uJobe

 3 “Kwangathi lungashabalala usuku engazalwa ngalo, +

Nobusuku othile athi ngabo: ‘Ukhulelwe umfana!’

UNkulunkulu ophezulu makangabi nandaba nalo;

Makungabi bikho ukukhanya phezu kwalo.

 6 Lobo busuku—ubumnyama obukhulu mabubuthathe; +

Mabungathokozi phakathi kwezinsuku zonyaka,

Mabungabalwa nezinsuku zenyanga.

 7 Ngempela! Bekungaba kuhle ukube akuzalwanga muntu ngalobo busuku;

Ukukhala kwenjabulo makungazwakali ngalobo busuku.

 8 Labo abaqalekisa usuku mababuqalekise,

Labo abakwazi ukuvusa uLeviyathani. *+

 9 Izinkanyezi zokuhwalala kwalobo busuku mazibe mnyama;

Mabulindele ukukhanya kodwa kungabi bikho,

Futhi mabungayiboni imisebe yokuntwela kokusa.

10 Ngoba abuzange buyivale iminyango yesibeletho sikamama; +

Abuzange buyifihle nenkathazo emehlweni ami.

13 Ngoba manje ngabe ngilele angiphazanyiswa; +

Ngabe ngilele ngiphumule +

14 Kanye namakhosi omhlaba nabeluleki bawo,

Abazakhela izindawo esezingamanxiwa,*

15 Noma nezikhulu ezazinegolide,

Izindlu zazo zigcwele

isiliva.

16 Noma kungani ngingafananga nengane eyafa ngenxa yokuthi unina waphuphunyelwa isisu engazi ukuthi ukhulelwe,

Njengabantwana abangakaze bakubone ukukhanya?

17 Lapho, ngisho nababi bayekile ukuyaluza;

Lapho, abaphele amandla baphumule. +

18 Lapho, zonke iziboshwa zikhululekile;

Azilizwa izwi lalowo oziphoqa ukuba zisebenze.

19 Abancane nabakhulu bayafana lapho, +

Nesigqila sikhululiwe enkosini yaso.

20 Kungani enika ohluphekayo ukukhanya

Nokuphila labo abacwile osizini? +

Bakumba ukwedlula ingcebo efihliwe,

22 Labo abajabula kakhulu,

Abathokozayo lapho bethola ithuna.

23 Kungani uNkulunkulu enika indoda elahlekile ukukhanya,

Leyo ayibiyele? +

24 Ngoba esikhundleni sokudla kwami kufika ukububula kwami, +

Ukukhala kwami + kuthululeka njengamanzi.

25 Ngoba lokho obekungethusa kungehlele,

Nalokho ebengikwesaba kungehlele.

26 Angibanga nakho ukuthula, noma ukungaphazanyiswa noma ukuphumula,

Kodwa ngilokhu ngehlelwa izinkinga.”