Yeremiya
31 Yehowa be: “Ɣemaɣi la, manye Mawu na Israel ƒe ƒomeawo katã; eye woawo hã woanye nye dukɔ.”+
2 Ale Yehowa gblɔe nye esi:
“Wove dukɔ la ƒe ame siwo metsi yi nu le gbea dzi o la nu
Esime Israel zɔ yina eƒe gbɔɖemeƒe.”
3 Yehowa ɖe eɖokui fiam le didiƒe ke gblɔ be:
“Metsɔ lɔlɔ̃ mavɔ lɔ̃ wò.
Esia tae meve nuwò eye mehe wò ɖe ɖokuinye ŋu ɖo.*+
4 Oo Israel ɖetugbui leaƒe, magbugbɔ wò aɖo te, ekema woagbugbɔ wò atso.+
6 Elabena ŋkeke li gbɔna, esime dzɔla siwo le Efrayim tonuto me la ado ɣli be:
‘Mitso, mina míayi Zion, le Yehowa mía Mawu la gbɔ.’”+
7 Elabena ale Yehowa gblɔe nye esi:
“Mitso aseye ɖe Yakob ŋu,
Mido dzidzɔɣli elabena miekɔ ta gbɔ dukɔwo ŋu.+
Miɖe gbeƒãe; mina kafukafu naɖi, eye migblɔ be:
‘Oo Yehowa, xɔ na wò dukɔ, xɔ na Israel ƒe ame susɔeawo.’+
8 Mekplɔ wo tso dziehenyigba dzi gbɔna,+
Eye maƒo wo nu ƒu tso anyigba ƒe mlɔenuwo ke.+
Ŋkunɔwo kple bunɔwo,+
Funɔwo kple nyɔnu siwo le ku lém la katã anɔ wo dome.
Woanye ameha gã aɖe atrɔ agbɔ ava afi sia.+
9 Woanɔ avi dzi ava.+
Makplɔ wo, esime woanɔ koko ƒom be mave yewo nu.
Makplɔ wo ato mɔ sɔsɔe si dzi womakli nu le o la dzi
Ayi tɔʋuwo to.+
Elabena menye Fofo na Israel, eye Efrayim ye nye nye ŋgɔgbevi.”+
10 Mi dukɔwo, mise Yehowa ƒe nya,
Eye miɖe gbeƒãe le ƒukpo siwo le didiƒe ʋĩi la dzi be:+
“Ame si ka Israel hlẽ la aƒo wo nu ƒu.
Eye wòakpɔ edzi, abe ale si lãkplɔvi wɔna na eƒe lãha ene.+
12 Woava tso aseye le Zion+ ƒe togbɛ la dzi,
Eye woakpɔ dzidzɔ ɖe Yehowa ƒe nyuiwɔwɔ* ŋu,
Ðe nuku, wain yeye+ kple ami ŋu,
Ðe alẽwo kple nyiwo ƒe viwo ŋu.+
13 “Ɣemaɣi la, ɖetugbuiwo,
Ðekakpuiwo kple ame tsitsiwo+ siaa aɖu ɣe akpɔ dzidzɔ.
Mana woƒe konyifafa nazu aseyetsotso.+
Mafa akɔ na wo ahana woakpɔ dzidzɔ ɖe konyifafa teƒe.+
15 “Ale Yehowa gblɔe nye esi:
‘Wose konyifagbe kple avifafa vevie le Rama:+
Rahel le fafam na viaŋutsuwo.*+
Egbe be woagafa akɔ na ye le ye viwo ŋuti o,
Elabena womegali o.’”+
16 Ale Yehowa gblɔe nye esi:
“‘Dzudzɔ avifafa, eye wò ŋkuwo megafa aɖatsi o,
Elabena teƒeɖoɖo li na wò dɔwɔwɔ,
Woagatrɔ agbɔ tso futɔ la ƒe anyigba dzi,’+ Yehowa ye gblɔe.
17 Yehowa be: ‘Mɔkpɔkpɔ li na wò le etsɔme,+
Eye viwòwo atrɔ gbɔ va woawo ŋutɔwo ƒe anyigba dzi.’”+
18 “Mesee Efrayim le nu xam le nu si dzɔ ɖe edzi la ta be:
‘Èɖɔm ɖo, eye mena nèɖɔm ɖo
Abe nyivi si womemla o ene.
Kplɔm gbɔe, ekema matrɔ ɖe ŋuwò,
Elabena wòe nye Yehowa nye Mawu.
Ŋu kpem, eye meɖi gbɔ,+
Elabena nye ɖevimeŋukpe le ŋunye.’”
20 “Ðe Efrayim menye vi vevi, vi si gbɔ nyemelɔ̃a nu le oa?+
Elabena zi ale si mehe nya ɖe eŋu la, megaɖoa ŋku edzi kokoko.
Esia tae nye dɔme trɔ ɖe eŋu.*+
Makpɔ nublanui nɛ godoo,” Yehowa ye gblɔe.+
21 “Ði mɔfiakpewo ɖe mɔ to na ɖokuiwò,
Eye nàtu dzesikpewo+ na ɖokuiwò.
Wò ŋku nenɔ mɔ gã si dzi wòle be nàto la ŋu.+
Oo, Israel ɖetugbui, trɔ gbɔ, trɔ gbɔ va wò du siawo me.
