Friday, October 11
You go keep me for your front forever.—Ps. 41:12.
Na Jehovah get open hand pass everybody. And anything wey you give-am, e go always give you back pass wetin you give-am. (Mark 10:29, 30) Jehovah go make you happy, e go bless you and make your life better, even for this wicked world. But the blessing no end for there. In fact, you go fit worship Jehovah wey be your Papa, forever. The love wey you get for your Papa go continue to grow, and you go dey alive forever as far as Jehovah dey alive. When you give your life to Jehovah and baptize, you don give your Papa for heaven something wey really dey special. All the good things wey you get, the things wey don make you happy, and wey you don ever enjoy, na from Jehovah. So to show say you value wetin Jehovah don do for you, you fit give-am something wey e never get before. Wetin be that? Na the worship wey come from your heart. (Job 1:8; 41:11; Prov. 27:11) True-true, this na the best way to live your life. w23.03 6 ¶16-17
OCTOBER 7-13
PSALMS 92-95
Song 84 and Prayer | Wetin We Go Learn? (1 min.)
1. To De Serve Jehovah Na the Best Way of Life!
(10 min.)
Na Jehovah we suppose worship (Ps 92:1, 4; w18.04 26 ¶5)
E de help im people to make better decision and to dey happy (Ps 92:5; w18.11 20 ¶8)
E value people wey de serve-am even when them don old (Ps 92:12-15; w20.01 19 ¶18)
ASK YOURSELF SAY, ‘Wetin de stop me make l no dedicate myself to Jehovah and baptize?’
2. Fine-Fine Things Wey You See for Bible
(10 min.)
Ps 92:5—How the words for this verse show the kind sense wey Jehovah get? (cl 176 ¶18)
Wetin you learn from this week Bible reading wey you go like talk about?
3. Bible Reading
(4 min.) Ps 94:1-23 (th study 5)
4. When You De Start Discussion
(4 min.) INFORMAL WITNESSING. When you de talk with person, look for chance to tell-am about the work wey you de do as Bible teacher. (lmd lesson 5 point 3)
5. When You De Check the Person Again
(3 min.) INFORMAL WITNESSING. Tell person wey like our message, but wey no gree accept Bible study before, about our Bible study program. (lmd lesson 8 point 4)
6. When You De Make Disciples
(5 min.) Discussion with Bible student wey no de make progress. (lmd lesson 12 point 5)
Song 5
7. When Worry-Worry De Affect Young People
(15 min.) Make una discuss-am together.
People wey de serve Jehovah no dey free from things wey fit make them de overworry. For example, David see different-different things for im life wey make-am overworry, and na so e still be for many of our brothers today. (Ps 13:2; 139:23) The sad thing be say, this thing even de affect young people. Sometimes, worry-worry fit make the things wey we de always do tire us, like to de go school, or to de go meeting. E fit even cause serious stress and fear for us, or we fit start to think of to kill ourself.
Young people, if una ever feel like that, talk to your papa or mama, or one mature brother or sister. Make sure say you still pray to Jehovah and beg-am to help you. (Php 4:6) E go help you. (Ps 94:17-19; Isa 41:10) See Steing example.
Play the VIDEO Jehovah Care for Me. After, make una answer this questions:
• Which Bible verse help Steing, and why?
• How Jehovah take care for-am?
Papa and mama, you fit help your children to fight this problem of worry-worry when you dey patient and you de listen to them, when you de tell them say you love them, and when you de help them dey sure say Jehovah love them. (Tit 2:4; Jas 1:19) Trust Jehovah to help you make your mind come down and to give you the power wey you need to fit support your children.
We fit no know when person for congregation de face this kind problem or we fit no understand how e de feel. But we fit still help when we de do things wey go make everybody for congregation feel say we love them and we accept them as our brother or sister.—Pr 12:25; Heb 10:24.
8. Congregation Bible Study
(30 min.) bt chap. 16 ¶6-9, box for p. 132