Забур

34 Ҳар доим Яҳовани мақтайман,

Тинмай Унга ҳамду сано айтаман.

 2 Мен Яҳова билан мақтанаман+,

Камтар* киши буни эшитиб қувонади.

 3 Менга қўшилиб Яҳовани улуғланг+,

Келинг, биргаликда Унинг исмини кўкларга кўтарайлик.

 5 Унга кўз тикканларнинг чеҳрасидан нур ёғилиб туради,

Юзлари шувут бўлмайди.

 7 Яҳованинг фариштаси Ундан қўрқадиганлар атрофида қароргоҳ қуриб+,

Уларни қутқаради+.

 8 Тотиб кўр, шунда Яҳова яхши эканини билиб оласан+,

Унда паноҳ топган инсон бахтлидир.

 9 Эй, Яҳованинг муқаддас кишилари, Ундан қўрқинг!

Чунки Ундан қўрққанлар муҳтожлик кўрмайди+.

10 Ҳатто бақувват ёш шерлар ҳам оч қолади,

Аммо Яҳовани излайдиганлар яхшиликдан қуруқ қолмайди+.

11 Келинг, ўғилларим, менга қулоқ солинг,

Сизларга Яҳовадан қўрқишни+ ўргатаман.

12 Орангиздан ким ҳаётдан мамнун бўлиб яшашни,

Яхши кунларни кўришни истайди?+

13 Бундай киши тилини ёмонликдан+,

Оғзини ёлғон гапиришдан тийсин+.

14 Ёмонликдан қайтиб, яхшилик қилсин+,

Тинчликни қидириб, унинг пайида бўлсин+.

15 Яҳованинг кўзлари одил кишиларни кўради+,

Қулоқлари эса ёрдам сўраб илтижо қилганларни эшитади+.

16 Бироқ ёмонлик қилувчилардан Яҳова юз ўгиради,

Улар ҳақидаги хотирани ер юзидан ўчириб ташлайди+.

17 Одил кишилар фарёд қилади ва Яҳова уларни эшитади+,

У барча қайғу-аламларидан уларни халос этади+.

18 Яҳова қалби ўксиганларга яқиндир+,

Руҳан эзилганларни У қутқаради+.

19 Одил киши кўп қийинчиликларга дуч келади+,

Аммо Яҳова уларнинг баридан уни халос қилади+.

20 Унинг барча суякларини сақлайди,

Улардан ҳеч бири синдирилмайди+.

21 Ёвуз фалокатдан ҳалок бўлади,

Одил кишидан нафратланганлар гуноҳкор деб топилади.

22 Яҳова Ўз хизматчиларининг ҳаётини* сақлаб қолади,

Унда паноҳ топганларнинг ҳеч бири айбдор деб топилмайди+.