22 Oo, vinyɔnu mawɔnuteƒe, ɣekaɣie nàtsa tsaglãla ase ɖo?
Elabena Yehowa wɔ nu yeye aɖe le anyigba dzi:
Nyɔnu anɔ ŋutsu yome vevie.”
23 Ale aʋakɔwo ƒe Yehowa, Israel ƒe Mawu la, gblɔe nye esi: “Ne meƒo woƒe aboyomewo nu ƒu la, woagagblɔ nya sia le Yuda-nyigba dzi kple eƒe duwo me be: ‘Oo dzɔdzɔenyenye nɔƒe,+ Oo to kɔkɔe,+ Yehowa neyra wò.’ 24 Amewo anɔ Yuda kple eƒe duwo katã me ɖekae hekpe ɖe agbledelawo kpakple ame siwo kplɔa lãhawo ŋu.+ 25 Elabena mana ame* siwo ŋu ɖeɖi te la nakpɔ gbɔdzɔe, eye mana ame sia ame* si nu ti kɔ na la naɖi ƒo.”+
26 Ale menyɔ heʋu ŋku; ke nye alɔ̃ vivi nam.
27 Yehowa be: “Kpɔ ɖa! Ŋkekewo li gbɔna, esime maƒã amegbetɔ kple lãwo abe nuku ene ɖe Israel ƒe aƒe kple Yuda ƒe aƒe la me.”+
28 Yehowa be: “Ale si ko nye ŋku nɔ wo ŋu, be maho wo, amu wo, agbã wo, atsrɔ̃ wo ahagblẽ wo domee la,+ nenema kee nye ŋku anɔ wo ŋu, be maɖo wo te, eye mado wo.+ 29 Le ŋkeke mawo me la, womagagblɔ be, ‘Fofowo ɖu waintsetse siwo le lalãm, eye aɖu nyɔ viwo’* azɔ o. + 30 Ke boŋ ame sia ame aku le eya ŋutɔ ƒe vodada ta. Ame si ɖu waintsetse siwo le lalãm la, eyae aɖu anyɔ.”
31 Yehowa be: “Kpɔ ɖa! Ŋkekewo li gbɔna, esime mabla nu yeye kple Israel ƒe aƒe la kpakple Yuda ƒe aƒe la.+ 32 Manɔ abe nu, si mebla kple wo tɔgbuiwo le gbe si gbe melé woƒe alɔnu kplɔ wo tso Egipte-nyigba dzi,+ ‘nye nubabla si wotu,+ evɔ nyee nye woƒe aƒetɔ* ŋutɔŋutɔ hafi,’ la ene o, Yehowa ye gblɔe.”
33 “Elabena esiae nye nu, si mabla kple Israel ƒe aƒe la le ŋkeke mawo megbe. Matsɔ nye se la ade wo me,+ eye maŋlɔe ɖe woƒe dzi me.+ Manye woƒe Mawu, eye woawo woanye nye dukɔ,”+ Yehowa ye gblɔe.
34 “Ame aɖeke magafia nu ehavi kple nɔvia agblɔ be, ‘Dze si Yehowa!’+ o, elabena wo katã woadze sim, tso ɖeviwo dzi va se ɖe tsitsiawo dzi,”+ Yehowa ye gblɔe. “Elabena matsɔ woƒe vodada ake, eye nyemagaɖo ŋku woƒe nu vɔ̃wo dzi azɔ o.”+
35 Ale Yehowa,
Ame si naa ɣe klẽna le ŋkeke me,
Eye wòwɔ se* na ɣleti kple ɣletiviwo be woaklẽ le zã me,
Ame si blua atsiaƒu be eƒe tsotsoewo nadze agbo,
Ame si ŋkɔe nye aʋakɔwo ƒe Yehowa gblɔe nye esi:+
36 “‘Ne ɖoɖo siawo do kpo nu le ŋkunyeme la,
Ema ko hafi ame siwo nye Israel ƒe dzidzimeviwo la nu atsi, eye womaganye dukɔ le ŋkunyeme azɔ o,’+ Yehowa ye gblɔe.”
37 Ale Yehowa gblɔe nye esi: “‘Ne woate ŋu adzidze dziƒo si le dzi, eye woate ŋu adzro anyigba la ƒe agunuwo me kpɔ la, ema ko hafi nye hã magbe Israel ƒe dzidzime blibo la le nu siwo katã wowɔ la ta,’ Yehowa ye gblɔe.”+
38 Yehowa be: “Kpɔ ɖa! Ŋkekewo li gbɔna, esime woatso du+ la na Yehowa tso Hananel ƒe Mɔ́+ la gbɔ va se ɖe Dzogoedzigbo+ la nu. 39 Eye dzidzeka+ la ato Gareb togbɛ la gbɔ tẽe atrɔ aɖo ta Goa. 40 Eye nu kukuwo kple dzofi* ƒe bali bliboa kple toŋugblewo katã va ɖo keke Kidron-tɔʋu+ la nu ke va se ɖe Sɔgbo+ la ƒe dzogoe dzi ɖo ta ɣedzeƒe la, anye nu kɔkɔe na Yehowa.+ Womahoe o, eye womagagbãe akpɔ gbeɖe o.”