This article comes from 78 0708

“Om teen die prikkels te skop”

VOOR sy bekering het Paulus (Saulus) God se ware knegte wreed vervolg. Toe Jesus Christus hom aan Paulus openbaar het, het hy aan hom gesê: “Saul, Saul, waarom vervolg jy My? Dit is hard vir jou om teen die prikkels te skop” (Hand. 26:14). Wat het Jesus hiermee bedoel?

Jesus Christus beskou dit wat aan sy volgelinge gedoen word asof dit aan hom persoonlike gedoen word (Matt. 25:40, 45). Deur die Christene te vervolg het Paulus dus in der waarheid Christus vervolg. Hy het tot sy eie leed teen iets geveg wat God se steun gehad het. Dit kon dus tereg gesê word dat Paulus ‘teen die prikkels geskop het’. ’n Prikkel is ’n stok met ’n skerp punt, soms ’n metaalpunt, wat gebruik is om beeste of ’n dier wat ’n ploeg getrek het mee aan te por. Die steeks dier wat teen die prikkel of steek weerstand gebied het deur daarteen te skop, het nie enige verligting ondervind nie, maar het net homself seergemaak. Net so het die Paulus nie gebaat om diegene te vervolg wat God se goedkeuring gehad het nie. Sy pogings in hierdie verband was net so vrugteloos soos wanneer ’n trekdier die steke van ’n prikkel weerstaan.