IiNdumiso

9 Ndiza kukudumisa, Yehova, ngentliziyo yam yonke;

Ndiza kuthetha ngayo yonke imisebenzi yakho emangalisayo.+

 2 Ndiza kuvuya ndize ndizingombe isifuba ngawe;

Ndiza kulidumisa ngengoma* igama lakho, wena ungOyena Uphakamileyo.+

 3 Xa iintshaba zam zirhoxa,+

Ziza kukhubeka zize zitshabalale phambi kwakho.

 5 Ukhalimele iintlanga,+ waza wabatshabalalisa abenzi-bubi,

Ulicime ngonaphakade kanaphakade igama labo.

 6 Iintshaba uzitshabalalise ngonaphakade,

Wancothula nezixeko zazo,

Watshayela kwanto enokwenza nazo.+

 7 Kodwa yena uYehova ungukumkani ngonaphakade;+

Uyizinzise yomelela ngobulungisa itrone yakhe.+

 8 Uza kuwugweba ngobulungisa wonke umhlaba;+

Uza kuziwisela izigwebo ezisemthethweni iintlanga.+

 9 UYehova uza kuba yindawo ekhuselekileyo*+ kwabo bacinezelwayo,

Indawo yokubalekela ngamaxesha anzima.+

10 Baza kuthembela kuwe abo balaziyo igama lakho;+

Wena Yehova+ soze ubalahle abo bakukhangelayo.

11 Mdumiseni ngengoma uYehova ohlala eZiyon;

Zithetheni ezizweni izinto azenzileyo.+

12 Kuba Lowo ungumphindezeli wegazi labo uyabakhumbula;+

Akazukusilibala isikhalo sabasentlungwini.+

13 Ndenzele ububele Yehova; ndicela uyibone intlungu yam eyenziwe ngabo bandicaphukelayo,

Wena undiphakamisayo kwiigeyithi zokufa,+

14 Ukuze ndizithethe kwiigeyithi zentombi yaseZiyon+ zonke izinto ezintle ozenzileyo,

Nokuze ndivuyiswe ziindlela ondisindise ngazo.+

15 Iintlanga zeyele kumhadi eziwembileyo;

Unyawo lwazo lubanjiswe ngumnatha obufihlwe kwazizo.+

17 Abenzi-bubi baza kubuyela engcwabeni,*

Zonke iintlanga ezimlibalayo uThixo.

18 Kodwa amahlwempu awazukulityalwa ngokupheleleyo;+

Nethemba labalulamileyo soze litshabalale.+

20 Zibethe ngoloyiko, Yehova,+

Iintlanga mazazi ukuba zingabantu nje abafayo. (Selah)