Доноликни топа оласиз!
«Муқаддас Ёзувларнинг ҳаммаси Худо томонидан илҳомлантирилган». (2 Тимўтийга 3:16) Бу оятдаги «илҳомлантирилган» сўзи Қодир Аллоҳ Ўз фикрларини Муқаддас Китобни ёзган кишиларнинг онгига солганини англатади.
Худо сизга Унинг донолигига эга бўлишни таклиф қиляпти
«Мен Яҳова,.. сенинг манфаатингни кўзлаб таълим бераман, юришинг керак бўлган йўлдан етаклайман. Қанийди амрларимга диққатли бўлганингда эди! Хотиржамлигинг гўё дарёдай, одиллигинг денгиз тўлқинларидай бўларди». (ИШАЁ 48:17, 18)
Ушбу сўзларни Худонинг шахсан сизга айтган таклифидай қабул қилинг. У хотиржамлигу абадий бахтга эга бўлишингизни истайди ва бунда сизга ёрдам бера олади.
Аллоҳнинг донолигини топа оласиз
«Аввало барча халқларга хушхабар эълон этилиши лозим». (МАРК 13:10)
«Хушхабар»га Яҳованинг азоб-уқубатларга чек қўйиш, ер юзини жаннатга айлантириш ҳамда ўлган яқинларимизни ҳаётга қайтариш ҳақидаги ваъдалари киради. Яҳованинг Шоҳидлари Муқаддас Китобга асосланган ушбу хабарни дунё бўйлаб ваъз қилишяпти.