Mika

5 “Ngoku uyazisika,

Ntombindini ehlaselwayo;

Sirhangqiwe.+

 2 Nawe Bhetelehem Efrata,+

Nangona umncinci gqitha ukuba ube phakathi kwamawaka akwaYuda,*

Kuwe ndiza kuphunyelwa ngulowo uza kuba ngumlawuli wakwaSirayeli,+

Omvelaphi yakhe isuka kumaxesha akudala, kwimihla yakudala.

 3 Ngoko ke uza kuwalahla

De kube lixesha lokuba umfazi obelekayo abeleke.

 4 Uza kuphakama aze aluse ngamandla kaYehova,+

Ngegunya legama elikhulu likaYehova uThixo wakhe.

Kwaye baza kuhlala bekhuselekile,+

Kuba ngelo xesha ubukhulu bakhe buza kufikelela nakwezona ndawo zikude emhlabeni.+

Xa umAsiriya enokuhlasela ilizwe lethu aze anyathele kwiinqaba zethu,+

Siza kumvusela abalusi abasixhenxe, iinkosana* ezisibhozo ebantwini.

 6 Ziza kulalusa ngekrele ilizwe laseAsiriya,+

Nelizwe likaNimrodi+ kwiigeyithi zalo.

Yaye uza kusisindisa kumAsiriya,+

Xa ehlasela ilizwe lethu naxa enyathela kummandla wethu.

 7 Abashiyekileyo bakaYakobi baza kuba phakathi kwezizwana ezininzi

Njengombethe ovela kuYehova,

Njengemvula phezu kotyani,

Engathembeli mntwini

Okanye engalindeli koonyana babantu.

 8 Abashiyekileyo bakaYakobi baza kuba phakathi kweentlanga,

Phakathi kwezizwana ezininzi,

Njengengonyama phakathi kwezilwanyana zehlathi,

Njengethole lengonyama* phakathi kwemihlambi yeegusha,

Elingena phakathi kwayo lize linqakule, liqwenge,

Kwaye akukho mntu uyisindisayo.

 9 Baza kuzoyisa iintshaba zabo,

Zonke ziza kutshatyalaliswa.”

10 UYehova uthi: “Ngaloo mini,

Ndiza kuwatshabalalisa amahashe neenqwelo zenu zokulwa.

11 Ndiza kuzitshabalalisa izixeko zelizwe lenu

Ndize ndizidilize zonke iindawo zenu ezinqatyisiweyo.

12 Ndiza kubuphelisa ubugqwirha enibenzayo,*

Yaye akukho mntu wenza umlingo uza kushiyeka phakathi kwenu.+

13 Ndiza kuyitshabalalisa imifanekiso yenu eqingqiweyo neentsika zenu,

Niyeke ukuqubuda kumsebenzi wezandla zenu.+

14 Ndiza kuzincothula izibonda zenu ezingcwele*+

Ndize ndizitshabalalise izixeko zenu.

15 Ndiza kuziphindezela ngomsindo nangengqumbo

Kwiintlanga ezingathobelanga.”