Abɛi

6 Mibi,* kɛ́ oyadamɔ mli ohã mɔ ko,+

Kɛ́ ota mɔkpɔŋ ko dɛŋ kɛwo shi,+

 2 Kɛ́ shi ko ni owo lɛ edu bo,

Ni odaaŋ wiemɔ efimɔ bo lɛ,+

 3 Mibi,* feemɔ enɛ, ni okɛjie ohe,

Ejaakɛ ogbee mɔ lɛ dɛŋ;

 4 Kaahã ohiŋmɛii miiná wɔ eewɔ,

Ni kaahã wɔ miiba ohiŋmɛii asɛɛ.

 5 Jiemɔ ohe oya tamɔ adowa ni eje gbɔbilɔ dɛŋ,

Tamɔ loofɔlɔ ni eje loofɔlɔdulɔ dɛŋ.

 6 Anihaolɔ, yaa tsatsu ŋɔɔ;+

Kwɛmɔ egbɛi lɛ, ni ohiɛ akã shi.

 7 Ebɛ hiɛnyiɛlɔ, loo nɔkwɛlɔ, loo nɔyelɔ ko moŋ,

 8 Shi etaoɔ eniyenii etoɔ yɛ latsa be mli,+

Ni ebuaa eniyenii anaa yɛ nikpamɔ be mli.

10 Ohiɛ mawɔ fioo, majie mihiŋmɛisɛɛ fioo,

Makota miniji majɔɔ mihe fioo,+

11 Ni ohia baabanina bo tamɔ ojotswalɔ,

Ni ofimɔ lɛ baaba tamɔ nuu ni hiɛ tawuu nii.+

12 Nuu ni ji yaka gbɔmɔ kɛ efɔŋfeelɔ lɛ, enyiɛɔ ni ewieɔ wiemɔi kɔɔdɔji;+

13 Ebɛɔ mɔ hiŋmɛi,+ ni ekɛ enane feɔ okadii, ni ekɛ ewaobii hu feɔ okadii.

14 Nibii fɔji eyi etsui mli obɔ,

Be fɛɛ be lɛ, eeto ŋaa fɔŋ,+ ni eewo mɛi ateŋ béi.+

15 No hewɔ lɛ, ehiɛkpatamɔ lɛ baaba trukaa;

Yɛ hiŋmɛitswaa fioo mli lɛ, abaakumɔ lɛ ni ehiii tsamɔ.+

16 Nibii ekpaa Yehowa nyɛɔ;

Hɛɛ, ehiɔ* nibii kpawo;

17 Hiŋmɛi ni wóɔ ehe nɔ,+ kɛ lilɛi ni maleɔ,+ kɛ niji ni shwieɔ mɔ ko ni efeko nɔ ko lɛ lá shi,+

18 Kɛ tsui ni toɔ ŋaa fɔji,+ kɛ naji ni he feɔ oya kɛyafeɔ efɔŋ,

19 Kɛ amale odasefonyo ni maleɔ be fɛɛ be,+

Kɛ mɔ ni woɔ nyɛmimɛi ateŋ béi.+

20 Mibi,* ye opapa kitã lɛ nɔ,

Ni kaaku ohiɛ ofɔ̃ omami gbɛtsɔɔmɔ* lɛ nɔ.+

21 Fĩi amɛ okpɛtɛ otsui he be fɛɛ be;

Okɛ amɛ aŋmɔ okuɛ.

22 Kɛ́ onyiɛ lɛ, ebaatsɔɔ bo gbɛ;

Kɛ́ okã shi lɛ, ebaabu ohe;

Ni kɛ́ ohiɛ tsɛ̃ lɛ, ebaawie etsɔɔ bo.*

23 Ejaakɛ kitã lɛ, kane ni,+

Ni mla lɛ, la ni,+

Ni jajemɔi ni akɛtsɔseɔ mɔ lɛ, wala gbɛ ni.+

24 Amɛbaabu ohe kɛje yoo gbonyo he,+

Kɛje yoo ni bɛ jeŋba* lɛ naa dɔkɔbii lɛ he.+

25 Kaashwe ehefɛo lɛ yɛ otsui mli,+

Kaahã ekɛ ehiŋmɛii ni yɔɔ akɔnɔ lɛ fimɔ bo,

26 Ejaakɛ ashawo yoo hewɔ lɛ, nɔ ni shwɛɔ hãa nuu pɛ ji blodo* kome,+

Shi nuu kroko ŋa tsɔɔ wala* ni jara wa tsɔne.

29 Nakai nɔŋŋ eji yɛ mɔ ni kɛ mɔ kroko ŋa náa bɔlɛ lɛ gbɛfaŋ;

Mɔ fɛɛ mɔ ni taa yoo nɛɛ he lɛ yeŋ ehe kɔkɔɔkɔ.+

30 Agbeee julɔ he guɔ

Kɛ́ hɔmɔ ni yeɔ lɛ lɛ hewɔ eyaju kɛgbe ehɔmɔ lɛ.*

31 Shi, kɛ́ amɔ lɛ lɛ, ebaato najiaŋ toi kpawo;

Ekɛ eshĩa mli nibii ni jara wa lɛ fɛɛ baahã.+

32 Mɔ fɛɛ mɔ ni kɛ yoo fiteɔ gbãla lɛ, ebɛ jwɛŋmɔ;*

Mɔ ni feɔ nakai lɛ miikpãtã lɛ diɛŋtsɛ ehiɛ.*+

33 Nɔ pɛ ni ebaaná ji faji kɛ hiɛgbele,+

Ni atsumɔŋ ehiɛshishwiemɔ lɛ.+

34 Ejaakɛ awuŋayeli hãa nuu* mli woɔ la;

Kɛ́ eetɔ owele lɛ enaŋ mɔbɔ kwraa.+

35 Eheŋ kpatamɔnii ko;*

Ni kɛ́ oke lɛ nii babaoo po lɛ, etsui he ejɔŋ.