IMizekeliso

27 Sukuqhayisa ngengomso,

Kuba awazi ukuba likuphathele ntoni.*+

 2 Mayibe ngomnye umntu* okuncomayo, ungazincomi ngowakho umlomo;

Ibe ngabanye,* ingabi yeyakho imilebe.+

 3 Ilitye linzima, nesanti iyasinda,

Kodwa ukucatshukiswa sisidenge kunzima ngaphezu kwazo zombini.+

 4 Ukubhabhama ngumsindo kunenkohlakalo, ukucaphuka kufana nomkhukula,

Kodwa sona isikhwele siyingozi ukodlula zombini.+

 6 Amanxeba awenziwe ngumhlobo athembekile,

Kodwa lona utshaba lukuphuza into engapheliyo.*+

 7 Umntu ohluthiyo akafuni* nobusi obu,

Kodwa kumntu olambileyo nento ekrakrayo imnandi.

 8 Injengentaka eshiya* indlwane yayo

Indoda eshiya umzi wayo.

 9 Njengokuba ioli nesiqhumiso esiqholiweyo zivuyisa intliziyo,

Bunjalo nobuhlobo obuqala emva kwesiluleko esisuka entliziyweni.+

10 Ungamlahli umhlobo wakho okanye umhlobo katata wakho,

Ungabalekeli endlini yomntakwenu xa usengxakini;

Kubhetele ummelwane okufuphi kunomntakwenu okude.+

11 Yiba sisilumko nyana wam, uze uyivuyise intliziyo yam,+

Ukuze ndimphendule lowo undigxekayo.+

12 Umntu olumkileyo uyibona iseza ingozi ayiphephe,+

Kodwa ongenamava uya ngqo kuyo aze achaneke.*

13 Ukuba umntu ubambisele ityala lomntu wasemzini, thatha isambatho sakhe;

Bambisa ngaso ukuba umele ityala lomfazi* wasemzini.+

14 Xa umntu engxolela omnye ngemibuliso kwasekuseni,

Uya kuba ngathi uyamthuka.

16 Nabani na okwaziyo ukumnqanda, angakwazi nokunqanda umoya,

Angakwazi nokubamba ioli ngesandla sakhe sasekunene.

17 Njengokuba intsimbi ilolwa ngentsimbi,

Nomntu ulola umhlobo* wakhe.+

18 Umntu owukhathaleleyo umthi wamafiya* uza kutya isiqhamo sawo,+

Noyikhathaleleyo inkosi yakhe uza kunikwa imbeko.+

19 Njengokuba umntu ebubona ubuso bakhe emanzini,

Nentliziyo yomntu ibonisa eyomnye.

20 Ingcwaba* nendawo yentshabalalo* azize zanele,+

Namehlo omntu awaze anele.

21 Njengokuba imbiza inyibilikisa isilivere, neziko lomlilo linyibilikisa igolide,+

Umntu uvavanywa ngezincomo azifumanayo.*

22 Nokuba isidenge ungasingqusha

Njengeenkozo esingqushweni,

Soze buphume ubuphukuphuku baso.

Ziphathe kakuhle iigusha zakho,*+

24 Kuba ubutyebi abuhlali bukho ngonaphakade,

Nesithsaba asibikho kuzo zonke izizukulwana.+

25 Ingca eluhlaza iyanyamalala, kuntshule entsha,

Kuze kuqokelelwe utyani ezintabeni.

26 Amatakane eegusha aziinkunzi akunika impahla,

Neenkunzi zeebhokhwe zikuthengela intsimi.

27 Kuza kubakho ubisi lweebhokhwe olwaneleyo

Lokondla wena, indlu yakho nezicakakazi zakho.