Забур

 2 Айбимни мендан батамом ювиб ташла+,

Гуноҳимдан мени покла+.

 3 Чунки қилмишларимни яхши биламан,

Қилган гуноҳим ҳечам хаёлимдан кетмаяпти+.

 4 Мен биринчи навбатда Сенга қарши гуноҳ қилдим+,

Сенинг назарингда ёмон бўлган ишни содир этдим+.

Шу боис, Сенинг сўзларинг ҳақ,

Чиқарган ҳукмларинг тўғридир+.

 5 Мен гуноҳкор бўлиб туғилганман,

Онам қорнида пайдо бўлганимдаёқ гуноҳкор эдим+.

 6 Инсон юрагида ҳақиқатни топганингдан мамнун бўласан+.

Эй Худо, қалбимга чинакам доноликни жо қилгин.

 7 Тоза бўлишим учун, иссоп билан мени гуноҳимдан покла+,

Қордан ҳам оппоқ бўлишим учун мени ювиб тозала+.

 8 Шод-хуррамлик товушларини эшитишимга рухсат эт,

Гарчи менинг суякларимни эзган бўлсанг ҳам, қувонайин+.

 9 Менинг гуноҳларимга қарама+,

Ҳамма хатоларимни ўчириб ташла+.

10 Эй Худо, ичимда пок юрак ярат+,

Менга янги+ ва барқарор руҳ ато эт.

11 Ўз ҳузурингдан мени улоқтириб ташлама,

Муқаддас руҳингни мендан олиб қўйма.

12 Қутқарганингда ҳис қилган қувончимни қайтадан бахшида эт+,

Сенга итоат этиш истагини* менда уйғот.

13 Қонунбузарларга йўлларингни ўргатаман+,

Шунда гуноҳкорлар Сенга қайтади.

14 Эй Худо, нажот берадиган Тангрим+, мени қон тўкишдан сақла+,

Токи хурсандчилик ила Сенинг адолатингни эълон этайин+.

15 Эй Яҳова, гапиришимга рухсат эт,

Сенга ҳамду сано айтайин+.

16 Чунки Сен қурбонликни истамадинг, йўқса келтирган бўлардим+,

Бутунлай куйдириладиган қурбонликни ҳам хуш кўрмайсан+.

17 Аллоҳга маъқул қурбонлик — эзилган руҳдир.

Эй Худо, синган ва эзилган юракдан Сен воз кечмайсан+.

18 Эзгу ният ила Сионга яхшилик қил,

Қуддус деворларини қайтадан бунёд эт.

19 Шунда куйдириладиган қурбонликлару барча назрлардан,

Одил кишиларнинг келтирган қурбонликларидан хурсанд бўласан,

Қурбонгоҳингда буқалар қурбонликка келтирилади+.