IzAga

 2 Kuma ezindaweni eziphakeme + ngasemgwaqweni,

Empambanweni yemigwaqo.

 3 Kuqhubeka kumemeza kakhulu + eceleni kwamasango angena edolobheni,

Lapho kungenwa khona eminyango,

Kuthi:

 4 “O nina bantu, ngiyanibiza;

Ngimemeza wonke umuntu.*

 5 Nina eningenalwazi, fundani ukukhalipha; +

Nina eniyiziphukuphuku zuzani inhliziyo enokuqonda.

 6 Lalelani, ngoba engikushoyo kubalulekile,

Izindebe zami zikhuluma okulungile;

 7 Ngoba umlomo wami uhlebeza iqiniso,

Izindebe zami ziyakwenyanya okubi.

 9 Wonke aqondile kwabanokuqonda,

Alungile kulabo abathole ulwazi.

10 Thathani isiyalo sami esikhundleni sesiliva,

Nolwazi esikhundleni segolide lekhethelo, +

11 Ngoba ukuhlakanipha kungcono kunamakhorali;*

Zonke ezinye izinto ezifiselekayo azinakuqhathaniswa nako.

12 Mina kuhlakanipha, ngihlala nokukhalipha;

Ngithole ulwazi nekhono lokucabanga. +

14 Ngineseluleko esihle nokuhlakanipha okuwusizo; +

Ukuqonda + namandla + kungokwami.

15 Amakhosi abusa ngami,

Nezikhulu eziphakeme zikhipha izinqumo ezilungile. +

16 Izikhulu zibusa ngami,

Nezicukuthwane zahlulela ngokulunga.

17 Ngiyabathanda abangithandayo,

Labo abangifunayo bayongithola. +

18 Ingcebo nenkazimulo kukimi,

Ingcebo engapheli* nokulunga.

19 Isithelo sami singcono kunegolide, singcono kunegolide elicwengekile,

Umkhiqizo wami ungcono kunesiliva lekhethelo. +

20 Ngihamba endleleni yokulunga,

Phakathi nezindlela zobulungisa;

21 Labo abangithandayo ngibanika ifa elinothile,

Ngigcwalisa izinqolobane zabo.

22 UJehova wangenza ngaba ngukuqala kwendlela yakhe, +

Owokuqala kuyo yonke imisebenzi yakhe yakudala. +

23 Ngamiswa kusukela endulo, +

Kusukela ekuqaleni, kusukela ezikhathini zangaphambi komhlaba. +

24 Engakabibikho amanzi ajulile, + ngazalwa,*

Zingakabibikho iziphethu eziphuphuma amanzi.

25 Zingakabekwa izintaba endaweni yazo,

Engakabibikho amagquma, ngazalwa,

26 Engakawenzi umhlaba nezindawo zawo ezingenalutho

Noma amagabade okuqala enhlabathi.

27 Lapho ehlela amazulu, + ngangikhona;

Lapho ebeka umngcele* phakathi kwesibhakabhaka nolwandle, +

28 Lapho emisa* amafu phezulu,

Lapho enza imithombo yamanzi ajulile,

29 Lapho emisela ulwandle umyalo

Owukuthi amanzi angadluleli ngale kwalokho akuyalile, +

Lapho emisa* izisekelo zomhlaba,

30 Ngangiseceleni kwakhe ngiyisisebenzi esiyingcweti. +

Yimi ayengithanda ngokukhethekile + usuku nosuku;

Ngangijabula phambi kwakhe ngaso sonke isikhathi; +

31 Ngangijabula ngomhlaba wakhe owawuzohlala abantu,

Ngiwathanda ngokukhethekile amadodana abantu.*

32 Manje madodana ami, ngilaleleni;

Yebo, bayajabula abagcina izindlela zami.

33 Lalelani isiyalo + nihlakaniphe,

Ningalokothi ningasinaki.

34 Uyajabula umuntu ongilalelayo

Ngokusheshe afike* emnyango wami usuku nosuku,

Ngokulinda eduze kwezinsika zomnyango wami;

35 Ngoba ongitholayo uyothola ukuphila, +

UJehova uyamamukela.

36 Kodwa onganginaki uzilimaza yena,

Nalabo abangizondayo bathanda ukufa.” +