Aradman nga Edisyon

KATUYOAN HAN ARADMAN NGA MGA ARTIKULO

ARTIKULO 1, 2 PAHINA 3-12

Ginhihisgotan hini nga mga artikulo an mag-opay nga hinungdan ha pag-aplikar han sagdon ni Jehova mahitungod ha pag-asawa. Mabulig ini ha aton nga mas maapresyar an regalo han Dios nga pag-asawa. Iginpapakita liwat hini kon kay ano nga importante nga magin positibo bisan kon problemado an pag-asawa ngan ginpapabug-atan kon paonan-o an pag-aplikar han sagdon han Biblia mahimo magresulta hin malipayon nga pag-asawa.

ARTIKULO 3 PAHINA 17-21

Ginhihisgotan hini nga artikulo an mga paagi nga hi Jehova pirme nagtutuman han iya katuyoan ha iya itinanda nga panahon. Magpaparig-on ini han aton pagtoo ha iya ngan ha iya Pulong, an Biblia. Mapaparig-on liwat hini an aton determinasyon nga gamiton hin maaramon an aton panahon samtang may pagsarig nga ginhuhulat naton an pagluwas ni Jehova.

ARTIKULO 4 PAHINA 23-27

Bisan kon nahigugma kita ha Dios, diri kita hingpit. Bisan pa hito, karuyag naton ipakita an himaya ni Jehova. Iginsasaysay hini nga artikulo kon kay ano nga mahihimo naton ito. Ginhihisgotan hini kon ano an sadang naton buhaton basi masubad ngan mapalipay an Dios. (Efe. 5:1) Ginpapabug-atan liwat hini kon paonan-o naton padayon nga mahihimaya hiya.