Mangargai Hangoluan Silehon-lehon ni Debata

 1. Sadia arga do hangoluatta di Jahowa?

BAYAKKON ma adong donganmuna na mangalean sada jabu tu hamu. Nang pe pudar warna cat ni jabu i jala adong bocorna, alai arga ni jabu i miliaran rupiah. Pasti diargai hamu do i jala berupaya do hamu mangarawat jabu i. Sarupa songon i ma nungnga dilehon Jahowa tu hita silehon-lehon na massai arga, i ma hangoluan. Sasittongna, massai arga do hangoluatta di Jahowa. I do alana dilehon Ibana Anakna lao manobus hita.​—Joh. 3:16.

 2. Sesuai tu 2 Korint 7:1, aha do na dipangido Jahowa sian hita?

² Sian Jahowa do ro hangoluan. (Ps. 36:9) Setuju do Apostel Paulus tu hata on tikki didok ibana, “Alani Ibana do hita gabe adong, marhosa, jala mangolu.” (Ul. 17:25, 28) Jadi boi ma tadok silehon-lehon sian Debata do hangoluan. Diparade Ibana do aha na tahaporluhon asa toktong hita mangolu. (Ul. 14:15-17) Alai saonari dang dibahen Jahowa mukjizat asa boi hita toktong mangolu. Gariada dipangido Ibana do hita asa toktong manjaga kesehatan jala manomba Ibana. (Jaha 2 Korint 7:1.) Boasa ikkon tajaga kesehatan dohot hangoluatta jala songon dia carana?

 3. Boasa ikkon tajaga kesehatanta?

³ Sada alasanna boasa ikkon tajaga kesehatanta, ala lomo rohatta mangalehon na dumenggan lao manomba Jahowa. (Mrk. 12:30) Lomo do rohatta mangalehon diritta “gabe pelean na mangolu, na badia, jala na palasson roha ni Debata”. (Rom 12:1) Alani i, unang ma taulahon akka ulaon na boi mambahen hita marsahit. Memang dang boi tajamin torus hita sehat, alai ikkon berupaya do hita asa toktong sehat. Alana lomo do rohatta patuduhon na taargai do hangoluan silehon-lehon ni Bapakta na di surgo.

 4. Aha do tekad ni Raja Daud?

⁴ Dipaboa Raja Daud do boasa diargai ibana hangoluan na sian Debata. Didok ibana, “Aha ma gunana molo tung pe mate au, molo dung masuk au tu bagasan tanoman? Tung boi ma orbuk mamuji Ho manang paboahon akka pambahenanmu na sittong i? (Ps. 30:9) Bisa jadi disurat si Daud do hatana i dung matua ibana. Alai bertekad do ibana asa toktong sehat jala manomba Jahowa sian nasa tolapna. Pasti sarupa do tekadta songon si Daud.

 5. Aha do na boi taulahon dang soal hita marsahit manang nungnga matua?

⁵ Molo dung matua hita jala marsahit, dang godang be na boi taulahon. Olo do gabe kecil hati hita jala lungun rohatta alani i, alai unang ma gabe dang tajaga be kesehatanta. Boasa? Alana dang soal hita matua manang marsahit boi dope hita mamuji Jahowa songon na diulahon Raja Daud. Massai tarapul do rohatta mamboto na arga do hita di Jahowa, nang pe marsahit hita manang nungnga matua. (Mat. 10:29-31) Bahkan molo mate pe hita, lomo do roha ni Debata pahehehon hita. (Job 14:14, 15) I ma alasanna ikkon berupaya do hita manjaga kesehatan saleleng mangolu hita.

 6. Aha do na dipangido Jahowa sian hita taringot kebiasaan mangan dohot minum?

⁶ Nang pe dang bukku kesehatan Bibel, alai dipaboa do disi songon dia pandangan ni Jahowa taringot kesehatan. Misalna, dijujui do hita asa mambolokkon sude na boi mambahen sega dagingta. (Pjm. 11:10) Didok do muse di Bibel asa unang pagodangku taallang sipanganon jala unang pagodangku tainum minuman beralkohol. Boi do i mambahen hita marsahit jala boi mambahen hita mate. (Poda 23:20) Dipangido Jahowa do tu hita asa mangarajai diritta tikki mamillit sipanganon dohot siinumon, jala sadia godang i taallang dohot tainum.​—1 Kor. 6:12; 9:25.

