Daniel
12 “Nakai be lɛ mli lɛ, Mikael*+ baate shi adamɔ shi,* lumɔ wulu+ lɛ ni damɔ shi hã omaŋbii lɛ.* Ni haomɔ be ni eko bako dã kɛjɛ be ni aná jeŋmaŋ kɛbashi nakai be lɛ baaba. Ni yɛ nakai be lɛ mli lɛ, omaŋbii lɛ baaje mli,+ mɔ fɛɛ mɔ ni aŋma egbɛ́i yɛ wolo lɛ mli lɛ baaje mli.+ 2 Ni mɛi ni ewɔ yɛ shikpɔŋ sũ mli lɛ ateŋ mɛi pii ahiɛ baatsɛ̃, mɛi komɛi baaya naanɔ wala mli, ni mɛi komɛi hu baaya hiɛgbele kɛ naanɔ nyaŋemɔ mli.
3 “Ni mɛi ni yɔɔ sɛɛyoomɔ lɛ baakpɛ waa tamɔ ŋwɛi atatu, ni mɛi ni kɛ mɛi babaoo baa jalɛ mli lɛ baakpɛ tamɔ ŋulamii kɛbaaya naanɔi anaanɔ.
4 “Shi bo, Daniel lɛ, okɛ wiemɔi nɛɛ ato, ni osɔo wolo lɛ naa kɛyashi naagbee be lɛ.+ Mɛi babaoo baanyiɛ kɛya kɛba,* ni anɔkwa nilee baafa babaoo.”+
5 Kɛkɛ ni mi, Daniel, mikwɛ ni mina mɛi enyɔ krokomɛi damɔ jɛmɛ, mɔ kome damɔ faa lɛ naa biɛ, ni mɔ kome hu damɔ faa lɛ naa biɛ.+ 6 Kɛkɛ ni mɔ kome kɛɛ nuu ni wo klala atade,+ ni yɔɔ faa lɛ mli nui lɛ ayiteŋ lɛ akɛ: “Bei enyiɛ ebaahe dani nɛkɛ naakpɛɛ nibii nɛɛ baaba naagbee?” 7 Kɛkɛ ni minu ni nuu ni wo klala atade, ni yɔɔ faa lɛ mli nui lɛ ayiteŋ lɛ miiwie, ewó eninejurɔ kɛ ebɛku nɔ etsɔɔ ŋwɛi ni ekɛ mɔ ni yɔɔ wala mli kɛyaa naanɔ+ lɛ kã kitã akɛ: “Ebaahe be ni ato, kɛ bei ni ato, kɛ be fã.* Kɛ́ mɛi krɔŋkrɔŋi lɛ ahewalɛ lɛ ajwaramɔ lɛ ba naagbee nɔŋŋ lɛ,+ nibii nɛɛ fɛɛ baaba naagbee.”
8 Shi mi lɛ, minu, shi minuuu shishi;+ no hewɔ lɛ, mikɛɛ akɛ: “Ao minuŋtsɔ, te nibii nɛɛ baayagbe naa ahã tɛŋŋ?”
9 Kɛkɛ ni ekɛɛ: “Daniel, yaa, ejaakɛ akɛ wiemɔi lɛ baato ni abaasɔo naa kɛyashi naagbee be lɛ.+ 10 Mɛi babaoo baahã amɛhe atse ni amɛyɛ futaa, ni abaatsuu amɛhe.+ Ni mɛi fɔji lɛ baafee efɔŋ, ni mɛi fɔji lɛ ateŋ mɔ ko mɔ ko nuŋ shishi; shi mɛi ni yɔɔ sɛɛyoomɔ lɛ baanu shishi.+
11 “Ni kɛjɛ be ni ajie daa nifeemɔ*+ lɛ, ni akɛ nyaŋemɔ nii ni kɛ amaŋfɔfeemɔ baa lɛ ma shi lɛ,+ gbii 1,290 baaho.
12 “Mɔ ni yaa nɔ ekpaa gbɛ* kɛyashi gbii 1,335 lɛ naagbee shɛɔ lɛ yɛ miishɛɛ!
13 “Shi bo lɛ, yaa kɛyashi naagbee lɛ. Obaajɔɔ ohe, shi obaate shi oná ogbɛfaŋnɔ yɛ gbii lɛ anaagbee lɛ mli.”+