IMizekeliso

7 Nyana wam, wagcine amazwi am,

Uyixabise imiyalelo yam.+

 2 Thobela imiyalelo yam uze uphile;+

Yikhusele imfundiso yam* njengelihlo lakho.

 3 Yibophelele eminweni yakho;

Yibhale entliziyweni yakho.+

 5 Ukuze zikukhusele kumfazi ongakwazi kuziphatha,*+

Kumfazi oziphethe kakubi,* namazwi akhe esincwaso.*+

 6 Ndakroba ngefestile yendlu yam,

Ndajonga ezantsi,

 7 Ndaqwalasela abangenamava,

Ndabona umfana ongasebenzisi ngqondo.*+

 8 Wayehamba ngesitrato esikufutshane nekona yendlu yaloo mfazi,

Ehamba kanye ngendlela eya kuloo ndlu,

 9 Ngorhatya, ngokuhlwa,+

Kanye xa kusiba mnyama, sekusondele ubusuku.

10 Ndabona umfazi esiya kuye,

Enxibe ngathi ngumfazi othengisa ngomzimba,+ enentliziyo enamaqhinga.

12 Uthi ephandle abe ekwindawo kawonke-wonke,

Ehleli nje uncathame kuzo zonke iikona.+

13 Uyamnqakula, amncamise;

Aze engenazintloni athi kuye:

15 Yiloo nto ndiye ndakukhawulela,

Bendizokukukhangela, ngoku ndikufumene!

16 Ibhedi yam ndiyandlale ngelaphu lodidi,

Ilinen embeje-mbeje yaseYiputa.+

18 Yiza ke, sizanelise ngothando kude kuse;

Masizonwabise ngothando,

19 Kuba umyeni wam akakho endlini;

Uthathe uhambo olude.

20 Uhambe nengxowa yemali,

Ibe akazukubuya de kuthwase inyanga.”

22 Ngoko nangoko urhorhozela emva kwakhe, njengenkunzi yenkomo isiya kuxhelwa,

Njengesidenge esibotshelelweyo sisiya kohlwaywa,+

23 Side isibindi sakhe sigqojozwe lutolo.

Njengentaka eleqa ukungena kwisibatha, akazi ukuba uzifaka engozini enokudlula nobomi bakhe.+

24 Ngoku ke bonyana bam, ndimameleni;

Wahoyeni la mazwi ndiwathethayo.

Ningabhaduleli ngasezindleleni zakhe,+

26 Kuba baninzi abantu abenzakalisileyo;+

Baninzi ababuleleyo.+

27 Indlu yakhe ikhokelela engcwabeni;*

Yehlela kumagumbi angaphakathi okufa.