 7. Songon dia Poda 2:11 mangurupi hita mambahen keputusan na denggan taringot kesehatanta?

⁷ Molo taargai hangoluan na dilehon Debata, manat ma tapikkirhon sebelum hita mambahen keputusan. (Ps. 119:99, 100; jaha Poda 2:11.) Misalna, manat ma hita marpikkir tikki mamutusson aha na lao taallang. Nang pe lomo rohatta tu sada jenis sipanganon, alai molo taboto gabe marsahit hita ala mangallang i, pasti tahindari do i. Tapatudu ma tong na marbisuk hita molo cukkup hita modom, taratur berolahraga, jala manjaga kebersihan diri dohot jabutta.

 8. Aha do na dipaboa Bibel taringot cara pandang ni Jahowa tu keselamatanta?

⁸ Dilehon Jahowa do Patik tu halak Israel songon dia nasida boi melindungi diri sian kecelakaan na boi terjadi di jabu manang di inganan karejo. (2 Mus. 21:28, 29; 5 Mus. 22:8) Molo adong sasahalak na so sengaja mambunu halak na asing, ikkon ditanggung ibana do akibatna. (5 Mus. 19:4, 5) Bahkan di Patik i dipaboa ikkon dihukum do sasahalak na so sengaja mambahen celaka poso-poso na di kandungan dope. (2 Mus. 21:22, 23) Jadi takkas do dipaboa di Bibel lomo do roha ni Jahowa asa tajaga keselamatanta.

 9. Aha do na boi taulahon lao manjaga keselamatanta? (Ida gambar.)

⁹ Tapatudu ma na taargai hangoluan sian Debata molo toktong tajaga keselamatan tikki di jabu dohot di inganan karejo. Contohna molo naeng tabolokkon benda-benda tajam, bahan kimia na marraccun, manang obat-obatan, tapastihon ma i unang parohon bahaya tu na asing. Jala pastihon akka benda sisongon i dang boi dijangkau dakdanak. Asing ni i, berhati-hati ma hita tikki mamakke kompor, mangarobus aek, dohot mamakke peralatan. Unang ma tatinggalhon i molo so adong na mengawasi. Unang ma hita mamboan mobil molo dang fokus hita, misalna ala baru minum obat, minum minuman beralkohol, manang molo hurang modom hita. Jala unang ma tatiop HP tikki mamboan mobil alana boi do gabe dang fokus hita.

10. Aha do na boi taulahon sebelum dohot tikki masa situasi na berbahaya?

¹⁰ Memang dang sai boi hita mencegah situasi na berbahaya, songon bencana alam, wabah penyakit, manang kerusuhan. Alai situasi aha pe na masa, berupaya ma hita asa toktong aman. Taoloi ma pamaretta molo disuru hita asa evakuasi manang mangihutton petunjuk na asing. (Rom 13:1, 5-7) Adong do situasi darurat na boi diantisipasi, jala olo do dilehon pamaretta petunjuk taringot i. Alani i taihutton ma petunjuk i jala tabahen ma persediaan darurat. Misalna boi do tapersiappon hinan makanan na tahan lama, air minum, dohot obat-obatan.

11. Molo masa sahit na menular di inganatta, aha do na ikkon taulahon?

¹¹ Aha do na ikkon taulahon molo masa sahit na menular di inganatta? Taihutton ma petunjuk sian pamaretta. Misalna manucci tangan, manjaga jarak, mamakke masker, dohot karantina. Molo taulahon on sude, on patuduhon na taargai do hangoluan na sian Debata.

12. Songon dia do Poda 14:15 mangurupi hita lao manottuhon informasi aha na porlu tabege tikki masa situasi darurat?

¹² Tikki masa situasi darurat, olo do tabege informasi na so akurat sian akka dongan, tetangga, bahkan di berita. Alai unang ma tatangihon “sude hata”, tatangihon ma informasi na akurat sian pamaretta dohot sian tenaga medis. (Jaha Poda 14:15.) Berusaha do Punguan na Mangaradoti Organisasi dohot kantor cabang mandapot informasi na akurat sebelum dibahen nasida petunjuk taringot parpunguan dohot ulaon marbarita na uli. (Heb. 13:17) Molo taihutton petunjuk i gabe terlindungi ma hita dohot akka na asing sian bahaya. Jala boi ma denggan pandangan ni halak di daerahta taringot Saksi Jahowa.​—1 Ptr. 2:12.

