Àìsáyà

61 Ẹ̀mí Jèhófà Olúwa Ọba Aláṣẹ wà lára mi,+

Torí Jèhófà ti yàn mí kí n lè kéde ìhìn rere fún àwọn oníwà pẹ̀lẹ́.+

Ó rán mi láti di ọgbẹ́ àwọn tó ní ọgbẹ́ ọkàn,

Láti kéde òmìnira fún àwọn ẹrú,

Pé ojú àwọn ẹlẹ́wọ̀n sì máa là rekete,+

 2 Láti kéde ọdún ìtẹ́wọ́gbà* Jèhófà

Àti ọjọ́ ẹ̀san Ọlọ́run wa,+

Láti tu gbogbo àwọn tó ń ṣọ̀fọ̀ nínú,+

 3 Láti pèsè fún àwọn tó ń ṣọ̀fọ̀ torí Síónì,

Láti fún wọn ní ìwérí dípò eérú,

Òróró ayọ̀ dípò ọ̀fọ̀,

Aṣọ ìyìn dípò ìrẹ̀wẹ̀sì ọkàn.

A ó sì máa pè wọ́n ní igi ńlá òdodo,

Tí Jèhófà gbìn, kó lè ṣe é lógo.*+

 4 Wọ́n máa tún àwọn ibi tó ti pa run nígbà àtijọ́ kọ́;

Wọ́n máa kọ́ àwọn ibi tó ti dahoro nígbà àtijọ́,+

Wọ́n sì máa mú kí àwọn ìlú tó ti pa run pa dà sí bó ṣe wà tẹ́lẹ̀,+

Àwọn ibi tó ti wà ní ahoro láti ìran dé ìran.+

 5 “Àwọn àjèjì máa dúró, wọ́n sì máa tọ́jú àwọn agbo ẹran yín,

Àwọn àlejò + máa jẹ́ àgbẹ̀ yín, wọ́n á sì máa bá yín rẹ́wọ́ àjàrà.+

 6 Ní tiyín, a ó máa pè yín ní àlùfáà Jèhófà;+

Wọ́n á máa pè yín ní òjíṣẹ́ Ọlọ́run wa.

Ẹ máa jẹ ohun àmúṣọrọ̀ àwọn orílẹ̀-èdè,+

Ẹ sì máa fi ògo* wọn yangàn.

 7 Dípò ìtìjú, ẹ máa ní ìpín ìlọ́po méjì,

Dípò ìdójútì, wọ́n máa kígbe ayọ̀ nítorí ìpín wọn.

 8 Torí èmi Jèhófà, nífẹ̀ẹ́ ìdájọ́ òdodo;+

Mo kórìíra olè jíjà àti àìṣòdodo.+

Màá fi òótọ́ san èrè iṣẹ́ wọn fún wọn,

Màá sì bá wọn dá májẹ̀mú tó máa wà títí láé.+

 9 Wọ́n máa mọ àwọn ọmọ* wọn láàárín àwọn orílẹ̀-èdè +

Àti àtọmọdọ́mọ wọn láàárín àwọn èèyàn.

Gbogbo àwọn tó bá rí wọn máa dá wọn mọ̀,

Pé àwọn ni ọmọ* tí Jèhófà bù kún.”+

Torí ó ti fi ẹ̀wù ìgbàlà wọ̀ mí;+

Ó ti fi aṣọ òdodo* bò mí lára,

Bí ọkọ ìyàwó tó wé láwàní bíi ti àlùfáà+

Àti bí ìyàwó tó fi àwọn ohun ọ̀ṣọ́ rẹ̀ ṣe ara rẹ̀ lọ́ṣọ̀ọ́.

11 Torí bí ilẹ̀ ṣe ń mú irúgbìn jáde,

Tí ọgbà sì ń mú kí ohun tí wọ́n gbìn sínú rẹ̀ hù,

Bẹ́ẹ̀ ni Jèhófà Olúwa Ọba Aláṣẹ

Ṣe máa mú kí òdodo+ àti ìyìn rú jáde+ níwájú gbogbo orílẹ̀-èdè.