IMizekeliso

6 Nyana wam, ukuba uye wanikela isibambiso ngenxa yento ebolekwe ngummelwane wakho,+

Ukuba uye waxhawulana nomntu* wasemzini,+

 2 Ukuba uye warhintyelwa sisithembiso sakho,

Wabanjwa ngamazwi omlomo wakho,+

 3 Yenza le nto ke nyana wam, ukuze uzikhulule,

Ekubeni uye wawela esandleni sommelwane wakho:

 4 Ungawavali amehlo akho okanye ulale,

Ungayenzanga loo nto.

 5 Zihlangule njengebhadi esandleni somzingeli,

Njengentaka esandleni sombambisi weentaka.

 6 Yiya embovaneni, vilandini;+

Qwalasela iindlela zayo uze ube sisilumko.

 7 Nangona ingenamphathi, igosa okanye umlawuli,

 8 Ilungisa ukutya kwayo ehlotyeni,+

Iqokelela ukutya kwayo ngexesha lokuvuna.

 9 Kuza kude kube nini ulele, vilandini?

Uza kuvuka nini ebuthongweni?

10 Ngenxa yentwana yobuthongo, ukozela kancinci,

Ukusonga izandla kancinci ukuze uphumle,+

11 Ubuhlwempu buza kukuqubula njengotsotsi,

Nokuswela kukuhlasele njengendoda exhobileyo.+

12 Umntu ongungantweni nongalunganga uhamba ethetha izinto ezijijekileyo;+

13 Uqwabaza ilihlo, ashixizise unyawo, akhombe nangeminwe.+

14 Unentliziyo egcwele amaqhinga,

Esoloko icinga inkohlakalo+ nokuqala uchuku.+

15 Ngenxa yoko, iza kufika ngequbuliso intlekele yakhe;

Uza kwenzakala ngephanyazo, anganyangeki.+

16 Kukho izinto ezintandathu azicaphukelayo uYehova;

Phofu, zisixhenxe izinto azenyanyayo:

17 Ngamehlo anekratshi,+ ulwimi oluxokayo,+ nezandla ezichitha igazi elimsulwa,+

18 Yintliziyo eceba amaqhinga,+ neenyawo ezikhawulezayo ukubalekela ebubini,

19 Lingqina lobuxoki elisoloko lixoka,+

Naye nabani na oqala uchuku phakathi kwabantu abazalwa kunye.+

20 Nyana wam, thobela umthetho katata wakho,

Ungayilahli imfundiso* kamama wakho.+

21 Hlala uwubophe entliziyweni yakho;

Wunxibe entanyeni yakho.

22 Ekuhamba-hambeni kwakho, uza kukukhokela;

Xa ulele, uza kukugada;

Naxa uvuka, uza kuthetha nawe.*

23 Kaloku umyalelo usisibane,+

Umthetho uyakhanyisa,+

Nezohlwayo zengqeqesho ziyindlela yobomi.+

24 Ziya kukukhusela kumfazi ongakwazi kuziphatha,+

Kulwimi oluhendayo lomfazi oziphethe kakubi.*+

25 Sukubunqwenela ubuhle bakhe ngentliziyo yakho+

Okanye umvumele akubambise ngamehlo akhe anomtsalane,

26 Kuba ngenxa yomfazi othengisa ngomzimba umntu uyaphalala ade aphile ngesonka kuphela,+

Kodwa umfazi wenye indoda, angamenza alahlekelwe bubomi.

29 Injalo ke indoda elala nomfazi wommelwane wayo;

Nabani na omchukumisayo uza kohlwaywa.+

30 Abantu abaligxeki isela

Xa lisiba kuba lilambile.

31 Kodwa apho libanjwe khona, libhataliswa ngokuphindwe kasixhenxe;

Koxuthwa zonke izinto ezixabisekileyo zendlu yalo.+

32 Nabani na okrexeza* nomfazi akayisebenzisi ingqondo;*

Owenza loo nto uzizisela intlekele.+

33 Uza kufumana amanxeba nokuhlazeka,+

Yaye ihlazo lakhe soze liphele.+

34 Kaloku isikhwele simenza abe nomsindo umyeni,

Aze xa eziphindezela angabi nanceba.+

35 Akazukwamkela nantoni na ekuhlawulwa ngayo;

Akazukucengeka, nokuba inkulu kangakanani na into ompha yona.