Jeremías

45 Jehoiaquim, tüfa Josías ñi fotüm, Judá ñi lonco ülmen, yeniefui 4 tripantu tañi ngünenieel. Feichi mu Baruc, tüfa Nerías ñi fotüm, huirintucuquefui quiñe lifru mu chem tañi feipieteu Jeremías, tüfa Chau Ngünechen ñi huerquen. Jeremías feipieyu tüfachi dungu:

2 “Jehová, Israel ñi Chau Ngünechen, feipilei tüfachi dungu eimi mu, Baruc: 3 ‘Eimi feipimi: “Aungen ta iñche, cutrantupiuquelen, huelu Chau Jehová doi hueñancülqueneu! Afeluhun fente tañi afcüduammequen.* Pepi cüme duamcülequelan”’.

4 Mülei tami feipiafiel: ‘Tüfa ñi feipin Chau Jehová: “Apümcayafiñ chem tañi anümel ca ngedunentuafiñ* chem tañi tucuel, com ti troquiñ mapu. 5 Huelu eimi quintuyahulimi* fütraque dungu eimingealu. Quintuhuelayaimi feichi dungu”’.

‘Iñche huercülelafiñ com pu che quiñe huesa dungu, huelu iñche tañi pin mu, montuaimi tami mongen,* cheu amulmi rume’ pi Chau Jehová”.