97 UJehova useyiNkosi! +
Umhlaba mawujabule. +
Iziqhingi eziningi mazithokoze. +
2 Amafu nobumnyama kumzungezile nxazonke; +
Ukulunga nobulungisa kuyisisekelo sesihlalo sakhe sobukhosi. +
3 Phambi kwakhe kuphuma umlilo, +
Uqothula izitha zakhe nxazonke. +
4 Imibani yakhe ikhanyisa izwe;
Umhlaba uyakubona lokhu uthuthumele. +
5 Izintaba zincibilika njengekhekheba lezinyosi phambi kukaJehova, +
Phambi kweNkosi yomhlaba wonke.
6 Amazulu amemezela ngokulunga kwakhe,
Zonke izizwe ziyayibona inkazimulo yakhe. +
7 Mabahlazeke bonke abakhonza izithombe ezibaziwe, +
Abaqhosha ngonkulunkulu abangasizi ngalutho. +
Mkhothameleni, nonke nina bonkulunkulu. +
8 IZiyoni liyezwa lijabule; +
Amadolobhana akwaJuda ayajabula
Ngenxa yezahlulelo zakho, Jehova. +
9 Ngoba wena, Jehova, ungoPhezukonke emhlabeni wonke;
Uphakeme kakhulu kunabo bonke abanye onkulunkulu. +
10 O nina enithanda uJehova, zondani okubi. +
Uqapha ukuphila kwabaqotho bakhe; +
Uyabakhulula esandleni sababi. +
11 Abalungile bathole ukukhanya +
Ngisho nabaqotho enhliziyweni bajabule.
12 O nina enilungile, jabulani ngoJehova,
Nibonge igama lakhe elingcwele.