Yehova Onninikhaliherya Ovara Muteko Onirumale Awe​—Mwaha ola onikhuma Anuário das Testemunhas de Jeová, 2013

Mianmar

Epaaxina 102 ettima 1

Olaleerya ni wiixuttiha oBirmânia

Anamataphulela ala oopacerya yaahiviriha mixankiho sinceene. Naygar Po Han yoowo aapacenrye ovara muteko wootaphulela okathi Ba Oo ahaawerya awe otaphulela, onihimya so: “Othana miyo kaanivara muteko wira kikhaliherye emusi aka, nto ohiyu kaanivara muteko wootaphulela kimurumeelaka lâmpada yoowo ahaapatta saana; nto kaanitaphulela mpakha ohiyu eriyari. Waaniheryasa nkaataphulela saana maana nkaasuwela saana engelexi. Masi naaphavela wira irevista sahu saaphanyeke atthu anceene vaweryaneya”. Vaavo Robert Kirk anvekenle awe Doris Raj wira opacerye otaphulela erevista A Sentinela (wala Owehaweha) nttaava na elapo ya oBirmânia, Doris aahixankiheya nto khupacerya wunla. Owo aahihima wira: “Miyo nkisomme vanceene ni nkitonko otaphulela”. Masi munna Kirk aahikitumererya wira kaahaana weererya. Kaahinvekela Yehova, nuumala kaahipacerya otaphulela”. Olelo-va, soovira iyaakha 50 vaavo Doris onirumeela awe ntoko namataphulela oBetheli ya Yangon. Naygar Po Han, yoowo orina iyaakha 93 onikhala tho oBetheli, onnivikaniha okhaliherya sootthuneya sa Omwene moohakalala.

Epaxina 111, ettima 3 mpakha epaaxina 112 ettima 2

Ihapari sooreera sinniphiya Muttetthe wa oChin

Nuumala Than Tum okhuma muttetthe wa Hakha, Donald Dewar, pioneero a vameekha aya yoowo aarina iyaakha 20, aahimuranttela. Okhala wira anamuyari awe Donald, yaawo yaaitthaniwa Frank ni Lily Dewar (khalai aitthaniwa Lily May), yaavariwe niinano nto khoroihiwa elapo ekina, nto muhima awe Donald yoowo aarina iyaakha 18 aitthaniwa Samuel aahithaama enakhalasa hoothe. Donald onihimya so: “Hiyo naakhala enupa yaamukhaani yootthunyeliwa ezinko, yeeyo yaari yooviha elimwe, ni yooriirya vanceene eyiita. Masi, miyo etthu yaakixankiha vanceene waari okhala mekhaka. Ikwaha sinceene mmutekoni woolaleerya kaakhala mekhaka ni nkaasuwela olavula nttaava chin hakha, nenlo nalavuliwa muttetthe ole. Paahiru miyo, Samuel ni anamalaleerya anli wala araru naanirowa omuthukumanoni. Kaahiriipiwa murima vanci mpakha opacerya wuupuwela ohiya muteko wa opioneero.

“Okathi ole kaahimusoma Anuário yoowo aalavula sa olipa murima yoonihenrye aya anna oMalaui nnaamwi yaalupatthiwaa. Nto kaahiikoha so: ‘Akhala wira nkinwerya ovilela okhala mekhaka, kinrowa owerya sai ovilela olupatthiwa?’ Nuumala omulela Yehova mixankiho saka munivekeloni, kaahikhala saana. Nave-tho kaanilipihiwa ni myaha sa erevista A Sentinela (Owehaweha) kaasoma aka. Nto vaavo Maurice Raj ni Dunstan O’Neill, yaakixukunrye aya, kaakhala ntoko kaaweha malaikha manli! Vano kaahipacerya otthikela ophwanya ohakalala waka”.

Muhoolo mwaya, vaavo Donald aarumeela awe ntoko mutokweene a esirkwitu, owo aahaalipiha anna a mittetthe soorakamela. Wiimananiha wawe waahikumiherya mareeliho mmuttetthe wa Hakha weiwo olelo va okhanle aya muloko wa eKristau ni anipakiwa aya asembeleya ni akongresu. Anamalaleerya anli a muttetthe ole wa Hakha, Johnson Lal Vung ni Daniel Sang Kha yaawo yaarwa omuthukumanoni, olelo va anirumeela ntoko mapioneero a vameekha aya ni aakhaliherya omwarya mwarya ihapari sooreera ipantte sinceene sa muttetthe wa oChin.

[Enoota epaaxina]