Забур

Эй, самода яшовчилар, Яҳовага ҳамду сано айтинг!+

Кўкларда Уни мадҳ этинг!

 4 Эй, юксак самолар, Уни мадҳ этинг!

Эй, самодаги булутлар, Уни мадҳ этинг!

 5 Улар Яҳованинг исмини мадҳ этсин,

Чунки ҳаммаси Унинг амри билан яратилган+.

 6 Абадулабад турсин дея, уларни ўрнатган+,

Унинг чиқарган фармони асло кучини йўқотмайди+.

 7 Эй, ер юзидагилар,

Улкан денгиз жониворларию чуқур сувлар, Яҳовани мадҳ этинг!

 8 Эй, чақмоқ ва дўл, қор билан қуюқ булутлар,

Унинг сўзини бажо айлайдиган бўрон+,

 9 Эй, тоғлару тепаликлар+,

Мевали дарахтлару жамики кедр дарахтлари+,

10 Эй, ёввойи ҳайвонлару+ уй ҳайвонлари,

Судралиб юрувчилару қушлар,

11 Эй, жаҳон подшоҳларию жамики халқлар,

Беклару ер юзидаги барча ҳакамлар+,

12 Эй, йигиту қизлар,

Ёшу қари ҳаммангиз биргаликда Уни мадҳ этинг!

13 Улар Яҳованинг исмини мадҳ этсин,

Зеро, ёлғиз Унинг исми буюкдир+,

14 Худо Ўз халқининг қудратини оширади*,

У садоқатли бандаларининг —

Қадрдон халқи Исроил ўғилларининг шон-шуҳратини оширади.