Aradman nga Edisyon

KATUYOAN HAN ARADMAN NGA MGA ARTIKULO

ARTIKULO 1, 2 PAHINA 10-19

An mga katutdoan han buwa nga mga relihiyon nagin hinungdan nga minilyon an nahingaturog ha espirituwal. Hihisgotan hinin duha nga artikulo kon paonan-o pupukawon an mga tawo ngan kon kay ano nga importante nga magin apurado kita ha pagbuhat hito. Sugad man, paonan-o naton matitipigan an pag-abat hin pagkaapurado, ngan ano an karuyag sidngon han pagsangyaw nga may pagkaapurado?

ARTIKULO 3 PAHINA 20-24

Hi apostol Pedro nagsiring nga an dinihogan nga mga Kristiano may-ada “buhi nga paglaom.” (1 Ped. 1:3) Ano an karuyag sidngon hito, ngan ano an kalabotan hito ha ‘iba nga mga karnero’? (Juan 10:16) Ini nga artikulo mabulig ha imo nga masabtan kon kay ano nga may hinungdan ka nga malipay ha imo paglaom ngan pamulaton an katumanan hito.

ARTIKULO 4 PAHINA 25-29

Hi Jesus nagpahamangno: “Hinumdumi niyo an asawa ni Lot.” (Luk. 17:32, NW) Ano an iya karuyag sidngon hito? Ini nga artikulo mabulig ha aton nga hibaroan an tulo nga kahimtang diin bangin kinahanglan sundon naton ito nga pahamangno. Usisaha ha imo kinabuhi kon hain hito an kinahanglan mo tagan hin atensyon.