YOOSOMA 18
Ninrowa waasuwela hayi makristu eekhaikhai?
Ibiliyawu sintxipale saatthu a mulaponi anniihima okhala makristu. Mene atthu awo, khanxuttiha ni khanaakhulela itthu imoha-moharu. Vano nnaasuwele hayi makristu eekhaikhai?
1. Okristu ti heeni?
Mukristu mutthareli, naari neere tiyoole ommutthara Yesu Kristu. (Musome Miteko 11:26.) Eheeni entthonyihera okhala mutthareli a Yesu? Yesu ahimme ha: “Mwèmelá mwa nsu naka, muri vekhaikhai òhuser’aka.” (Yohani 8:31) Eyo etaphulela weera mukristu ekhaikhai ontthuneya weettela malamulo a Yesu. Itthu sootheene Yesu apakaawe ni axuttinhaawe, saavarihana ni masu a Muluku. Vamoharu, itthu sootheene aKristu anipakaaya ni anhimaaya sintthuneya weera sivarihaneke ni Biblya.—Mmusome Luka 24:27.
2. Akristu eekhaikhai anoonihera hayi nsivelo?
Yesu ahaleela atthareli awe: “Mutthunaneke mukina ni mukhw’awe, ntoko kotthunnakani.” (Yohani 15:12) Yesu oonihera hayi weera annaatthuna atthareli awe? Owo aanaakhavihera ni annaalipiha atthareli awe, mpaka annasunkera ehuhu weera atthekulekeno. (1 Yohani 3:16) Vamoharu, makristu eekhaikhai khenaasa wuuluma vayanoni paahi voohima sa nsivelo. Mene awo, annoonihera mmasuni ni miteko saya weera annasivelana mukina ni mukhwaawe.
3. Akristu eekhaikhai muteko heeni anvaraaya?
Yesu ohaavaha muteko wootepa otthuneya atthareli awe. “Ni àhàruma orowa olaleya omwene wa Muluku.” (Luka 9:2) Akristu a eseekulu yoopatxera yannalaleya, mene khayaapaka eyo paahi nipuro yaamukokhorelaaya Muluku. Awo tho, yannalaleera mapuro oowaatta atthu ni nivaate ni vaate. (Musome Miteko 5:42; 17:17.) Nave tho aKristu mahukwaano annalaleya ikhaikhai sa mBiblyani mapuro ari poothe. Owo tho annaasiveliwa ni atthu. Mwaha wa yeeyo, annakhala oohakalala evarihela muteko ehuhu aya ni ikuru saya weera yaaxuttiheke akina ikhaikhai sa mBiblyani ni seeiye sinvaha yoowehera ni nimaaliho.—Marko 12:31.
WEERA MUXUTTERE SINTXIPALE
Moone ovirikana okhanle makristu eekhaikhai ni ale ahintthara malamulo a Yesu ni ntakihero nawe.
4. Awo antthuna osuwela ekhaikhai eri mBiblyani
Makristu a eseekulu yoopatxera yaannahela mwitti masu a Muluku
Khaiyene weera atthu ootheene anihimmwa okhala aKristu annoona okhala wootthuneya osuwela ekhaikhai ya mBiblyani. Moone EVIIDIYU, ni avinyaka mutthekule ni epontu enttharelana.
Etthu heeni igreja siniihima okhala seekristu sipankaaya weera atthu ehimusomeke Biblya?
Yesu oxuttiha ekhaikhai voohima sa masu a Muluku. Mmusome Yohani 18:37, avinyaka mutthekule ni epontu enttharelana:
Moovarihana ni Yesu, ninkela waasuwela hayi akristu ari “moono weekhaikhai”?
5. Awo annalaleya ikhaikhai sa mBiblyani
Makristu a eseekulu yoopatxera yaannalaleera atthu akina
Yesu ahaakunve otthikela wiirimu, ahaavaha atthareli awe muteko weera ovireleleke opakiwa mpaka mahuku ahu ala. Mmusome Matheyo 28:19, 20 ni Miteko 1:8, avinyaka mutthekule ni epontu enttharelana:
Neereke mitthenka sooreera saakela olaleiwa mapuro vakhaaneene? Saakela omala iyaakha ikavi atthu elaleyaka?
6. Awo ampaka ele anxuttihaaya
Eheeni yaamuroromelinhe Tom weera ahaaphwanya aKristu ekhaikhai? Moone EVIIDIYU. Avinyaka mutthekule ni ipontu sinttharelana:
Nviidiyuni, eheeni yaamweerihe Tom ohiya ittiini?
Eheeni yaamuroromelinhe Tom weera aaphwanya ekhaikhai?
Soopaka sahu ti sootthuneya opwaha ele ninhimaahu. Mmusome Matheyo 7:21, avinyaka mutthekule ni epontu enttharelana:
Etthu heeni eri yootthuneya wa Yesu: tiile ninhimaahu kapena ele ninpakaahu ni miteko sahu?
7. Awo annooniherana nsivelo nekhaikhai
Makristu a eseekulu yoopatxera yaannasivelana mukina ni mukhwaawe
Neereke akristu annaleva ekumi aya weera yaavulixe asinnaya? Moone EVIIDIYU, ni avinyaka mutthekule ni ipontu sinttharelana.
Nviidiyuni, eheeni yaamweerihe Lloyd oleva ekumi awe weera anvuluxe munna we Johansson?
Nyuwo munoona weera ti wootthuneya opaka itthu ntoko mukristu eekhaikhai?
Mmusome Yohani 13:34, 35, avinyaka mutthekule ni ipontu sinttharelana:
Moota heeni atthareli a Yesu naari neere “akristu eekhaikhai” yaakelaaya othokororana mukina ni mukwaawe? Neereke wa yaawo wookhalavo ovirikana wa eraasa naari elapo ekhummaayawo?
Neereke awo yaamoonihera nsivelo nno, naari ehuhu ya ekhotto?
ATTHU AKINA ANEERA: “Mutthu pooti okhala ettiini eri poothe; etthu yootthuneya omuroromela Yesu.”
Yoolepa heeni nyuwo mwaarowaanyu ovarihela muteko weera moonihere weera aakhala akristu eekhaikhai?
NYAHA SOOTTHUNEYA
Akristu eekhaikhai enniiwelela ele Biblya ohimaawe, ennoonihera nsivelo na ekhaikhai nave ennalaleya mitthenka sooreera sa mBiblyani.
Wuuluula
Sootheene akristu enhimaaya ni empakaaya sinvarihana ni eheeni?
Mikhalelo heeni sinoonihera weera awo aKristu eekhaikhai?
Muteko heeni akristu eekhaikhai empakaaya?
WEERA MUSUWELE ITTHU SINTXIPALE
Muxuttere vantxipale voohima sa egrupu ya atthu eniilipihera otthara ntakihero ni sooxuttiha sa Yesu Kristu.
Nwehe yooweereya ya muthiyana mmoha ohiyale okhala freira ni anaphwanya “emusi yeekhaikhai yoomunepani.”
Nwehe moota akristu eakhaikhai enooniheranaaya nsivelo wa asinnaya oothoiwa.
Wakhavihera asinna ephwanyinwe ni irisa sa ephattu—empari ya eviidiyu (3:57)
Musome voohima sa akristu eekhaikhai olelo va ni moota anlikanxaaya ntakihero na akristu akhalayi yiiwelelaka sooxuttiha sa Yesu.
“Itthu heeni sinasuwanyeiha makristu ekhaikhai?” (A Sentinela, 1.º a Março a 2012)