uJobe

30 “Manje bayangihleka +

—Abancane ngeminyaka kunami,

Oyise engangiyokwenqaba

Ukubabeka nezinja ezaziqapha umhlambi wami.

 3 Bazacile ngenxa yokuswela nendlala;

Baququda umhlabathi owomile

Owawusuwonakele futhi ushiywe dengwane.

 4 Bakha amacembe anosawoti ezihlahleni

Nezimpande ezibabayo ezihlahleni ukuze badle.

 5 Bayaxoshwa emphakathini; +

Abantu babamemeza njengokungathi bamemeza isela.

 6 Bahlala emiqanseni yezigodi,*

Emigodini nasemadwaleni.

 7 Bakhala phakathi kwezihlahla,

Baqoqane ndawonye phakathi kwezimbabazane.

 8 Njengoba bengamadodana abantu abangenangqondo nabangelutho,

Baxoshiwe ezweni.

 9 Kodwa manje bahlekisa ngami ngisho nasezingomeni zabo; +

Sengiphenduke inhlekisa* kubo. +

10 Bayanginyanya futhi bayangibalekela; +

Abanamahloni okungikhafulela ebusweni. +

11 Ngenxa yokuthi uNkulunkulu ungiphuce izikhali* zami wangithobisa,

Sebeyazenzela nje kimi.

12 Bavumbuka ngakwesokudla sami beyiqulu,

Bangijahe,

Babeke izikhubekiso endleleni yami ukuze ngehlelwe inhlekelele.

13 Badale umonakalo ezindleleni zami

Bandisa usizi lwami, +

Kungenamuntu ozobanqanda.*

14 Bangena njengokungathi bangena ngembobo enkulu odongeni;

Batheleka phezu kwesimo esibucayi.

15 Ngikhungethwe ukwesaba;

Isithunzi sami sipheshulwe njengomoya,

Ithemba lokukhululwa kwami linyamalala njengefu.

16 Manje ukuphila kwami kuyawohloka; +

Ngiququdwa usizi + usuku nosuku.

17 Amathambo ami ayankenketha* ebusuku, +

Nezinhlungu ezingiququdayo azipheli. +

18 Ngenxa yamandla amakhulu ingubo yami isontekile;*

Njengesiphika sengubo yami, iyangiklinya.

19 UNkulunkulu ungiphonse phansi odakeni;

Sengifana nothuli nomlotha.

20 Ngikhala kuwe ngicela usizo, kodwa awungiphenduli; +

Ngiyasukuma, kodwa uvele ungibuke nje.

21 Usungijikele kabuhlungu; +

Ngesandla sakho esinamandla amakhulu uyangihlasela.

22 Uyangithatha ungiphakamisele emoyeni,

Bese ungijikijela ngapha nangapha esiphephweni.*

23 Ngoba ngiyazi ukuthi uyongiyisa ekufeni,

Endlini okuyohlangana kuyo wonke umuntu ophilayo.

24 Kodwa akekho ongashaya umuntu owohlokile *+

Njengoba ekhalela usizo ngesikhathi senhlekelele.

26 Nakuba ngangilindele okuhle, kwafika okubi;

Ngangilindele ukukhanya, kodwa kwafika ubumnyama.

27 Isisu sami asiyekanga ukuphenduka;*

Ngaficwa izinsuku zokuhlupheka.

29 Sengiphenduke umfowabo wezimpungushe

Nomngani wamadodakazi entshe. +

30 Isikhumba sami sesimnyama futhi sixebukile; +

Amathambo ami ayasha.*

31 Ihabhu lami elabalilayo kuphela,

Negemfe lami elabakhalayo kuphela.