининг дилига озор етказади+.

26 Одил инсонни жазолаш яхши эмас,

Ҳурматли кишини калтаклаш ноҳақликдир.

27 Оқил инсон ўйлаб сўзлайди+,

Ақл-идрокли инсон хотиржамликни сақлайди+.

28 Сукут сақласа, аҳмоқ донодай,

Тилини тийган ақл-идроклидай кўринади.