This kind thing don ever happen to you? Just think-am say person cook your best food. But because you no get enough time to chop the food or because you de think of other things wey de worry you for mind, you chop the food fast-fast and you no really take time to enjoy the taste of wetin you de chop. After you chop finish, you see say you too rush the food and later see say you for slow down to enjoy the taste of wetin you chop. E fit happen like that when we de read Bible. Sometimes, when we read-am fast-fast, we fit no really enjoy wetin we de read. But try and spend enough time to enjoy Bible as you de read-am. Use your mind de follow wetin de happen as you de read, think of the sound and the voice, and think about wetin you de read. If you read Bible this way, e go add to your joy. Jesus choose “the faithful and discreet slave” to give us food for the correct time, and we happy say them de really do this work well. (Matt. 24:45) Everything wey the faithful slave de teach us na from Bible.—1 Thess. 2:13. w22.10 7-8 ¶6-8