13. Songon dia do hita patuduhon na taoloi patik ni Jahowa taringot mudar?

¹³ Godang do halak mamboto molo Saksi Jahowa porsea na badia do mudar i. Taoloi patik ni Jahowa taringot mudar, i do alana dang tajalo transfusi darah bahkan tikki kritis situasitta. (Ul. 15:28, 29) Alai dang na berarti lomo rohatta mate. Sebalikna taargai do hangoluan silehon-lehon ni Debata. Talului do bantuan sian tenaga medis na olo mambahen pengobatan tanpa transfusi darah.

14. Aha do na porlu taulahon asa mengurangi resiko dioperasi manang menjalani perawatan na serius?

¹⁴ Molo tajaga kesehatanta songon mangulahon akka saran na tabahas di artikel on, bisa jadi dang porlu hita dioperasi manang menjalani perawatan medis na serius. Jala molo tung pe ikkon dioperasi hita, boi do hita hatop malum ala toktong tajaga kesehatanta. Boi do muse tahindari situasi na mambahen hita dioperasi molo tajaga keselamatan di jabu dohot di tempat karejo jala molo taoloi peraturan lalu lintas.

15. (a) Boasa penting sai mamboan surat kuasa na terbaru? (Ida gambar.) (b) Songon na dipatudu di video, songon dia do hita mambahen keputusan taringot penggunaan mudar tikki menjalani perawatan kesehatan?

¹⁵ Ala taargai do hangoluan sian Debata, taisi ma Surat Kuasa Khusus Perawatan Kesehatan (surat kuasa) jala taboan ma i manang na tudia hita lao.b Molo taisi dokumen on, berarti tapaboa do pendirianta taringot transfusi darah dohot perawatan medis. Adong do di hamu saonari surat kuasa? Molo dang diisi hamu dope i manang dang diperbaharui dope i, hatop ma isi hamu. Alana molo diisi hamu surat kuasa i, gabe hatop ma hamu mandapot penanganan dang habis be tikkimuna patorakkon i muse tu dokter. Jala boi ma muse diboto tenaga medis dang tajalo perawatan kesehatan na berbahaya tu hita.c

16. Aha do na boi taulahon molo dang taboto dope songon dia carana mangisi surat kuasa?

¹⁶ Sude do hita boi mengalami kecelakaan manang marsahit, nang pe poso dope hita manang sehat di tikki on. (Pjm. 9:11) Alani i denggan do molo taisi surat kuasa. Molo dang taboto dope songon dia carana mangisi surat kuasa, sukkun ma tu sintua di huriamuna. Diboto nasida do songon dia mangisi surat kuasa i. Alai ingot ma, dang nasida na mambahen keputusan tu hamu. Tanggung jawabmuna do i. (Gal. 6:4, 5) Alai boi do diurupi nasida hamu asa mangattusi pilihanmuna dohot carana mangisi surat kuasa i.

17. Songon dia do hita patuduhon na marbisuk hita taringot kesehatan?

¹⁷ Godang do keputusan na tabahen taringot kesehatan dohot perawatan medis berdasarkan na taparsiajari sian Bibel. (Ul. 24:16; 1 Tim. 3:9) Tikki tabahen keputusan jala tapaboa keputusanta i tu na asing, taingot ma prinsip di Pilippi 4:5. Didok disi, “Patuduhon ma tu saluhut halak na marbisuk do hamu.” Molo marbisuk hita, dang gabe terlalu khawatir hita tu kesehatanta manang gabe tapaksa na asing asa mangihutton cara pandangta. Ikkon tahaholongi do donganta jala ikkon taargai nasida, nang pe dang sarupa keputusan ni nasida tu hita.​—Rom 14:10-12.

18. Songon dia do hita patuduhon na taargai hangoluatta?

¹⁸ Tapatudu ma na taargai Jahowa Mual ni hangoluan, molo tajaga ngolutta jala talehon na undenggan tu Ibana. (Pgk. 4:11) Memang saonari olo do marsahit hita manang hona bencana. Alai taingot ma dang hangoluan sisongon i na dihalomohon Jahowa tu hita. Satokkin nai bahenonna ma asa boi hita mangolu saleleng ni lelengna jala dang adong be sahit dohot hamatean. (Pgk. 21:4) Huhut paimahon i, denggan do molo tajaga ngolutta jala tasomba Jahowa Bapakta na parholong i!