Забур

92 Эй Яҳова, Сенга шукроналар айтиш+,

Эй, Тангри Таоло, исмингга мадҳлар куйлаш яхшидир.

 2 Эрталаб севгингни*+,

Кечалари содиқлигингни эълон қилиш яхшидир.

 3 Ўн торли ва уч торли асбоб,

Арфанинг жарангдор оҳанги жўрлигида эълон қилиш яхшидир+.

 4 Ишларинг билан мени севинтирдинг, эй Яҳова,

Қўлларинг ишидан мен хурсанд бўлиб ҳайқиряпман.

 6 Онгсиз одам буни била олмайди,

Нодон кимса буни англаб етмайди+:

 7 Ёвузларнинг майса каби ўсиб кетиши,

Ёмонлик қилувчиларнинг гуллаб-яшнаши —

Абадий йўқ бўлиб кетиши учундир+.

 9 Эй Яҳова, душманларинг мағлуб бўлишига қара,

Ёвларинг қандай йўқ бўлиб кетишига назар сол,

Ёмонлик қилувчиларнинг барчаси тумтарақай бўлади+.

10 Бироқ кучимни* ёввойи буқаникидай оширасан.

Баданимга тоза мой суртаман+.

11 Душманларим мағлуб бўлишини кўзларим билан кўраман+,

Менга ҳужум қилган ёвузлар енгилганини қулоқларим билан эшитаман.

12 Одил инсон пальма дарахти каби гуллаб-яшнайди,

Ливандаги кедр дарахтидек ўсиб, юксалиб кетади+.

13 Улар Яҳованинг уйида ўтқазилиб,

Аллоҳимизнинг ҳовлиларида гуллаб-яшнайди+.

14 Кексаликда ҳам улар гуркираб ўсаверади+,

Бақувват ва ширадор бўлиб тураверади+.

15 Яҳованинг ҳақлигини эълон қилинглар.