U-Isaya

61 Umoya weNkosi EnguMbusi uJehova uphezu kwami, +

Ngoba uJehova ungigcobile ukuba ngimemezele izindaba ezinhle kwabamnene. +

Ungithume ukuba ngibophe abaphukile enhliziyweni,

Ukuba ngimemezele inkululeko kulabo abathunjiwe

Nokuthi iziboshwa ziyophinde zibone, +

 2 Ukuba ngimemezele unyaka womusa kaJehova

Nosuku lwempindiselo kaNkulunkulu wethu, +

Ukuba ngiduduze bonke abalilayo, +

 3 Ukuba nginakekele abalilela iZiyoni,

Ukuba ngibanike umnqwazo esikhundleni somlotha,

Amafutha okwethaba esikhundleni sokulila,

Ingubo yokudumisa esikhundleni somoya odangele.

Bayobizwa ngokuthi izihlahla ezinkulu zokulunga,

Okutshalwe nguJehova, ukuze akhazinyuliswe. *+

 4 Bayowakha kabusha amanxiwa asendulo;

Bayovusa izindawo zakudala esezaba yincithakalo, +

Bayovuselela amadolobha abhuqiwe, +

Izindawo eziyincithakalo izizukulwane ngezizukulwane. +

 5 “Izihambi ziyosukuma zeluse imihlambi yenu,

Abezinye izizwe + bayoba abalimi benu nabalimi benu bamagilebhisi. +

 6 Kodwa nina, niyobizwa ngokuthi ningabapristi bakaJehova; +

Kuyothiwa niyizikhonzi zikaNkulunkulu wethu.

Niyodla umnotho wezizwe, +

Niyoziqhayisa ngenkazimulo* yazo.

 7 Esikhundleni sehlazo niyothola isabelo esiphindwe kabili,

Esikhundleni sokululazeka bayomemeza bejabulela isabelo sabo.

 8 Ngoba mina Jehova, ngithanda ubulungisa; +

Ngizonda ukuphanga nokungalungi. +

Ngiyobanika inkokhelo yabo ngokwethembeka,

Ngiyokwenza nabo isivumelwano esiyohlala kuze kube phakade. +

 9 Inzalo* yabo iyokwaziwa phakathi kwezizwe, +

Nesizukulwane sabo phakathi kwezizwe.

Bonke abababonayo bayobazi,

Ukuthi bayinzalo* uJehova ayibusisile.” +

Ngoba ungigqokise izingubo zensindiso; +

Ungisonge ngengubo* yokulunga,

Njengomkhwenyana ofaka umnqwazo onjengowabapristi, +

Nanjengomakoti ozihlobisa ngemihlobiso yakhe.

11 Njengoba nje umhlaba uveza okuhluma kuwo,

Nanjengoba nje insimu yenza ukuba izinto ezitshalwe kuyo zihlume,

Ngendlela efanayo iNkosi EnguMbusi uJehova

Iyobangela ukuba kuhlume ukulunga + nokudumisa + phambi kwazo zonke izizwe.